Railway Job / RRB NTPC UG ભરતી માટે લંબાવાઈ લાસ્ટ ડેટ, આ છે ફોર્મ ભરવાની છેલ્લી તારીખ
છેલ્લું અપડેટ : 28 Nov 2025
RRB NTPC UG ભરતી માટે અરજી કરવામાં રસ ધરાવતા ઉમેદવારો માટે સારા સમાચાર છે. રેલ્વે ભરતી બોર્ડે RRB NTPC UG ભરતી 2026 માટે અરજી કરવાની છેલ્લી તારીખ લંબાવી છે. સત્તાવાર વેબસાઈટ પર એક સૂચના જારી કરવામાં આવી છે. જે ઉમેદવારો NTPC UG માટે અરજી કરવાનું ચૂકી ગયા છે તેઓ હવે તમામ પ્રાદેશિક RRBની સત્તાવાર વેબસાઈટની મુલાકાત લઈને અરજી કરી શકે છે.
સત્તાવાર નોટિફિકેશન અનુસાર, આ જગ્યાઓ માટે અરજી કરવાની છેલ્લી તારીખ 4 ડિસેમ્બર, 2025 સુધી લંબાવવામાં આવી છે. રસ ધરાવતા ઉમેદવારોએ આ તારીખે અથવા તે પહેલાં અરજી કરી લેવી જોઈએ. સબમિટ કરેલી અરજીઓ માટે અરજી ફી ભરવાની છેલ્લી તારીખ 6 ડિસેમ્બર, 2025 છે. કરેક્શન વિન્ડો 7 ડિસેમ્બરે ખુલશે અને 16 ડિસેમ્બર, 2025ના રોજ બંધ થશે.
અરજી કેવી રીતે કરવી?
- સૌથી પહેલા સત્તાવાર વેબસાઈટ ctet.nic.in ની મુલાકાત લો.
- ત્યારબાદ, હોમપેજ પર સંબંધિત લિંક પર ક્લિક કરો.
- આ પછી નવા પેજ પર રજીસ્ટ્રેશન કરો.
- રજીસ્ટ્રેશન કર્યા પછી તમારું અરજી ફોર્મ ભરો.
- અરજી પૂર્ણ કર્યા પછી ફોર્મ સબમિટ કરો.
- ફોર્મ સબમિટ કર્યા પછી અરજી ફી ભરીને કન્ફર્મેશન પેજ ડાઉનલોડ કરી લો.
- છેલ્લે ફોર્મની પ્રિન્ટ કાઢી લો.
શૈક્ષણિક લાયકાત
RRB NTPC UG ભરતી માટે અરજી કરવા માંગતા ઉમેદવારોએ માન્ય બોર્ડમાંથી ઓછામાં ઓછા 50% ગુણ સાથે 12મું ધોરણ પાસ કરેલું હોવું જોઈએ. SC, ST અને દિવ્યાંગ ઉમેદવારો માટે કોઈ ટકાવારી મર્યાદા નથી. વધુમાં, એકાઉન્ટ્સ ક્લાર્ક કમ ટાઇપિસ્ટ, કોમર્શિયલ કમ ટિકિટ ક્લાર્ક, જુનિયર ક્લાર્ક કમ ટાઇપિસ્ટ અને ટ્રેન ક્લાર્કની જગ્યાઓ માટે ટાઇપિંગ સ્પીડ અંગ્રેજીમાં 30 શબ્દો પ્રતિ મિનિટ અને હિન્દીમાં 25 શબ્દો પ્રતિ મિનિટ હોવી જોઈએ.
વય મર્યાદા
અરજી કરવા માંગતા ઉમેદવારોની ઉંમર 18 વર્ષ ઓછી અને 30 વર્ષથી વધુ ન હોવી જોઈએ. રિઝર્વેશન કેટેગરીના ઉમેદવારોને નિયમો મુજબ ઉંમરમાં છૂટછાટ આપવામાં આવશે. ઉંમરની ગણતરી 1 જાન્યુઆરી, 2026ના રોજ કરવામાં આવશે.
કેટલી જગ્યાઓ ભરવામાં આવશે?
આ ભરતી ઝુંબેશમાં 3,058 જગ્યાઓ ભરવામાં આવશે, જેમાં કોમર્શિયલ કમ ટિકિટ ક્લાર્ક માટે 2,424 જગ્યાઓ, એકાઉન્ટ્સ ક્લાર્ક કમ ટાઇપિસ્ટ માટે 394 જગ્યાઓ, જુનિયર ક્લાર્ક કમ ટાઇપિસ્ટ માટે 163 જગ્યાઓ અને ટ્રેન ક્લાર્ક માટે 77 જગ્યાઓ શામેલ છે.
પસંદગી પ્રક્રિયા
આ જગ્યાઓ માટેની પસંદગી પ્રક્રિયામાં કમ્પ્યુટર-આધારિત ટેસ્ટ (CBT) 1, કમ્પ્યુટર-આધારિત ટેસ્ટ (CBT) 2, કમ્પ્યુટર-આધારિત ટાઇપિંગ સ્કિલ ટેસ્ટ (CBTST), ડોક્યુમેન્ટ વેરિફિકેશન અને મેડિકલ ટેસ્ટનો સમાવેશ થશે. વધુ વિગતો માટે, ઉમેદવારો પ્રાદેશિક RRBની સત્તાવાર વેબસાઈટની મુલાકાત લઈ શકે છે.
