તમે પણ JEE Mains 2026 સેશન 1ની પરીક્ષા આપી છે? તો જાણો કેટલા માર્ક્સ સાથે થશો પાસ
છેલ્લું અપડેટ : 13 Feb 2026
જો તમે JEE Mains 2026 સેશન 1ની પરીક્ષા આપી હોય અથવા સેશન 2ની પરીક્ષાની તૈયારી કરી રહ્યા હોવ, તો આ સમાચાર તમારા માટે ખૂબ જ ફાયદાકારક સાબિત થઈ શકે છે. પરીક્ષા ગમે તે હોય લગભગ દરેક ઉમેદવારના મનમાં એક પ્રશ્ન રહે છે કે પાસ થવા માટે કેટલા માર્ક્સની જરૂર છે. તેવી જ રીતે JEE Mains પાસ કરવા માટે કેટલા માર્ક્સની જરૂર છે? આ પ્રશ્ન ઘણા ઉમેદવારોના મનમાં હોવાની શક્યતા છે. તો, ચાલો આજે તમને JEE Mains 2026 સેશન 1ના અપેક્ષિત કટઓફ વિશે જણાવીએ.
આ વર્ષે એટલે કે 2026માં મોટી કોમ્પિટિશન રહેવાની અપેક્ષા છે. ગયા વર્ષે 2025માં જનરલ કેટેગરી માટે કટઓફ 93 પર્સેન્ટાઈલ (75-90 માર્ક્સ) ની આસપાસ હતો. ટ્રેન્ડસના આધારે આ વર્ષે ક્વોલિફાય થવા માટે ઉમેદવારોને થોડા વધારે માર્ક્સની જરૂર પડી શકે છે. જનરલ કેટેગરી માટે કટઓફ (અપેક્ષિત) 92-95 (સંભવિત 80-95 માર્ક્સ) હોવાની અપેક્ષા છે.
JEE Mains 2026 સેશન 1: અપેક્ષિત કટઓફ
- જનરલ (UR): 92-95
- OBC-NCS: 79-82
- EWS: 80-82
- SC: 64-66
- ST: 45-48
JEE Mains 2026 સેશન 1 પરીક્ષાનું પરિણામ
JEE Mains 2026 સેશન 1 પરીક્ષાના પરિણામો મુલતવી રાખવામાં આવ્યા છે. નેશનલ ટેસ્ટિંગ એજન્સી હવે 16 ફેબ્રુઆરી, 2026ના રોજ JEE મેઈન 2026 સેશન 1 પરીક્ષાના પરિણામો જાહેર કરશે. NTAએ આ અંગે માહિતી શેર કરી છે. NTAએ આ અંગે X પર તેના સત્તાવાર હેન્ડલ પર એક પોસ્ટ પણ શેર કરી છે.
તમને જણાવી દઈએ કે JEE Mains 2026 સેશન 1ની પરીક્ષા 21થી 29 જાન્યુઆરી દરમિયાન યોજાઈ હતી. 21થી 28 જાન્યુઆરી દરમિયાન યોજાયેલી આ પરીક્ષા બે શિફ્ટમાં લેવામાં આવી હતી. 29 જાન્યુઆરી, 2026ના રોજ યોજાયેલી પરીક્ષા એક જ શિફ્ટમાં લેવામાં આવી હતી.
