NCC 'C' સર્ટિફિકેટ ધરાવતા ઉમેદવારો માટે ભારતીય સેનામાં નીકળી ભરતી, પરીક્ષા વિના થશે પસંદગી
છેલ્લું અપડેટ : 14 Feb 2026
ભારતીય સેનાએ NCC સ્પેશિયલ એન્ટ્રી સ્કીમ હેઠળ ભરતી પ્રક્રિયા શરૂ કરી છે. આ યોજના હેઠળ NCC 'C' સર્ટિફિકેટ ધરાવતા ઉમેદવારો લેખિત પરીક્ષા આપ્યા વિના સીધા લેફ્ટનન્ટનો હોદ્દો મેળવી શકે છે. આ ભરતી પ્રક્રિયામાં પુરૂષો માટે 70 અને મહિલાઓ માટે 6 જગ્યાઓ છે. આ માટે અરજી પ્રક્રિયા શરૂ થઈ ગઈ છે, અરજી કરવાની છેલ્લી તારીખ 16 માર્ચ 2026 નક્કી કરવામાં આવી છે. પસંદગી માટેની વય મર્યાદા 19થી 25 વર્ષ છે. પસંદગી પ્રક્રિયામાં ઉમેદવારોને શરૂઆતમાં તેમના NCC 'C' સર્ટિફિકેટ અને ગ્રેજ્યુએશન માર્ક્સ ગ્રેડિંગના આધારે શોર્ટલિસ્ટિંગ કરવામાં આવશે.
આ પછી SSB ઇન્ટરવ્યુ લેવામાં આવશે. પસંદ કરાયેલા ઉમેદવારો 49 અઠવાડિયાની ટ્રેનિંગમાંથી પસાર થશે, જે દરમિયાન તેમને 56,100 રૂપિયાનું માસિક સ્ટાઇપેન્ડ મળશે.
ટ્રેનિંગ અને પોસ્ટ ગ્રેજ્યુએશન
ટ્રેનિંગ પૂર્ણ કર્યા પછી પસંદ કરાયેલા ઉમેદવારો દસ વર્ષ માટે ભારતીય સેનામાં સેવા આપશે. જોકે, સેના કોઈપણ સમયે તેમનું કમિશન સમાપ્ત કરી શકે છે. પ્રી-કમિશન ટ્રેનિંગ ચેન્નાઈમાં ઓફિસર્સ ટ્રેનિંગ એકેડેમીમાં હાથ ધરવામાં આવશે. ટ્રેનિંગ પૂર્ણ કર્યા પછી મદ્રાસ યુનિવર્સિટી તરફથી સંરક્ષણ વ્યવસ્થાપન અને વ્યૂહાત્મક અભ્યાસમાં પોસ્ટ ગ્રેજ્યુએટ ડિપ્લોમા મળશે.
મેરિટ અને બોનસ પોઈન્ટ્સ
ઉમેદવારોને તેમના NCC 'C' ગ્રેડના આધારે માર્ક્સ આપવામાં આવશે. A ગ્રેડને 50 માર્ક્સ અને B ગ્રેડને 25 માર્ક્સ મળશે. વધારાના પોઈન્ટ્સ તેમના ગ્રેજ્યુએશનના માર્ક્સના આધારે આપવામાં આવશે. ઉદાહરણ તરીકે, જો કોઈ ઉમેદવાર પાસે ગ્રેજ્યુએશનમાં 78% માર્ક્સ અને NCC 'C' અથવા 'B' ગ્રેડ હોય, તો કુલ બોનસ પોઈન્ટ્સ 30 + 25 = 55 હશે. જોકે, જો તે જ ઉમેદવાર પાસે A ગ્રેડ હોય, તો પોઈન્ટ્સ 30 + 50 = 80 હશે.
SSB ઇન્ટરવ્યુમાં ધ્યાનમાં લેવાના મુદ્દાઓ
SSB ઇન્ટરવ્યુમાં સૌથી મહત્ત્વપૂર્ણ બાબતો NCCનું સંપૂર્ણ જ્ઞાન, જો તમે અંગ્રેજી બોલી ન શકતા હોવ તો પણ આત્મવિશ્વાસ જાળવી રાખો અને સેનાની સામાન્ય જાણકારી જેમકે ડ્રિલ, શસ્ત્રો, નકશા અને વર્તમાન લશ્કરી પ્રવૃત્તિઓ જેવા રાખો.