150 કરોડના બિટકોઈન કૌભાંડમાં Raj Kundraની મુશ્કેલી વધી! કોર્ટે સમન્સ પાઠવી જવાબ માંગ્યો

બિટકોઈન કૌભાંડ સાથે જોડાયેલા એક મોટા કેસમાં ઉદ્યોગપતિ રાજ કુન્દ્રાની મુશ્કેલીઓ વધતી જણાય છે. મુંબઈની એક વિશેષ PMLA કોર્ટે આ કેસમાં તેમની વિરુદ્ધ સમન્સ જારી કરીને તેમને કોર્ટમાં હાજર થવાનો નિર્દેશ આપ્યો છે. આ કાર્યવાહી અમલીકરણ નિર્દેશાલય (ED) ની ચાર્જશીટની નોંધ લેતા કરવામાં આવી છે.

આ પણ વાંચો :

'Drishyam 3' બાદ Akshaye Khannaના હાથમાંથી નીકળી વધુ એક મોટી ફિલ્મ!

સંગીત જગતનું ગૌરવ: મ્યુઝિક મેસ્ટ્રો ઈલૈયારાજાને AIFF માં પદ્મપાણી એવોર્ડથી નવાજવામાં આવશે

ફરી મુશ્કેલીમાં ફસાયા રાજ કુન્દ્રા

આ પણ વાંચો :

આ દિગ્ગજ અભિનેતા સાથે લગ્ન કરવા તુર્કીથી ભારત આવી હતી 2 ફેન, પરિણીત હોવા છતાં પહેરાવવી પડી હતી વીંટી

AR Rahmanને સમર્થન કરવું ભાજપના પૂર્વ સાંસદને પડ્યું ભારે, યુઝર્સે કર્યા ટ્રોલ

બિઝનેસમેનમાંથી પ્રોડ્યુસર અને એક્ટર બનેલા રાજ કુન્દ્રા વિરુદ્ધ હવે કાયદેસરનો કેસ ચાલશે. બિટકોઈન કૌભાંડ સંબંધિત કેસમાં મુંબઈની વિશેષ PMLA કોર્ટે રાજ કુન્દ્રાને સમન્સ પાઠવ્યું છે. કોર્ટે આ પગલું ED દ્વારા દાખલ કરવામાં આવેલી ચાર્જશીટના આધારે ઉઠાવ્યું છે. આ જ કેસમાં દુબઈ સ્થિત ઉદ્યોગપતિ રાજેશ સતીજાને પણ સમન્સ મોકલવામાં આવ્યું છે. બંનેને કોર્ટમાં હાજર થવા માટે જણાવાયું છે.

EDએ સપ્ટેમ્બર 2025માં આ કેસમાં સપ્લીમેન્ટરી ચાર્જશીટ દાખલ કરી હતી, જેમાં રાજ કુન્દ્રા અને રાજેશ સતીજાને આરોપી બનાવવામાં આવ્યા હતા. આ કેસ કુખ્યાત 'ગેઈન બિટકોઈન પોન્ઝી સ્કીમ' સાથે જોડાયેલો છે.

શું છે EDનો દાવો?

તપાસ એજન્સીના જણાવ્યા અનુસાર:

આ કૌભાંડના માસ્ટરમાઇન્ડ અને પ્રમોટર અમિત ભારદ્વાજે યુક્રેનમાં બિટકોઈન માઈનિંગ ફર્મ સ્થાપવા માટે રાજ કુન્દ્રાને 285 બિટકોઈન આપ્યા હતા. જોકે, આ પ્રોજેક્ટ ક્યારેય પૂર્ણ થયો નહોતો.
EDનો દાવો છે કે આ 285 બિટકોઈન હજુ પણ રાજ કુન્દ્રા પાસે છે, જેની વર્તમાન કિંમત 150 કરોડ રૂપિયા થી વધુ હોવાનું મનાય છે.

ચાર્જશીટની મહત્ત્વની વિગતો

ચાર્જશીટમાં કહેવામાં આવ્યું છે કે રાજ કુન્દ્રાએ પોતાની જાતને માત્ર એક મધ્યસ્થી ગણાવ્યા હતા, પરંતુ તેઓ આ બાબતે કોઈ મજબૂત દસ્તાવેજો રજૂ કરી શક્યા નથી. ED અનુસાર, રાજ કુન્દ્રા અને મહેન્દ્ર ભારદ્વાજ વચ્ચે 'ટર્મ શીટ' નામે એક સમજૂતી થઈ હતી, જેનાથી સ્પષ્ટ થાય છે કે અસલી સોદો રાજ કુન્દ્રા અને અમિત ભારદ્વાજ વચ્ચે જ હતો.

એજન્સીએ વધુમાં ઉમેર્યું કે વ્યવહારને સાત વર્ષથી વધુ સમય વીતી ગયો હોવા છતાં, કુન્દ્રાને અલગ-અલગ હપ્તામાં મળેલા બિટકોઈનની ચોક્કસ સંખ્યા યાદ છે. આ બાબત એજન્સીના એ દાવાને મજબૂત કરે છે કે તેઓ માત્ર મધ્યસ્થી નહીં પણ તેના અસલી લાભાર્થી હતા.

પુરાવા છુપાવવાનો આરોપ

તપાસ એજન્સીએ આરોપ લગાવ્યો છે કે 2018 થી અત્યાર સુધી અનેક તકો આપવા છતાં રાજ કુન્દ્રા તે 'વોલેટ એડ્રેસ' ની જાણકારી આપી શક્યા નથી જેમાં 285 બિટકોઈન ટ્રાન્સફર કરવામાં આવ્યા હતા. કુન્દ્રાએ બચાવમાં કહ્યું હતું કે તેમનો આઈફોન-X ખરાબ થઈ ગયો છે. બીજી તરફ, EDનું માનવું છે કે આ જાણી જોઈને પુરાવા નાશ કરવાનો અને ગુના દ્વારા મેળવેલી રકમ છુપાવવાનો પ્રયાસ હોઈ શકે છે.

હવે કોર્ટે સમન્સ જારી કરીને બંને આરોપીઓ પાસે આ મામલે જવાબ માંગ્યો છે.