પરિણીત એક્ટરના પ્રેમમાં પાગલ હતી કંગના, નશામાં તેના રૂમમાં ઘુસીને કરવા લાગી આવી હરકત!

બોલિવૂડ સુપરસ્ટાર અજય દેવગણનું નામ ઘણી સુંદરીઓ સાથે જોડવામાં આવ્યું છે. પરંતુ કાજોલ સાથે લગ્ન પછી જે સુંદરી સાથે તેના અફેરના સમાચાર ચર્ચામાં રહ્યા તે હતી બોલિવૂડની ક્વીન એક્ટ્રેસ કંગના રણૌત. બંને ફિલ્મ 'વન્સ અપોન અ ટાઈમ ઇન મુંબઈ'ના સેટ પર એકબીજાની નજીક આવ્યા હતા. કહેવાય છે કે, કંગના-અજય લાંબા સમય સુધી સાથે હતા. ઘણા મીડિયા રિપોર્ટ્સ અનુસાર, કંગના રણૌત અને અજય દેવગણ એકબીજાને કેઝ્યુઅલી ડેટ કરી રહ્યા હતા. તેમનું અફેર ત્યારે ચર્ચામાં આવ્યું જ્યારે સમાચાર આવ્યા કે અજય દેવગણ તેની ફિલ્મોમાં કંગનાને કાસ્ટ કરવા માટે મેકર્સ પર દબાણ કરી રહ્યો છે. આ કારણોસર, કંગનાને ‘રાસ્કલ’ અને ‘તેજ’માં એક્ટર સાથે કાસ્ટ કરવામાં આવી હતી.

કાજોલે આપી હતી અજયને ધમકી

જ્યારે અજય દેવગણ અને કંગના રણૌતના અફેરના સમાચાર કાજોલના કાને પડ્યા તો તેણે કડક પગલાં લેવાનો નિર્ણય કર્યો. કાજોલે અજયને સ્પષ્ટ શબ્દોમાં કહ્યું કે, જો તે કંગના સાથે કામ કરશે તો તે તેને છોડી દેશે અને બાળકોને પોતાની સાથે લઈ જશે. આવી સ્થિતિમાં અજય શું કરી શકે, તેણે પરિવાર પસંદ કર્યો અને કંગનાથી અંતર જાળવવાનું શરૂ કર્યું.

નશાની હાલતમાં અજયના રૂમમાં પહોંચી ગઈ હતી કંગના

એક અહેવાલ અનુસાર, કંગના અજયના પ્રેમમાં પાગલ થઈ ગઈ હતી અને એકવાર તેણે તેની હદ વટાવી દીધી હતી. એક ફિલ્મનું શૂટિંગ કર્યા બાદ જ્યારે અજય એક રાત્રે હોટલના રૂમમાં ગયો તો કંગના પણ થોડા સમય પછી ત્યાં પહોંચી ગઈ. તે એટલી નશામાં હતી કે તે બરાબર ઉભી પણ રહી શકતી ન હતી. આવી સ્થિતિમાં અજયે તેને પાછા જવા માટે કહ્યું. પરંતુ કંગના અલગ મૂડમાં હતી.

કંગનાએ આપી હતી અજયને નસ કાપી નાખવાની ધમકી

તે રાત્રે નશામાં કંગનાએ અજયને ધમકી આપવાનું શરૂ કર્યું કે, જો એક્ટર તેમના સંબંધો વિશે નહીં વિચારે તો તે તેના હાથની નસ કાપી નાખશે. પરંતુ અજયે પરિસ્થિતિ પર કાબુ મેળવ્યો અને સમય જતાં બંનેએ પોતાના સંબંધોનો અંત લાવ્યો અને અલગ થઈ ગયા.