NPCILમાં નોકરી કરવા માંગતા ઉમેદવારો માટે સુવર્ણ તક, આ તારીખ પહેલા ભરી લો ફોર્મ

ન્યુક્લિયર એનર્જી સેક્ટરમાં કામ કરવા માંગતા ઉમેદવારો માટે સારા સમાચાર છે. ન્યુક્લિયર પાવર કોર્પોરેશન ઓફ ઈન્ડિયા (NPCIL) એ ઘણી જગ્યાઓ માટે ભરતીની જાહેરાત કરી છે. સત્તાવાર નોટિફિકેશન અનુસાર, નર્સ-A, કેટેગરી-1 સ્ટાઈપેન્ડરી ટ્રેઈની/સાયન્ટિફિક આસિસ્ટન્ટ, કેટેગરી-2 સ્ટાઈપેન્ડરી ટ્રેઈની અને એક્સ-રે ટેકનિશિયન-C માટે કુલ 74 જગ્યાઓ બહાર પાડવામાં આવી છે. રસ ધરાવતા અને લાયક ઉમેદવારો તેની અધિકૃત વેબસાઈટ npcilcareers.co.in ની મુલાકાત લઈને અરજી કરી શકે છે.

અરજી કોણ કરી શકે છે?

ન્યુક્લિયર પાવર કોર્પોરેશન ઓફ ઈન્ડિયા દ્વારા જારી કરવામાં આવેલી આ ભરતી માટે અરજી કરતા પહેલા, ઉમેદવારોએ વિવિધ પોસ્ટ્સ માટે નિર્ધારિત લાયકાતો અને માપદંડો વિશે જાણવા માટે સત્તાવાર નોટિફિકેશન વાંચવી પડશે. દરેક પોસ્ટ માટે અલગ-અલગ લાયકાત અને વાય મર્યાદા નિર્ધારિત કરવામાં આવી છે. 

અરજી કેવી રીતે કરવી?

• NPCILની આ જગ્યાઓ માટે અરજી કરવા માટે, સૌ પ્રથમ તમારે સત્તાવાર વેબસાઈટ npcilcareers.co.in પર જવું પડશે.
• અહીંથી કારકિર્દી વિભાગમાં જાઓ અને એક્ટિવ લિંક પર ક્લિક કરો.
• અહીં તમને આ ભરતી સંબંધિત એક વિકલ્પ દેખાશે, તેના પર ક્લિક કરો.
• આ પછી, ઉમેદવારોએ પોર્ટલ પર રજીસ્ટ્રેશન કરવું પડશે.
• ત્યારપછી તમને લોગ-ઈન આઈડી અને પાસવર્ડ મળશે.
• તેની મદદથી, લોગ ઇન કરીને, ઉમેદવારો સંબંધિત પોસ્ટ માટે તેમની અરજી સબમિટ કરી શકે છે.
• છેલ્લે તમારે 150 રૂપિયાની નિર્ધારિત ફી ભરીને ફોર્મ સબમિટ કરવાનું રહેશે.

અરજી કરવાની છેલ્લી તારીખ

આ ભરતી માટેની અરજી પ્રક્રિયા 16મી જુલાઈથી શરૂ થઈ છે અને ઉમેદવારો 5મી ઓગસ્ટ 2024 સુધી ફોર્મ ભરી શકશે. આ પછી એપ્લિકેશન લિંક બંધ થઈ જશે. જો તમે NPCILમાં નોકરી મેળવવા માંગો છો, તો તમારા માટે આ એક સુવર્ણ તક છે.