રૂપાલી ગાંગુલીના આ પગલાથી ગુસ્સે થયા લોકો, પોલીસને કરી રહ્યા છે કાર્યવાહીની માગ, જાણો શું છે સમગ્ર મામલો?
ટીવીના ફેમસ શો 'અનુપમા'થી ઘર-ઘરમાં જાણીતી બનેલી અભિન
ટીવીના ફેમસ શો 'અનુપમા'થી ઘર-ઘરમાં જાણીતી બનેલી અભિનેત્રી રૂપાલી ગાંગુલી અવારનવાર કોઈને કોઈ કારણોસર ચર્ચામાં રહે છે. હાલમાં જ તેનો એક વીડિયો સોશિયલ મીડિયા પર ઝડપથી વાયરલ થઈ રહ્યો છે, જેણે અભિનેત્રીને મુશ્કેલીમાં મૂકી દીધી છે. વીડિયો જોયા બાદ યૂઝર્સ એક્ટ્રેસના એક્શનથી ઘણા નારાજ દેખાઈ રહ્યા છે અને પોલીસ પાસે તેની સામે કડક કાર્યવાહીની માગ કરી રહ્યા છે. સોશિયલ મીડિયા પર આ વીડિયોને લઈને લોકો પોતાની નારાજગી વ્યક્ત કરી રહ્યા છે.
એવા પ્રશ્નો ઉભા થઈ રહ્યા છે કે, જે અભિનેત્રી ઘણીવાર લોકોને આવું ન કરવા માટે સમજાવે છે, તે પોતે આવું કરી રહી છે. વાસ્તવમાં, ઈન્સ્ટાગ્રામ પર એક વીડિયો શેર થઈ રહ્યો છે જેમાં રૂપાલી ગાંગુલી સ્કૂટર પર બેઠેલી જોવા મળી રહી છે. આ વીડિયો સોશિયલ મીડિયા પર ખૂબ જ ઝડપથી વાયરલ થઈ રહ્યો છે. વીડિયોમાં જોઈ શકાય છે કે સ્કૂટર પર બેઠેલી રૂપાલીએ ટ્રાફિકના નિયમનું ઉલ્લંઘન કર્યું છે, જેના માટે યુઝર્સ પોતાની નારાજગી વ્યક્ત કરી રહ્યા છે. અભિનેત્રીનો વીડિયો એક એવોર્ડ શો દરમિયાનનો છે.
હેલ્મેટ વિના જ જોવા મળી રૂપાલી
વીડિયોમાં તે ગોલ્ડન લહેંગા પહેરેલી જોઈ શકાય છે. તે શોમાંથી ઝડપથી દોડીને આવે છે અને તેના મેનેજર સાથે સ્કૂટર પર નીકળી જાય છે. જોકે, તેણે સ્કૂટર પર બેસતી વખતે હેલ્મેટ પહેર્યું ન હતું અને ન તો તેના મેનેજરે. આ બાબતે લોકો નારાજગી વ્યક્ત કરી રહ્યા છે. લોકો 'અનુપમા' સામે કડક કાર્યવાહીની માગ કરી રહ્યા છે, કારણ કે તેમને અભિનેત્રીની આ હરકત બિલકુલ પસંદ નથી. એક યુઝરે કોમેન્ટ કરતાં લખ્યું, 'RTO મુંબઈ, કૃપા કરીને હેલ્મેટ વગરના લોકોને ચલણ મોકલો'.
કડક કાર્યવાહીની માગ કરી રહ્યા છે લોકો
અન્ય યુઝરે લખ્યું, 'ભાઈ, હેલ્મેટ કોણ પહેરે છે?' ત્રીજા યુઝરે લખ્યું, 'શું તેમનું ચલણ કપાશે નહીં?' આ રીતે આ વાયરલ વીડિયો પર ઘણી બધી કોમેન્ટ્સ જોવા મળી રહી છે. ઉલ્લેખનીય છે કે, રૂપાલી ગાંગુલી 24 વર્ષથી વધુ સમયથી ઈન્ડસ્ટ્રીમાં છે. તેણે ઘણી ફિલ્મો અને ટીવી શોમાં કામ કર્યું છે. હાલમાં અભિનેત્રી છેલ્લા 4 વર્ષથી ફેમસ શો 'અનુપમા'માં જોવા મળી રહી છે. આ શોને દર્શકો તરફથી અપાર પ્રેમ મળી રહ્યો છે. ઉપરાંત, આ શો દર્શકોમાં એક અલગ જ ક્રેઝ ઉભો કરે છે
