અક્ષય કુમારની ફિલ્મ 'Bhoot Bangla' માં થઈ નવી એક્ટ્રેસની એન્ટ્રી, જાણો કયો રોલ નિભાવશે
છેલ્લું અપડેટ : 20 Feb 2026
'ભૂત બંગલા' 2026ની સૌથી વધુ રાહ જોવાતી ફિલ્મોમાંથી એક છે. તેનું સૌથી મોટું કારણ બોલિવૂડની 'OG' જોડી, અક્ષય કુમાર અને પ્રિયદર્શનની 16 વર્ષ પછી ધમાકેદાર વાપસી છે. બાલાજી મોશન પિક્ચર્સના બેનર હેઠળ નિર્મિત, આ ફિલ્મે ફેન્સમાં ભારે ઉત્સાહ પેદા કર્યો છે, જેઓ આ જોડીની આઈકોનિક કોમેડી ફિલ્મો જોઈને મોટા થયા છે. દરેક વ્યક્તિ સિગ્નેચર હ્યુમર અને હાસ્યના જાદુને જોવા માટે ઉત્સુક છે, જેણે પાછલી ઘણી ફિલ્મોને યાદગાર બનાવી છે.
મિથિલા પાલકર 'ભૂત બંગલા'માં જોવા મળશે
અક્ષય કુમારે તાજેતરમાં ફિલ્મની કાસ્ટમાં એક નવું નામ જોડ્યું છે, તે કોઈ બીજું નહીં પાન એક્ટ્રેસ મિથિલા પાલકર છે. અક્ષયે ખુલાસો કર્યો કે મિથિલા ફિલ્મમાં તેની બહેનની ભૂમિકા ભજવશે. આ નવી કાસ્ટિંગે વાર્તામાં એક નવો એન્ગલ ઉમેર્યો છે અને ફેન્સ આ જોડીના ઓન-સ્ક્રીન જાદુની આતુરતાથી રાહ જોઈ રહ્યા છે.
અક્ષય કુમારે પોતે આ વિશે વાત કરતા કહ્યું, "મિથિલાએ ઇન્ટરનેટથી પોતાની સફર શરૂ કરી હતી અને આજે તે ઘણી ફિલ્મોમાં કામ કરી રહી છે. અને ટૂંક સમયમાં તે એક એવા અભિનેતા સાથે જોવા મળશે જેને હું ખૂબ સારી રીતે ઓળખું છું - ગેસ કરો કોણ? હું પોતે! 'ભૂત બંગલા' માં મિથિલા ભૂત નહીં, પરંતુ મારી બહેનની ભૂમિકા ભજવતી જોવા મળશે."
ફેન્સ 'ભૂત બંગલા' માટે ખૂબ જ ઉત્સાહિત છે. આ ફિલ્મ 16 વર્ષ પછી અક્ષય અને પ્રિયદર્શનની 'OG' જોડીને પાછી લાવશે એટલું જ નહીં, પરંતુ તે એક સંપૂર્ણ ફેમિલી એન્ટરટેઈનર પણ બનવાની છે, જે કોમેડી અને હૃદયસ્પર્શી ક્ષણોથી ભરપૂર છે. દર્શકો અક્ષય કુમારને તેના જૂના અંદાજ અને જબરદસ્ત કોમિક ટાઈમિંગમાં જોવાની અપેક્ષા રાખી રહ્યા છે, જ્યારે પ્રિયદર્શન તેની વાર્તામાં તે જ જાદુ અને દેશી સ્પર્શ પાછો લાવી રહ્યો છે જેણે તેની પાછલી ફિલ્મોને યાદગાર બનાવી હતી.
બાલાજી મોશન પિક્ચર્સ અને કેપ ઓફ ગુડ ફિલ્મ્સના બેનર હેઠળ નિર્મિત આ ફિલ્મમાં અક્ષય કુમાર સાથે વામિકા ગબ્બી, પરેશ રાવલ, તબ્બુ અને રાજપાલ યાદવ છે. આ ફિલ્મનું નિર્માણ અક્ષય કુમાર, શોભા કપૂર અને એકતા આર. કપૂર દ્વારા કરવામાં આવ્યું છે.
