સલમાન ખાનના ઘરની બહાર તૈનાત એક પોલીસ કોન્સ્ટેબલનું અચનાક થયું મૃત્યુ, ડ્યુટી દરમિયાન ગયો જીવ
છેલ્લું અપડેટ : 08 Aug 2026
બોલિવૂડ અભિનેતા સલમાન ખાનના બાંદ્રા સ્થિત નિવાસસ્થાનની બહાર સુરક્ષા ફરજ બજાવતા એક પોલીસ કોન્સ્ટેબલનું મૃત્યુ થયું છે. એવું કહેવામાં આવી રહ્યું છે કે તેમનું અચાનક બીમાર પડવાથી મૃત્યુ થયું છે. મૃતકની ઓળખ ગણેશ રાયતે (41) તરીકે થઈ છે અને તેઓ મુંબઈ પોલીસના LA-4 યુનિટમાં તૈનાત હતા.
પોલીસકર્મીનું મૃત્યુ કેવી રીતે થયું?
અહેવાલો અનુસાર, ગણેશ રાયતે શુક્રવારે સાંજે 6 વાગ્યાની આસપાસ ફરજ પર હતા ત્યારે તેમની તબિયત અચાનક બગડી ગઈ અને તેઓ સ્થળ પર જ પડી ગયા. ત્યાં હાજર અન્ય પોલીસકર્મીઓ તેમને તાત્કાલિક હોસ્પિટલમાં લઈ ગયા. તેમને સારવાર માટે ભાભા હોસ્પિટલમાં લઈ જવામાં આવ્યા હતા, પરંતુ ડોક્ટર્સે તેમને મૃત જાહેર કર્યા.
પોલીસના જણાવ્યા અનુસાર, પ્રાથમિક માહિતી હૃદયરોગના હુમલાને કારણે મૃત્યુ થયું હોવાનું સૂચવે છે. ગણેશ રાયતેને બાંદ્રા સ્થિત સલમાન ખાનના ગેલેક્સી એપાર્ટમેન્ટની બહાર સુરક્ષા વ્યવસ્થા સોંપવામાં આવી હતી. સલમાનની સુરક્ષા પહેલાથી કડક કરી દેવામાં આવી છે, જેના કારણે તેમના ઘરની આસપાસ પોલીસ કર્મચારીઓ તૈનાત છે.
સાથી પોલીસકર્મીઓ આઘાતમાં
પોલીસ હાલમાં ઘટના અંગે જરૂરી કાર્યવાહી કરી રહી છે. ગણેશ રાયતેના અચાનક મૃત્યુથી પોલીસ વિભાગમાં શોકનું વાતાવરણ છવાઈ ગયું છે. તેમના મૃત્યુથી તેમના સાથી પોલીસકર્મીઓ અને પરિવારજનોમાં ભારે આઘાત લાગ્યો છે.
આ ઘટનાએ ફરી એકવાર ફરજ બજાવતા પોલીસ અધિકારીઓ દ્વારા સામનો કરવામાં આવતા પડકારો અને તેમના સ્વાસ્થ્ય પર પ્રશ્નો ઉભા કર્યા છે. સુરક્ષા જેવી સંવેદનશીલ ફરજો પર તૈનાત કર્મચારીઓને લાંબા સમય સુધી સતર્ક રહેવું પડે છે અને અચાનક સ્વાસ્થ્યની સ્થિતિ ક્યારેક ગંભીર સાબિત થઈ શકે છે.
સલમાનની સુરક્ષા માટે એક પોલીસકર્મીને તૈનાત કરવામાં આવ્યો હતો
સલમાન ખાનને ગેંગસ્ટર લોરેન્સ બિશ્નોઈ અને તેની ગેંગ તરફથી સતત જાનથી મારી નાખવાની ધમકીઓ મળી રહી છે. સલમાન ખાનના બાંદ્રા સ્થિત ઘર ગેલેક્સી એપાર્ટમેન્ટની બહાર ગોળીબાર કરવામાં આવ્યો હતો, જેના પગલે સલમાનની સુરક્ષામાં વધુ વધારો કરવામાં આવ્યો છે. તેની સુરક્ષા માટે તેના ઘરની બહાર ઘણા પોલીસકર્મીઓ તૈનાત છે. 41 વર્ષીય ગણેશ રાયતે તેમાંથી એક હતા.