NTA દ્વારા જાહેર કરાયું JEE Mains 2026 સેશન 1નું પરિણામ, જાણો કેવી રીતે કરવું ચેક
છેલ્લું અપડેટ : 16 Feb 2026
JEE Mains 2026 સેશન 1ના પરિણામની રાહ પૂરી થઈ ગઈ છે. નેશનલ ટેસ્ટિંગ એજન્સી (NTA) એ JEE Mains 2026 સેશન 1નું પરિણામ સત્તાવાર વેબસાઈટ jeemain.nta.nic.in પર જાહેર કર્યું છે. પરીક્ષા આપનારા ઉમેદવારો સત્તાવાર વેબસાઈટની મુલાકાત લઈને તેમનું JEE Mains 2026 સેશન 1નું પરિણામ ચેક કરી શકે છે. JEE Mains 2026 સેશન 1નું પરિણામ અને સ્કોરકાર્ડ ચેક અને ડાઉનલોડ કરવા માટે ઉમેદવારોએ તેમના લોગિન આઈડી (એપ્લિકેશન નંબર અને પાસવર્ડ) નો ઉપયોગ કરવો પડશે. ચાલો તમને જણાવીએ કે તમે પરિણામ કેવી રીતે ચેક કરી શકો છો.
પરિણામ કેવી રીતે ચેક કરવું?
- સૌપ્રથમ સત્તાવાર વેબસાઈટ jeemain.nta.nic.in ની મુલાકાત લો.
- આ પછી હોમપેજ પર JEE Mains 2026 સેશન 1ના પરિણામની લિંક પર ક્લિક કરો.
- હવે એક અલગ વિન્ડો ખુલશે જેમાં તમારી વિગતો દાખલ કરીને લોગિન કરો.
- આ પછી સ્ક્રીન પર તમારું પરિણામ દેખાશે.
- તમારું પરિણામ ચેક કરીને ડાઉનલોડ કરી લો.
- ભવિષ્યના સંદર્ભ માટે તેની પ્રિન્ટ પણ કાઢી લો.
આ પહેલા JEE Mains 2026 સેશન 1ની ફાઈનલ આન્સર કિ આજે (16 ફેબ્રુઆરી) સવારે સત્તાવાર વેબસાઈટ jeemain.nta.nic.in પર પ્રકાશિત કરવામાં આવી હતી. JEE Mains 2026 સેશન 1ની પરીક્ષા 21, 22, 23, 24, 28 અને 29 જાન્યુઆરીના રોજ લેવામાં આવી હતી. પરીક્ષાઓ 21, 22, 23, 24 અને 28 જાન્યુઆરીના રોજ બે શિફ્ટમાં લેવામાં આવી હતી. 29 જાન્યુઆરીના રોજ, પરીક્ષા એક જ શિફ્ટમાં લેવામાં આવી હતી.