SSC એ CGL ટિયર-I પરીક્ષા 2024 માટે એડમિટ કાર્ડ બહાર પાડ્યું, આ રીતે કરો ડાઉનલોડ

સ્ટાફ સિલેક્શન કમિશન એટલે કે SSC એ CGL ટિયર-I પરીક્ષા 2024 માટે એડમિટ કાર્ડ બહાર પાડ્યું છે. કમ્બાઈન્ડ ગ્રેજ્યુએટ લેવલ (CGL) પરીક્ષા 2024 માટે ફોર્મ ભર્યું હોય તેવા ઉમેદવારો SSCની પ્રાદેશિક વેબસાઈટ દ્વારા એડમિટ કાર્ડ ડાઉનલોડ કરી શકે છે. એડમિટ કાર્ડ ડાઉનલોડ કરવા માટે, તમારે તમારી જન્મ તારીખ અને અન્ય વિગતો સાથે તમારો રજીસ્ટ્રેશન નંબર, રોલ નંબર અથવા નામનો ઉપયોગ કરવો પડશે.

આ પરીક્ષા 9 સપ્ટેમ્બરથી 26 સપ્ટેમ્બર 2024 દરમિયાન લેવામાં આવશે. ટિયર-I પરીક્ષામાં જનરલ ઈન્ટેલિજન્સ એન્ડ રિઝનિંગ, જનરલ અવેરનેસ, ક્વોન્ટિટેટિવ ​​એપ્ટિટ્યુડ અને ઈંગ્લીશ કોમ્પ્રિહેન્સન જેવા વિષયોનો સમાવેશ થશે.

દરેક વિભાગમાં 25 પ્રશ્નો પૂછવામાં આવશે અને આ પ્રશ્નોમાં વધુમાં વધુ 50 માર્કસ હશે. SSC CGL ટિયર-I પરીક્ષામાં MCQ હશે. ઈંગ્લીશ કોમ્પ્રિહેન્સન સિવાય તમામ પ્રશ્નો અંગ્રેજી અને હિન્દી એમ બંને ભાષામાં હશે. દરેક ખોટા જવાબ માટે 0.50 માર્ક્સનું નેગેટિવ માર્કિંગ પણ હશે. તેથી તે મહત્ત્વપૂર્ણ છે કે તમે ફક્ત તે જ પ્રશ્નોના જવાબ આપો જેના વિશે તમે જાણો છો.

કેવી રીતે ડાઉનલોડ કરવું?

• સૌથી પહેલા SSCની પ્રાદેશિક વેબસાઈટ પર જાઓ.
• પછી હોમ પેજ પર ઉપલબ્ધ ટિયર-I SSC CGL એડમિટ કાર્ડ 2024ની લિંક પર ક્લિક કરો.
• તે પછી એક નવું પેજ ખુલશે, જ્યાં ઉમેદવારોએ લોગિન ditel દાખલ કરવાની રહેશે.
• પછી સબમિટ બટન પર ક્લિક કરો અને એડમિટ કાર્ડ ડાઉનલોડ કરો.
• વધુ જરૂરિયાત માટે તેની હાર્ડ કોપી તમારી પાસે રાખો.

કેટલી જગ્યાઓ ભરવામાં આવશે?

SSC CGL ટિયર-I પરીક્ષા 2024 માટે ઓનલાઈન રજીસ્ટ્રેશન 24મી જૂનથી શરૂ થયું હતું અને છેલ્લી તારીખ 27મી જુલાઈ 2024 સુધી હતી. આ ભરતી ઝુંબેશ દ્વારા, SSC એ ગ્રુપ B અને ગ્રુપ C પોસ્ટ્સ પર આશરે 17,727 ખાલી જગ્યાઓ ભરવાનું લક્ષ્ય રાખ્યું છે. ઉમેદવારોએ નોંધ લેવી જોઈએ કે તેઓએ પરીક્ષા કેન્દ્ર પર તેમનું SSC CGL 2024 એડમિટ કાર્ડ, આધાર કાર્ડ, પાન કાર્ડ, મતદાર આઈડી અને ડ્રાઈવિંગ લાઇસન્સ જેવા ઓળખના પુરાવા અને એક પાસપોર્ટ સાઈઝનો ફોટોગ્રાફ સાથે રાખવાના રહેશે.