JOB / RRB NTPC ભરતી માટે લંબાવવામાં આવી છેલ્લી તારીખ, હવે આ દિવસ સુધી કરી શકો છો અરજી

રેલ્વેએ મોટી ભેટ આપી છે. NTPC ગ્રેજ્યુએટ લેવલની ભરતી માટે અરજી કરવાની તારીખ લંબાવવામાં આવી છે. પહેલાં ફોર્મ ભરવાની છેલ્લી તારીખ 20 નવેમ્બર હતી, પરંતુ હવે ઉમેદવારો પાસે વધારાના સાત દિવસ છે. જો તમે ગ્રેજ્યુએટ છો અને રેલ્વેમાં નોકરી મેળવવા ઈચ્છો છો, તો આ તક ચૂકશો નહીં.

આ પણ વાંચો :

JEE Mains 2026 સેશન 1 માટે શરૂ થઈ ગઈ રજીસ્ટ્રેશન પ્રક્રિયા, આ તારીખ પહેલા ભરી લો ફોર્મ

EXAM / IIM CAT માટે જાહેર કરાયું એડમિટ કાર્ડ, આ રીતે કરી શકો છો ડાઉનલોડ

ખાલી જગ્યાઓની વિગત

આ પણ વાંચો :

GATE 2026 માટે જાહેર થયું એક્ઝામ શેડ્યૂલ, જાણો ક્યારે અને ક્યા મોડમાં લેવાશે પરીક્ષા

JOB / IBમાં નીકળી ભરતી, 10 પાસ ઉમેદવારો માટે સુવર્ણ તક; આ તારીખથી શરૂ થશે અરજી પ્રક્રિયા

RRB NTPC એ આ વખતે કુલ 5,810 જગ્યાઓ માટે ભરતીની જાહેરાત કરી છે. આમાં સ્ટેશન માસ્ટર માટે 615 જગ્યાઓ, ગુડ્સ ટ્રેન મેનેજર માટે 3,416 જગ્યાઓ, ચીફ કોમર્શિયલ કમ ટિકિટ સુપરવાઇઝર માટે 161 જગ્યાઓ, જુનિયર એકાઉન્ટ્સ આસિસ્ટન્ટ માટે 921 જગ્યાઓ, સિનિયર ક્લાર્ક માટે 638 જગ્યાઓ અને ટ્રાફિક આસિસ્ટન્ટ માટે 59 જગ્યાઓ શામેલ છે. પગારની વાત કરીએ તો, આ જગ્યાઓ માટે પસંદ કરાયેલા ઉમેદવારોને 25,500 રૂપિયાથી 35,400 રૂપિયા સુધીનો મૂળ પગાર, DA, HRA અને મુસાફરી ભથ્થું મળશે.

કોણ ભરી શકે છે ફોર્મ?

કોઈપણ ગ્રેજ્યુએટ ઉમેદવાર RRB NTPC જગ્યાઓ માટે અરજી કરી શકે છે. વય મર્યાદાની વાત કરીએ તો ઉમેદવારોની ઉંમર 18થી 33 વર્ષની વચ્ચે હોવી જોઈએ. રિઝર્વેશન કેટેગરીના ઉમેદવારોને રેલ્વેના નિયમ મુજબ વય મર્યાદામાં છૂટ મળશે.

અરજી ફી

જનરલ અને OBC ઉમેદવારોએ 500 રૂપિયા ફી ચૂકવવાની રહેશે, જ્યારે SC/ST, ભૂતપૂર્વ સૈનિકો, દિવ્યાંગ, મહિલાઓ, ટ્રાન્સજેન્ડર, લઘુમતી અને EBC ઉમેદવારોએ ફક્ત 250 રૂપિયા ચૂકવવાના રહેશે.

પસંદગી પ્રક્રિયા

ઉમેદવારો સૌથી પહેલા CBT-1, ત્યારબાદ CBT-2, ત્યારબાદ સ્કિલ ટેસ્ટમાંથી પસાર થશે. આ પછી ડોક્યુમેન્ટ વેરિફિકેશન અને મેડીકલ ટેસ્ટ થશે. CBT-1માં 100 પ્રશ્નો હશે, જેમાં 40 જનરલ અવેરનેસ, 30 મેથ્સ અને 30 રિઝનીંગના હશે. CBT-2માં 120 પ્રશ્નો હશે, જેમાં 50 જનરલ અવેરનેસ, 35 મેથ્સ અને 35 રિઝનીંગના હશે. બંને પરીક્ષામાં નેગેટિવ માર્કિંગ છે, તેથી જવાબો કાળજીપૂર્વક પસંદ કરવા જોઈએ.

ફોર્મ કેવી રીતે ભરવું?

સૌપ્રથમ, www.rrbapply.gov.in પર જાઓ. આ પછી ન્યુ રજીસ્ટ્રેશન પર ક્લિક કરો. તમે જે રેલ્વે ઝોન માટે અરજી કરવા માંગો છો તે પસંદ કરો. આ પછી અપ્લાઈ બટન પર ક્લિક કરો. તમારું નામ, સરનામું, શિક્ષણની બધી વિગતો ભરો. તમારો ફોટો, સહી અને જાતિ પ્રમાણપત્ર (લાગુ પડતું હોય તો) અપલોડ કરો. ફી ચૂકવો અને છેલ્લે  ફોર્મ સબમિટ કરો. જો તમે ફોર્મ ભરતી વખતે કોઈ ભૂલ કરો છો, તો 30 નવેમ્બરથી 9 ડિસેમ્બર સુધી કરેક્શન વિન્ડો ખુલ્લી રહેશે.