ઇશાન ખટ્ટર હોલિવૂડ સીરિઝ ‘ધ પરફેક્ટ કપલ’ના પ્રીમિયરમાં ચમક્યો, નિકોલ કિડમેન-લિવ શ્રેબર સાથે આપ્યો પોઝ
બોલિવૂડ એક્ટર ઈશાન ખટ્ટર હવે હોલિવૂડમાં તેના જ
બોલિવૂડ એક્ટર ઈશાન ખટ્ટર હવે હોલિવૂડમાં તેના જોરદાર ડેબ્યૂ માટે તૈયાર છે. નિકોલ કિડમેન સાથે ઈશાન ખટ્ટરે હોલિવૂડ સીરિઝ 'ધ પરફેક્ટ કપલ'ના પ્રીમિયરમાં એન્ટ્રી કરીને બધાને ચોંકાવી દીધા છે. ઈશાનનો સ્ટાઈલિશ લુક ઘણો વાયરલ થઈ રહ્યો છે અને ફેન્સમાં સીરિઝને લઈને ચર્ચા જગાવી રહી છે. સ્ટાર-સ્ટડેડ રેડ કાર્પેટ પર ઇશાનની તસવીરો હાઇલાઇટ કરવામાં આવી રહી છે, જે હવે અભિનેતાએ તેના સોશિયલ મીડિયા હેન્ડલ પર શેર કરી છે.
ફેન્સને ઈશાન ખટ્ટરનો કોન્ફિડેન્ટ લુક પસંદ આવી રહ્યો છે અને તેઓ અભિનેતાના આ હોલિવૂડ ડેબ્યુ માટે ખૂબ જ ઉત્સાહિત થઈ ગયા છે.
હોલિવૂડ ડેબ્યુ માટે તૈયાર છે ઈશાન ખટ્ટર
ઈશાન ખટ્ટર પણ હોલિવૂડ સ્ટાર્સ ઈવ હેવસન, જેક રેનોર, સેમ નિવોલા અને બિલી હોલી સાથે સીરિઝના પ્રીમિયરમાં જોવા મળે છે. તેનું પ્રીમિયર 2 સપ્ટેમ્બરે BFI IMAX વોટરલૂ ખાતે થયું હતું. ઈશાન થ્રી-પીસ સૂટમાં ખૂબ જ સ્ટાઇલિશ લાગી રહ્યો છે અને તેના ફેન્સને પણ આ ગેટ-અપ પસંદ આવી રહ્યો છે. ઈશાને વેસ્ટકોટ અને કોર્સેટ પહેર્યો છે.
ઈશાન ખટ્ટર આ સીરિઝથી હોલિવૂડમાં ડેબ્યૂ કરવા જઈ રહ્યો છે. આ જ કારણ છે કે, ભારતમાં પણ ‘ધ પરફેક્ટ કપલ’ સીરિઝને લઈને ઘણી ચર્ચા છે. આ સીરિઝ નેટફ્લિક્સ પર 5 સપ્ટેમ્બર 2024ના રોજ રિલીઝ થવાની છે. ફેન્સને પણ સીરિઝનું ટ્રેલર ઘણું પસંદ આવ્યું છે.
