શું હોસ્પિટલમાં દાખલ છે કિયારા અડવાણી? 'ગેમ ચેન્જર'ના પ્રમોશનમાં ન જોવા મળી એક્ટ્રેસ, હવે ટીમે કર્યો ખુલાસો

બોલિવૂડ એક્ટ્રેસ કિયારા અડવાણી આ દિવસોમાં તેની આગામી ફિલ્મ 'ગેમ ચેન્જર'ના પ્રમોશનમાં વ્યસ્ત છે. આ ફિલ્મમાં તે પેન ઈન્ડિયા સ્ટાર રામ ચરણ સાથે સ્ક્રીન શેર કરતી જોવા મળશે. આ બધાની વચ્ચે શનિવારે કિયારા અડવાણીને હોસ્પિટલમાં દાખલ કરવાના સમાચાર આવ્યા હતા. હવે એક્ટ્રેસની ટીમે આ અંગે ખુલાસો કર્યો છે.

આ પણ વાંચો: VIDEO / છૂટાછેડાની અફવાઓ વચ્ચે ફરી સાથે જોવા મળ્યા અભિષેક-ઐશ્વર્યા, લોકોએ કહ્યું- 'પરફેક્ટ કપલ'

કિયારા અડવાણી હોસ્પિટલમાં દાખલ છે?

સમાચાર આવ્યા હતા કે શનિવારે સવારે કિયારા અડવાણીને મુંબઈની એક હોસ્પિટલમાં દાખલ કરવામાં આવી હતી. એક્ટ્રેસ આજે મુંબઈમાં તેની આગામી ફિલ્મ 'ગેમ ચેન્જર'ના ટ્રેલર લોન્ચ અને પ્રેસ મીટમાં હાજરી આપવાની હતી. જોકે, તે આ કાર્યક્રમમાં હાજર ન રહી શકી. જે પછી સમાચાર આવવા લાગ્યા કે કિયારાને આજે સવારે જ હોસ્પિટલમાં દાખલ કરવામાં આવી છે. જોકે, તેના હોસ્પિટલમાં દાખલ થવાનું કારણ હજુ સુધી નથી જાણી શકાયું. એક્ટ્રેસના હોસ્પિટલમાં દાખલ થયાના સમાચારને કારણે ફેન્સને ચિંતા  થઈ રહી હતી.

હવે એક્ટ્રેસની ટીમે આ સમાચાર પર પ્રતિક્રિયા આપી છે. રિપોર્ટ અનુસાર એક્ટ્રેસની ટીમે જણાવ્યું છે કે કિયારાને હોસ્પિટલમાં દાખલ નથી કરવામાં આવી. તેની ટીમે કહ્યું કે એક્ટ્રેસને થાકને કારણે આરામ કરવાની સલાહ આપવામાં આવી છે, કારણ કે તે સતત કામ કરી રહી છે.

કિયારા અડવાણી 'ગેમ ચેન્જર'માં રામ ચરણ સાથે જોવા મળશે

'ગેમ ચેન્જર'માં કિયારા અડવાણી અને રામ ચરણની રોમેન્ટિક જોડી જોવા મળશે. હાલમાં જ ફિલ્મની ટીમે લખનૌમાં ફિલ્મનું ટીઝર લોન્ચ કર્યું હતું. એક મિનિટથી વધુ લાંબા ટીઝરમાં રામ ઘણા બધા એક્શન સીન કરવા સાથે કિયારા સાથે રોમાન્સ કરતો જોવા મળ્યો હતો.

અહેવાલ મુજબ, આ ફિલ્મ રાજકારણની દુનિયા પર આધારિત છે અને એક IAS ઓફિસરની વાર્તા પર કેન્દ્રિત છે જે ભ્રષ્ટ રાજકારણીઓનો સામનો કરે છે અને ન્યાયી ચૂંટણીઓ માટે લડે છે. એસ શંકર દ્વારા નિર્દેશિત આ ફિલ્મ 10 જાન્યુઆરીએ થિયેટરમાં રિલીઝ થશે.