VIDEO: સિંદૂર-મંગળસૂત્ર વિના જોવા મળી રોહન ઠક્કરની દુલ્હન, કોકટેલ પાર્ટીમાં Anshula Kapoorએ અપનાવ્યો મોડર્ન લુક
છેલ્લું અપડેટ : 08 Jul 2026
મુંબઈ: અંશુલા કપૂર અને રોહન ઠક્કરના લગ્ન સોશિયલ મીડિયા પર સતત ચર્ચામાં છે. હવે તેમના બ્રાઇડલ અને રિસેપ્શન લુક બાદ અંશુલાના કોકટેલ પાર્ટી લુકે પણ સૌનું ધ્યાન ખેંચ્યું છે.
અંશુલા કપૂરનો કોકટેલ લુક એટલો આકર્ષક હતો કે તેના પરથી નજર હટાવવી મુશ્કેલ બની ગઈ હતી. સામાન્ય રીતે કોકટેલ પાર્ટીમાં સિક્વિન ગાઉન અથવા સંપૂર્ણ મોડર્ન આઉટફિટ જોવા મળે છે, પરંતુ અંશુલાએ કંઈક અલગ પસંદગી કરી હતી.
તેમણે ડિઝાઇનર અમિત અગ્રવાલ દ્વારા ડિઝાઇન કરેલી ઇન્ડો-વેસ્ટર્ન બનારસી સાડી પહેરી હતી, જેમાં આધુનિક ફેશન સાથે ભારતીય પરંપરાનો સુંદર સમન્વય જોવા મળ્યો હતો. તેમના આ લુકે કોકટેલ પાર્ટીની થીમને પણ ન્યાય આપ્યો અને પરંપરાગત સ્પર્શ પણ જાળવી રાખ્યો.
અંશુલાનો સમગ્ર વેડિંગ વોર્ડરોબ શરૂઆતથી જ ખૂબ જ વ્યક્તિગત અને ખાસ રહ્યો છે. તેમના દરેક લુકમાં એક અલગ સ્ટાઇલ અને ભાવના જોવા મળી હતી, જેના કારણે તેમના લગ્નના તમામ આઉટફિટ્સ સોશિયલ મીડિયા પર ચર્ચાનો વિષય બન્યા છે.
