GATE 2026 માટે શરૂ થઈ ગઈ રજીસ્ટ્રેશન પ્રક્રિયા, જાણો કેવી રીતે ભરી શકો છો ફોર્મ
છેલ્લું અપડેટ : 28 Aug 2025
ગ્રેજ્યુએટ એપ્ટિટ્યુડ ટેસ્ટ ઈન એન્જિનિયરિંગ (GATE) 2026 માટે રજીસ્ટ્રેશન આજથી (28 ઓગસ્ટ) શરૂ થઈ ગઈ છે. પરીક્ષામાં બેસવા માટે, ઉમેદવારો સત્તાવાર વેબસાઈટ gate2026.iitg.ac.in પર જઈને ઓનલાઈન અરજી કરી શકે છે. GATE 2026 પરીક્ષા IIT, ગુવાહાટી દ્વારા લેવામાં આવશે.
આ પરીક્ષા દર વર્ષે IIT, NIT અને IIIT જેવી પ્રતિષ્ઠિત સંસ્થાઓમાં વિજ્ઞાન, ટેકનોલોજી, એન્જિનિયરિંગ અને ગણિત (STEM) માં PG અને ડાયરેક્ટ ડોક્ટરલ પ્રોગ્રામ્સમાં પ્રવેશ માટે લેવામાં આવે છે. આ પરીક્ષા નેશનલ લેવલે લેવામાં આવે છે. આ ઉપરાંત, GATE સ્કોર ઘણા જાહેર ક્ષેત્રના ઉપક્રમો (PSUs) માં એન્જિનિયરિંગ ભરતી માટે માન્ય છે. GATE પાસ ઉમેદવારોને આ કંપનીઓમાં સીધી નોકરી મળે છે. ઉમેદવારો 26 સપ્ટેમ્બર સુધી લેટ ફી વિના રજીસ્ટ્રેશન કરાવી શકે છે.
રજીસ્ટ્રેશન ફી કેટલી છે?
SC/ST/દિવ્યાંગ કેટેગરીના ઉમેદવારો માટે રજીસ્ટ્રેશન ફી 1000 રૂપિયા નક્કી કરવામાં આવી છે. જ્યારે અન્ય તમામ કેટેગરીના ઉમેદવારો માટે અરજી ફી 2000 રૂપિયા છે. ફી ઓનલાઈન મોડમાં જમા કરાવી શકાય છે.
રજીસ્ટ્રેશન કેવી રીતે કરવું?
- સૌથી પહેલા સત્તાવાર વેબસાઈટ gate2026.iitg.ac.in પર જાઓ.
- હોમ પેજ પર રજીસ્ટ્રેશન ટેબ પર ક્લિક કરો.
- હવે ઈ-મેઈલ આઈડી અને ફોન નંબર દાખલ કરીને રજીસ્ટ્રેશન કરો.
- અરજી ફોર્મ ભરો અને વિગતો દાખલ કરો.
- બધા જરૂરી ડોક્યુમેન્ટ અપલોડ કરો.
- ફી ચૂકવો અને ફોર્મ સબમિટ કરો.
પરીક્ષા બે શિફ્ટમાં લેવામાં આવશે
પરીક્ષા 7, 8, 14 અને 15 ફેબ્રુઆરી 2026ના રોજ દેશભરના વિવિધ કેન્દ્રો પર લેવામાં આવશે. પરીક્ષા બે શિફ્ટમાં લેવામાં આવશે. પરીક્ષાની પહેલી શિફ્ટ સવારે 9:30થી 12:30 અને બીજી શિફ્ટ બપોરે 2:30થી 5:30 સુધીની રહેશે. કુલ 30 વિવિધ વિષયો માટે પરીક્ષાઓ હશે, જેમાં એન્જિનિયરિંગ, ટેકનોલોજી, વિજ્ઞાન અને આર્કિટેક્ચર સહિતના વિવિધ વિષયોનો સમાવેશ થાય છે. ઉમેદવારો તેમના પસંદ કરેલા વિષયમાંથી પરીક્ષા આપશે.
