IBPS દ્વારા 7 હજારથી વધુ પોસ્ટ પર કરાશે ભરતી, પસંદગી પામેલા ઉમેદવારોને લાખોમાં પગાર મળશે

IBPS એ 7 હજારથી વધુ પોસ્ટ માટે ભરતીની જાહેરાત કરી છે. જે ઉમેદવારો આ ખાલી જગ્યાઓ માટે અરજી કરવા માટે જરૂરી લાયકાત ધરાવતા હોય તેઓ અધિકૃત વેબસાઇટની મુલાકાત લઈને અરજી કરી શકે છે. અરજી કરવા માટેની છેલ્લી તારીખ ટૂંક સમયમાં આવી રહી છે. આ ભરતી અભિયાન દ્વારા કુલ 7145 જગ્યાઓ પર ઉમેદવારોની નિમણૂક કરવામાં આવશે.

આ જગ્યાઓ પર ભરતી થશે

આ ભરતી અભિયાન દ્વારા પ્રોફેસર, જનરલ મેનેજર, રિસર્ચ એસોસિયેટ, હિન્દી ઓફિસર, ડેપ્યુટી મેનેજર (એકાઉન્ટ) વગેરેની જગ્યાઓ ભરવામાં આવશે. આ માટે માત્ર ઓનલાઈન અરજી કરી શકાય છે. અરજી કરવા માટે તમારે ઇન્સ્ટિટ્યૂટ ઓફ બેન્કિંગ પર્સનલ સિલેક્શનની સત્તાવાર વેબસાઇટ – ibps.inની મુલાકાત લેવાની રહેશે. અહીંથી તમે આ ભરતીની વિગતો પણ જાણી શકો છો અને અરજી પણ કરી શકો છો.

છેલ્લી તારીખ અને અરજી ફી

આ જગ્યાઓ માટે અરજીઓ શરૂ થઈ ગઈ છે અને અરજી કરવાની છેલ્લી તારીખ 12મી એપ્રિલ 2024 છે. આ તારીખ પહેલા નિયત ફોર્મેટમાં ફોર્મ ભરી લો. આ પોસ્ટ્સ માટે અરજી કરવા માટે, જનરલ, OBC અને EWS કેટેગરીના ઉમેદવારોએ 750 રૂપિયા ફી ચૂકવવી પડશે. જ્યારે SC અને ST કેટેગરીની ફી 450 રૂપિયા છે.

લાયકાત અને વય મર્યાદા

અરજી કરવાની પાત્રતા અને વય મર્યાદા પોસ્ટ પ્રમાણે અલગ અલગ છે. ઉદાહરણ તરીકે, પ્રોફેસરની પોસ્ટ માટે, પીએચડી ઉમેદવારો કે જેમની પાસે ઓછામાં ઓછો 12 વર્ષનો કાર્ય અનુભવ હોય તેઓ અરજી કરી શકે છે. વય મર્યાદા 47થી 55 વર્ષની વચ્ચે છે. આસિસ્ટન્ટ જનરલ મેનેજરના પદ માટે 10 વર્ષનો અનુભવ અને બેચલર અથવા માસ્ટર ડિગ્રી ધરાવતા ઉમેદવારો અરજી કરી શકે છે. વય મર્યાદા 35થી 50 વર્ષ છે. તમે અન્ય પોસ્ટ માટેની લાયકાત અને વય મર્યાદા સત્તાવાર જાહેરાતમાં વાંચી શકો છો.

પસંદગી કેવી રીતે થશે?

દરેક પોસ્ટ માટે પસંદગી પદ્ધતિ અલગ છે. જેમ કે લેખિત પરીક્ષા, પ્રેઝેન્ટેશન, ગ્રુપ એકસરસાઈઝ, પર્સનલ ઇન્ટરવ્યુ, સ્કિલ ટેસ્ટ વગેરે. તે પોસ્ટ મુજબ લેવામાં આવશે. પસંદગી પામેલા ઉમેદવારોની IBPS મુંબઈમાં પોસ્ટિંગ થશે.

કેટલો પગાર મળશે?

પગાર પણ પોસ્ટ પ્રમાણે અલગ છે. પ્રોફેસરની પોસ્ટ માટે લગભગ રૂ. 2,92,000 પ્રતિ માસ, આસિસ્ટન્ટ જનરલ મેનેજરના પદ માટે લગભગ રૂ. 1,90,000 પ્રતિ માસ, રિસર્ચ એસોસિયેટ માટે રૂ. 84,000 પ્રતિ મહિને, હિન્દી ઓફિસર માટે રૂ. 84,000 પ્રતિ માસ સુધી પગાર મળી શકે છે.