Bigg Boss 19નું કાઉન્ટડાઉન શરુ, આ OTT પર TV કરતાં પહેલા જોવા મળશે એપિસોડ
છેલ્લું અપડેટ : 26 Jul 2025
ચાહકો બિગ બોસની આગામી સિઝનની રાહ જોઈ રહ્યા છે અને એવું લાગે છે કે તેમને વધુ રાહ જોવી નહીં પડે. સલમાન ખાન દ્વારા હોસ્ટ કરવામાં આવતો આ શો ટૂંક સમયમાં પાછો ફરશે.
રિયાલિટી ટીવી શો બિગ બોસની નવી સિઝન, જેને ઘણા વર્ષોથી સલમાન ખાન હોસ્ટ કરે છે, તે શરૂ થવા જઈ રહ્યો છે. જિયો હોટસ્ટારે બિગ બોસ સિઝન 19નું પ્રોમો રિલીઝ કર્યો, જેમાં નવો લોગો રજૂ કરવામાં આવ્યો અને શોનું ટીઝર રિલિઝ કરવામાં આવ્યું છે.
બિગ બોસ 19ના પ્રોમોમાં રજૂ કરવામાં આવ્યો નવો લોગો
જિયો હોટસ્ટાર અને જિયો હોટસ્ટાર રિયાલિટીના ઇન્સ્ટાગ્રામ પેજ પર પોસ્ટ કરી, કેપ્શન આપ્યું, “કાઉન્ટડાઉન હો ગયા હૈ શુરૂ, હોગા કેઓસ અનલોક સૂન! સ્ટે ટ્યૂન ! @danubeproperties @vaselineindia #BiggBoss19 #BiggBossOnJioHotstar #BB19OnJioHotstar.” આ નવી સિઝન વિશેની પ્રથમ સત્તાવાર જાહેરાત છે, જે કલર્સ ચેનલ પર પણ પ્રસારિત થશે. તેમણે પોસ્ટ કરેલ પ્રોમોમાં શો માટે રંગબેરંગી નવો લોગો દર્શાવવામાં આવ્યો છે.
બિગ બોસની ટીમ દ્વારા શેર કરાયેલ પ્રેસ રિલિઝ મુજબ, રંગબેરંગી આંખ આગામી સિઝનના ‘ડ્રામા, સંઘર્ષ અને મનોરંજનના અનેક રંગો’નો સંકેત આપે છે. નવા લોગોના રિવીલ ઉપરાંત, આ આંખ શોના નવી સિઝનના પુનરાગમનની પણ ઝલક આપે છે. સલમાન નવી સિઝનમાં પાછા ફરે તેવી અપેક્ષા છે, પરંતુ શોના હોસ્ટ વિશે હજુ સુધી સત્તાવાર જાહેરાત કરવામાં આવી નથી. OTT પ્લેટફોર્મ અને ચેનલે હજુ સુધી શોનું પ્રસારણ ક્યારે શરૂ થશે તેની જાહેરાત કરી નથી.
બિગ બોસ 19માં કોણ હશે હોસ્ટ?
બિગ બોસ 19નું પ્રીમિયર 29-30 ઓગસ્ટના વીકએન્ડ દરમિયાન થવાનું છે. શો ટેલિવિઝન પર પ્રસારિત થાય તે પહેલાં જિયો હોટસ્ટાર પર ડેબ્યૂ કરશે. દરેક એપિસોડ પહેલા સ્ટ્રીમર પર રિલિઝ થશે. જ્યારે સલમાન હોસ્ટ તરીકે પાછા ફરે તેવી અપેક્ષા છે, અહેવાલમાં જણાવાયું છે કે પ્રથમ ત્રણ મહિના પછી ફરાહ ખાન, કરણ જોહર અને અનિલ કપૂર હોસ્ટિંગ સંભાળશે. શોમાં 15 સ્પર્ધકો અને વધારાના 3-5 વાઇલ્ડ કાર્ડ એન્ટ્રીઓ હોવાની અપેક્ષા છે. અત્યાર સુધીમાં, 20થી વધુ સેલિબ્રિટીઓ અને ઇન્ફ્લુએન્સર્સને બિગ બોસ 19માં ભાગ લેવા માટે સંપર્ક કરવામાં આવ્યો છે.
