'રોકિંગ સ્ટાર' Yashના ફેન્સ માટે ખુશખબર, આ દિવસે રિલીઝ થશે 'Toxic'નું ટીઝર!
છેલ્લું અપડેટ : 19 Feb 2026
અભિનેતા યશ છેલ્લા કેટલાક દિવસોથી પોતાની અપકમિંગ ફિલ્મ 'ટૉક્સિક'ને લઈને ચર્ચામાં છે. હાલમાં જ આ ફિલ્મના કલાકારોના લુક સામે આવ્યા છે. ત્યારબાદ આ ફિલ્મની પહેલી ઝલક જોવા મળી હતી, જેના પર ઘણો વિવાદ થયો હતો. હવે મેકર્સે ફિલ્મનું ટીઝર રિલીઝ કરવાની તારીખ જાહેર કરી છે.
ક્યારે રિલીઝ થશે ટીઝર?
મેકર્સે સોશિયલ મીડિયા પર 'ટૉક્સિક'નું એક પોસ્ટર શેર કર્યું છે. જેમાં જણાવવામાં આવ્યું છે કે ફિલ્મનું ટીઝર આવતીકાલે 20 જાન્યુઆરી 2026ના રોજ સવારે 9:35 વાગ્યે જાહેર કરવામાં આવશે. પોસ્ટર પર એવું પણ લખ્યું છે કે આ ફિલ્મ 19 માર્ચ 2026ના રોજ સિનેમાઘરોમાં દસ્તક દેશે. ફેન્સ આ ટીઝરને લઈને ખૂબ જ ઉત્સાહિત છે.
પહેલી ઝલકની ટીકા
તમને જણાવી દઈએ કે યશના જન્મદિવસ પર (08 જાન્યુઆરી) મેકર્સે 'ટૉક્સિક'ની પહેલી ઝલક બતાવી હતી. કેટલાક યુઝર્સે તેને ખૂબ જ બોલ્ડ ગણાવીને તેની ટીકા કરી હતી, તો કેટલાક લોકો તેના સમર્થનમાં હતા. ફિલ્મની પહેલી ઝલકમાં યશ એક મહિલા સાથે બોલ્ડ અંદાજમાં રોમાન્સ કરતો જોવા મળ્યો હતો.
કોણ છે દિગ્દર્શક?
ફિલ્મ 'ટૉક્સિક'ના નિર્દેશક ગીતૂ મોહનદાસ છે. આ ફિલ્મ 19 માર્ચ 2026ના રોજ રિલીઝ થવાની છે. આ જ દિવસે સિનેમાઘરોમાં ફિલ્મ 'ધુરંધર 2' પણ રિલીઝ થશે. ‘ટૉક્સિક’માંથી યશ સિવાય કિયારા અડવાણી, હુમા કુરેશી, તારા સુતારિયા, નયનતારા અને રુકમણી વસંતના લુક સામે આવી ચૂક્યા છે. ફેન્સ આ ફિલ્મની આતુરતાથી રાહ જોઈ રહ્યા છે.
