'પુષ્પા 2'એ રિલીઝ થતા પહેલા કરી કરોડોની કમાણી, જાણો પ્રી-સેલ બુકિંગના આંકડા
તેલુગુ સિનેમાની વર્ષ 2024ની બહુચર્ચિત ફિલ્મ 'પુષ્પા 2' (Pushpa 2 The Rule) એ
તેલુગુ સિનેમાની વર્ષ 2024ની બહુચર્ચિત ફિલ્મ 'પુષ્પા 2' (Pushpa 2 The Rule) એ રિલીઝ પહેલા જ કરોડોની કમાણી કરી લીધી છે. ફિલ્મ 5 ડિસેમ્બર 2024એ થિયેટર્સમાં રિલીઝ થશે. આ પહેલા મૂવીના પોસ્ટર્સ અને ટ્રેલરને રિલીઝ કરવામાં આવી ચૂક્યા છે, જેને જોઈને ચાહકો ખૂબ ઉત્સુક થઈ ગયા છે તેમજ ફિલ્મની રિલીઝની આતુરતાથી રાહ જોઈ રહ્યાં છે. દરમિયાન હવે તેનું એડવાન્સ બુકિંગ પણ શરૂ થઈ ચૂક્યું છે, જેમાં ફિલ્મે એક જ દિવસમાં સારું પ્રદર્શન કર્યું છે. પ્રી-સેલ બુકિંગના પહેલા જ દિવસે મૂવીએ શાનદાર કમાણી કરી છે.
આ પણ વાંચો: VIDEO / લાઈવ કોન્સર્ટમાં એક ફેને આયુષ્માન ખુરાના પર ઉડાવ્યા ડોલર્સ, એક્ટરની પ્રતિક્રિયાએ જીત્યા દિલ
એક ઈન્સ્ટાગ્રામ એકાઉન્ટથી ફિલ્મ પુષ્પા 2 નું પોસ્ટર શેર કરવામાં આવ્યું છે. જેમાં અલ્લુ અર્જુનને સાડીમાં એક્શન અવતારમાં જોઈ શકાય છે. તેમાં તેનો લુક શાનદાર નજર આવી રહ્યો છે. પોસ્ટરને શેર કરતાંની સાથે જ સોશિયલ મીડિયા પર ફિલ્મનું પ્રી-સેલ બુકિંગ કરવાની જાણકારી આપવામાં આવી છે. આ સાથે કેપ્શનમાં લખવામાં આવ્યું છે, પુષ્પા રાજનો દબદબો બોક્સ ઓફિસને નવું પરિમાણ આપી રહ્યો છે. આ સાથે જ આગળ લખવામાં આવ્યું છે, એક ઔર દિન, એક ઔર રેકોર્ડ, ઈતિહાસ કી કિતાબમાં દર્જ હો ગયા.'
પુષ્પા 2 ની પ્રી-સેલ બુકિંગ અત્યારે યુએસએમાં શરૂ થઈ છે. ફિલ્મના પોસ્ટરની સાથે જ તેની પર તેની પ્રી-સેલ બુકિંગના આંકડા પણ લખવામાં આવ્યા છે. તેની પર લખ્યું છે કે ફિલ્મે સૌથી ઝડપી એક મિલિયન ડોલરની કમાણી કરી લીધી છે. જ્યારે હજુ તેની રિલીઝમાં 15 દિવસનો સમય બાકી છે. ઈન્ડિયામાં 5 ડિસેમ્બરે રિલીઝ કરવામાં આવશે. યુએસએમાં 4 ડિસેમ્બરે થિયેટર્સમાં દસ્તક દેશે. ઈન્ડિયા પ્રી-સેલ બુકિંગ પણ શરૂ થવાની છે. દરમિયાન અંદાજ લગાવાઈ શકે છે કે જ્યારે યુએસએમાં ફિલ્મને લઈને આટલો ક્રેઝ છે તો ઈન્ડિયામાં કેટલો હશે. તેની એડવાન્સ બુકિંગમાં જોવો રસપ્રદ હશે કે ફિલ્મ કેટલી ફિલ્મોના રેકોર્ડ તોડે છે અને નવા રેકોર્ડ્સ બનાવે છે.
આ પણ વાંચો: VIDEO / ગળામાં રૂદ્રાક્ષની માળા અને હાથમાં ત્રિશૂલ... લોહીથી લથબથ જોવા મળ્યો ઋષભ શેટ્ટી, જુઓ 'કાંતારાઃ ચેપ્ટર 1'નું ટીઝર
ફિલ્મના ડિજિટલ રાઈટ્સ વેચાયા
પુષ્પા 2 ની રિલીઝ પહેલા જ ફિલ્મના ડિજિટલ રાઈટ્સ વેચાઈ ચૂક્યા છે. રિપોર્ટ અનુસાર ફિલ્મના ઓટીટી રાઈટ્સ નેટફ્લિક્સે ખરીદ્યા છે અને આ માટે 275 કરોડમાં ડીલ ફાઈનલ થઈ છે.
