10 પાસ ઉમેદવારો માટે સરકારી નોકરી મેળવવાની સુવર્ણ તક, NABARDમાં નીકળી ભરતી

નેશનલ બેંક ફોર એગ્રીકલ્ચર એન્ડ રૂરલ ડેવલપમેન્ટ (NABARD) એ 10 પાસ ઉમેદવારો માટે ઓફિસ એટેન્ડન્ટની 108 જગ્યાઓની ભરતીની જાહેરાત કરી છે. જેઓ સરકારી નોકરી શોધી રહ્યા છે અને ઓછામાં ઓછું 10 ધોરણ પાસ છે તેમના માટે આ એક સારી તક છે. ઓનલાઈન અરજી પ્રક્રિયા 2 ઓક્ટોબર, 2024થી શરૂ થશે અને રસ ધરાવતા ઉમેદવારો NABARDની સત્તાવાર વેબસાઈટ nabard.org પર જઈને અરજી કરી શકે છે. અરજી કરવાની છેલ્લી તારીખ 21 ઓક્ટોબર 2024 છે. 2જી ઓક્ટોબરે NABARDની વેબસાઈટ પર નોટિફિકેશન પ્રકાશિત કરવામાં આવશે, જેમાં ઉમેદવારોને સંપૂર્ણ માહિતી મળશે.

શૈક્ષણિક લાયકાત અને વય મર્યાદા

અરજી કરવા માટે ઉમેદવારોએ 10મું પાસ કરેલું હોવું જોઈએ. વય મર્યાદા 18થી 30 વર્ષની વચ્ચે રાખવામાં આવી છે. આ ઉપરાંત, અનામત વર્ગો માટે વયમાં છૂટછાટ આપવામાં આવશે - SC/STના ઉમેદવારોને 5 વર્ષની છૂટછાટ મળશે અને OBCના ઉમેદવારોને 3 વર્ષની છૂટ મળશે. 

પસંદગી પ્રક્રિયા અને પગાર

પસંદગી પ્રક્રિયા વિશે વિગતવાર માહિતી નોટિફિકેશનમાં આપવામાં આવશે. પસંદ કરાયેલ ઉમેદવારોને દર મહિને 35,000 રૂપિયા સુધીનો પગાર મળશે. 

આ રીતે અરજી કરો

• સૌ પ્રથમ nabard.org પર જાઓ.
• હોમપેજ પર New Vacanciesની લિંક પર ક્લિક કરો.
• અહીં તમામ માહિતી ભરીને રજીસ્ટ્રેશનની પ્રક્રિયા પૂર્ણ કરો.
• રજીસ્ટ્રેશન કર્યા પછી, લોગિન કરો અને જરૂરી ડોક્યુમેન્ટ અપલોડ કરો.
• બધી માહિતી યોગ્ય રીતે ભરો અને ફોર્મ સબમિટ કરો.
• ફોર્મ સબમિટ કર્યા પછી તેની પ્રિન્ટ આઉટ કાઢી લો.