VIDEO / લાઈવ કોન્સર્ટમાં એક ફેને આયુષ્માન ખુરાના પર ઉડાવ્યા ડોલર્સ, એક્ટરની પ્રતિક્રિયાએ જીત્યા દિલ

આયુષ્માન ખુરાના યુએસ પ્રવાસ દરમિયાન પોતાના ગીતોની સાથે-સાથે વિનમ્રતાથી પણ દિલ જીતી રહ્યો છે. પોતાના બેન્ડ 'આયુષ્માન ભવ' ની સાથે શિકાગો, ન્યૂયોર્ક અને સેન જોસ જેવા શહેરોમાં પરફોર્મ કરતા એક્ટર-સિંગરને અમેરિકામાં પોતાના બીજા કોન્સર્ટ દરમિયાન ફેન્સ તરફથી જોરદાર પ્રતિક્રિયા મળી રહી છે પરંતુ તેના ન્યૂયોર્ક કોન્સર્ટમાં એક અજીબ ઘટના ઘટી જ્યારે એક ફેને આયુષ્માન પર ડોલર્સ ઉડાવ્યા. આયુષ્માન ખુરાનાએ તે સમયે કોન્સર્ટને રોકી દીધી અને ફેનને કહ્યું કે તે રૂપિયાને કોઈ ચેરિટીમાં દાન કરે. આયુષ્માનની આ ક્લિપ વાયરલ થઈ ગઈ છે. જેનાથી તેની સોશિયલ મીડિયા પર ખૂબ પ્રશંસા થઈ રહી છે.

આ પણ વાંચો: VIDEO / ગળામાં રૂદ્રાક્ષની માળા અને હાથમાં ત્રિશૂલ... લોહીથી લથબથ જોવા મળ્યો ઋષભ શેટ્ટી, જુઓ 'કાંતારાઃ ચેપ્ટર 1'નું ટીઝર

આયુષ્માન ખુરાના પર ડોલર્સ ઉડાવ્યા

એક યુઝરે સોશિયલ મીડિયા પર તેની પ્રતિક્રિયાની પ્રશંસા કરતા કહ્યું, 'એક લાઈવ કોન્સર્ટમાં આ પ્રકારની અપમાનજનક બાબત જોવી નિરાશાજનક છે. આયુષ્માન ખુરાનાના તાજેતરના NYC કોન્સર્ટ દરમિયાન જ્યારે તે ગાઈ રહ્યો હતો તો એક ફેને સ્ટેજ પર ડોલર્સ ઉડાવ્યા. મ્યૂઝિકનો આનંદ લેવાના બદલે આ માણસે ખોટી રીતે પોતાની સંપત્તિને દર્શાવી.'

એક્ટરની પ્રશંસા કરી

આયુષ્માનના વખાણ કરતા કહ્યું, 'પોતાની વિનમ્રતા માટે જાણીતા આયુષ્માને શોને રોકી દીધો અને દર્શકોને વિનમ્રતાપૂર્વક વિનંતી કરી કે તે તેના બદલે દાન કરવા પર વિચાર કરે. તેની પ્રતિક્રિયા શ્રેષ્ઠ હતી અને તેણે સારા કાર્ય માટે રૂપિયાને ખર્ચ કરવાનું પણ જણાવ્યું. આશા કરીએ છીએ કે આ ઘટના લાઈવ કોન્સર્ટમાં ભાગ લેનાર તમામ લોકો અને કલાકારોને યાદ રહેશે.'

8 વર્ષ બાદ અમેરિકા પહોંચ્યો આયુષ્માન

આયુષ્માનનો અમેરિકી પ્રવાસ આઠ વર્ષ બાદ આંતરરાષ્ટ્રીય સ્ટેજ પર તેની વાપસીથી થયો છે. પાંચ શહેરોના પ્રવાસમાં શિકાગો, ન્યૂયોર્ક, સાન જોસ, ન્યૂ જર્સી અને ડલાસ સામેલ છે.

આયુષ્માનની આગામી ફિલ્મ

આયુષ્માન મેડોક ફિલ્મ્સની આગામી 'થામા' માં નજર આવશે, જે બ્લોકબસ્ટર હોરર-કોમેડી યુનિવર્સનો ભાગ છે. દિવાળી 2025માં રિલીઝ માટે તૈયાર આ ફિલ્મ હોરર અને રોમાન્સનું મિક્સચર છે.