ઈન્ડિયન નેવીમાં મેડિકલ આસિસ્ટન્ટની જગ્યા માટે થશે ભરતી, 12મું પાસ પણ કરી શકે છે અરજી

ઈન્ડિયન નેવી એ 12 પાસ યુવાનો માટે SSR મેડિકલ આસિસ્ટન્ટની જગ્યાઓ માટે ભરતીની જાહેરાત કરી છે. આ ભરતી અપરિણીત પુરૂષો માટે છે. આ ભરતીની ઓનલાઈન અરજી પ્રક્રિયા શરૂ થઈ ગઈ છે. રસ ધરાવતા ઉમેદવારો joinindiannavy.gov.in પર જઈને અરજી કરી શકે છે. અરજી કરવાની છેલ્લી તારીખ 17 સપ્ટેમ્બર 2024 છે.

શૈક્ષણિક લાયકાત અને વય મર્યાદા

આ ભરતી માટે ઉમેદવારોએ ફિઝીક્સ, કેમેસ્ટ્રી અને બાયોલોજી વિષયો સાથે 12મું ધોરણ પાસ કરેલ હોવું જોઈએ. જેમાં ઓછામાં ઓછા 50 ટકા અને દરેક વિષયમાં ઓછામાં ઓછા 40 ટકા માર્ક્સ હોવા જોઈએ. ઉમેદવારની ઉંમર 1 નવેમ્બર 2003થી 30 એપ્રિલ 2007ની વચ્ચે હોવી જોઈએ અને તેની ઊંચાઈ ઓછામાં ઓછી 152.5 સેમી હોવી જોઈએ.

પસંદગી પ્રક્રિયા

પસંદગી પ્રક્રિયાના પ્રથમ તબક્કામાં, ઉમેદવારોને 12માના માર્કના આધારે શોર્ટલિસ્ટ કરવામાં આવશે. બીજા તબક્કામાં શારીરિક ક્ષમતા કસોટી અને લેખિત પરીક્ષા લેવામાં આવશે. પરીક્ષામાં મેળવેલા ગુણના આધારે મેરિટ લિસ્ટ તૈયાર કરવામાં આવશે, જેમાં PET, PST અને મેડિકલ ટેસ્ટ પાસ કરનારા ઉમેદવારોના જ નામ હશે.

પગાર

પ્રારંભિક ટ્રેનીંગ દરમિયાન, ઉમેદવારોને 14,600 રૂપિયાનું સ્ટાઈપેન્ડ મળશે. ટ્રેનીંગ પૂર્ણ થયા પછી, લેવલ-3 પગાર (21,700-69,100 રૂપિયા) ડિફેન્સ પે મેટ્રિક્સ મુજબ આપવામાં આવશે. આ ઉપરાંત, 5200 રૂપિયાની MSP અને DA પણ મહિનામાં ઉપલબ્ધ થશે. આ ઈન્ડિયન નેવીમાં કારકિર્દી બનાવવાની સારી તક છે, તેથી રસ ધરાવતા ઉમેદવારોએ સમયસર અરજી કરવી જોઈએ.

અરજી પ્રક્રિયા

• અરજી કરવા માટે સૌ પ્રથમ, joinindiannavy.gov.in પર જાઓ.
• વેબસાઈટ પર "Apply Online" લિંક શોધો અને તેના પર ક્લિક કરો.
• "New Registration" લિંક પર ક્લિક કરો, તમારી માહિતી ભરો અને રજીસ્ટ્રેશન કરો.
• રજીસ્ટ્રેશન કર્યા પછી, લોગિન કરો અને શૈક્ષણિક તેમજ વ્યક્તિગત વિગતો ભરો.
• નિયત અરજી ફી ચૂકવો.
• બધી વિગતો યોગ્ય રીતે ભર્યા પછી, ફોર્મ સબમિટ કરો.
• ભવિષ્યની જરૂરિયાત માટે ફોર્મની પ્રિન્ટ કાઢી લો.