રેલ્વેમાં નોકરી મેળવવા માટે કેવી રીતે કરવી પરીક્ષાની તૈયારી? આજથી જ ફોલો કરો આ ટિપ્સ

ઘણા યુવાનો રેલ્વેમાં નોકરી મેળવવાનું સપનું જુએ છે. આ સરકારી નોકરી માત્ર સ્થિરતા જ નથી આપતી, પરંતુ તે સારા પગાર અને અન્ય ઘણી સુવિધાઓ પણ આપે છે. રેલ્વેમાં ગ્રુપ ડી, લોકો પાયલોટ, ટેકનિકલ અને નોન-ટેક્નિકલ કેટેગરી જેવી વિવિધ જગ્યાઓ માટે ભરતી થતી રહે છે. જો તમે પણ રેલ્વેમાં નોકરી મેળવવા માંગો છો, તો તમારે ખૂબ જ મહેનત કરવી પડશે. આવી સ્થિતિમાં અમે તમને કેટલીક ટિપ્સ આપીશું જેને ફોલો કરીને તમે યોગ્ય રીતે તૈયારી કરી શકો છો.

પરીક્ષા પેટર્ન અને કોર્સ સમજો

સૌ પ્રથમ, તમારે પરીક્ષાની પેટર્ન અને તમે જે પોસ્ટની તૈયારી કરી રહ્યા છો તેના કોર્સને સંપૂર્ણપણે સમજવો જોઈએ. રેલ્વે ભરતી બોર્ડ (RRB) દ્વારા ગ્રુપ D, ALP, NTPC અને અન્ય પરીક્ષાઓ માટે અલગ અલગ કોર્સ છે. તેમાં જનરલ નોલેજ, મેથ્સ, રિઝનિંગ અને સામાન્ય વિજ્ઞાન જેવા વિષયો છે.

• ગ્રુપ ડી: મેથ્સ, જનરલ ઈન્ટેલિજન્સ અને જનરલ અવેરનેસ સંબંધિત પ્રશ્નો.
• NTPC: જનરલ અવેરનેસ, જનરલ ઈન્ટેલિજન્સ, રિઝનિંગ અને મેથ્સના પ્રશ્નો.
• ALP: ટેકનિકલ વિષયોમેથ્સ અને રિઝનિંગના પ્રશ્નો.

ટાઈમ ટેબલ બનાવો

કોઈપણ સ્પર્ધાત્મક પરીક્ષાની તૈયારી માટે સારું ટાઈમ ટેબલ બનાવવું ખૂબ જ જરૂરી છે. દરેક વિષયને સમય આપો અને બધા વિષયોની નિયમિત પ્રેક્ટિસ કરો. અઘરા વિષયોને વધુ સમય આપો અને સરળ વિષયોનું પણ નિયમિતપણે રિવિઝન કરતા રહો.

પાછલા વર્ષના પેપર અને મોક ટેસ્ટ સોલ્વ કરો

રેલ્વે પરીક્ષામાં સફળતા મેળવવા માટે પાછલા વર્ષના પ્રશ્નપત્રો ઉકેલવા ખૂબ જરૂરી છે. આ તમને પરીક્ષાની પેટર્ન સમજવામાં મદદ કરશે. ઉપરાંત, નિયમિતપણે મોક ટેસ્ટ આપો. મોક ટેસ્ટ દ્વારા તમે તમારી નબળાઈઓને ઓળખી શકો છો અને તેને સુધારી શકો છો. તે તમારા ટાઈમ મેનેજમેન્ટને પણ સુધારે છે.

જનરલ નોલેજ પર ધ્યાન આપો

રેલ્વે પરીક્ષાઓમાં જનરલ નોલેજ મહત્ત્વનો વિષય છે. તેમાં વર્તમાન બાબતો, ઈતિહાસ, ભૂગોળ, ભારતીય બંધારણ, વિજ્ઞાન અને ટેકનોલોજીને લગતા પ્રશ્નોનો સમાવેશ થાય છે. આ માટે તમારે દરરોજ અખબારો વાંચવાની ટેવ કેળવવી જોઈએ અને કરન્ટ અફેર્સની માહિતી નિયમિતપણે અપડેટ કરવી જોઈએ.

મેથ્સ અને રિઝનિંગની પ્રેક્ટિસ કરો

રેલ્વેની પરીક્ષામાં મેથ્સ અને રિઝનિંગના પ્રશ્નો સમય માંગી લે તેવા હોય છે. તેથી, સારી રીતે પ્રેક્ટિસ કરવી મ્હત્ત્ત્વપૂર્ણ છે. ખાસ કરીને સમય અને અંતર, સમય અને કાર્ય, ટકાવારી, ગુણોત્તર અને પ્રમાણ, પઝલ્સ અને સિરીઝ જેવા વિષયોને લગતા પ્રશ્નોનો અભ્યાસ કરો.

ટેકનિકલ તૈયારી

જો તમે લોકો પાયલોટ અથવા ટેકનિકલ કેટેગરીની તૈયારી કરી રહ્યા છો, તો તમારે ટેકનિકલ વિષયોની પણ તૈયારી કરવી પડશે. આ માટે તમારે તમારા સંબંધિત ટ્રેડના વિષયોની સારી સમજ હોવી જોઈએ. આ પરીક્ષાઓમાં ઈલેક્ટ્રિકલ, મિકેનિકલ અને સિવિલ એન્જિનિયરિંગ સંબંધિત પ્રશ્નો પૂછી શકાય છે.

હેલ્થ અને ફિઝિકલ ફિટનેસ પર ધ્યાન આપો

રેલ્વેમાં કેટલીક પોસ્ટ માટે ફિઝિકલ ફિટનેસ ટેસ્ટ પણ થાય છે. તેથી, તમારી શારીરિક તંદુરસ્તી જાળવવી મહત્ત્વપૂર્ણ છે. આ માટે નિયમિત કસરત કરો અને તમારી ફિટનેસ પર ધ્યાન આપો. ખાસ કરીને ગ્રુપ ડી અને RPF જેવી પોસ્ટ માટે ફિઝિકલ ફિટનેસની ટેસ્ટ લેવામાં આવે છે.

નેગેટિવ માર્કિંગનું ધ્યાન રાખો

રેલ્વે પરીક્ષાઓમાં નેગેટિવ માર્કિંગ હોય છે, એટલે કે ખોટા જવાબો આપવા બદલ માર્ક્સ કાપવામાં આવે છે. તેથી, ફક્ત તે જ પ્રશ્નોના જવાબ આપો કે જેના વિશે તમને સંપૂર્ણ ખાતરી છે. વિચાર્યા વિના તમામ પ્રશ્નોના જવાબ આપવાનું ટાળો.