IBPS ક્લાર્કની પ્રિલિમ્સનું એડમિટ કાર્ડ બહાર પાડવામાં આવ્યું, આ રીતે ડાઉનલોડ કરો કોલ લેટર

બેંક ભરતી પરીક્ષાનું સંચાલન કરતી સંસ્થાએ IBPS ક્લાર્ક 2024ની પ્રિલિમ્સ માટે એડમિટ કાર્ડ બહાર પાડ્યું છે. જે ઉમેદવારોએ અરજી કરી હોય તેઓ તેમના એડમિટ કાર્ડને સત્તાવાર IBPS વેબસાઇટ ibps.in પરથી ડાઉનલોડ કરી શકે છે.

એડમિટ કાર્ડ કેવી રીતે ડાઉનલોડ કરવું?

• IBPSની વેબસાઈટની મુલાકાત લો અથવા IBPS ક્લાર્ક એડમિટ કાર્ડ 2024 માટે આપેલ સીધી લિંકનો ઉપયોગ કરો.
• વેબસાઈટના હોમપેજ પર ડાબી બાજુએ "CRP Clerical" પર ક્લિક કરો.
• હવે "Common Recruitment Process for Clerical Cadre XIV" પર ક્લિક કરો.
• હવે તમારે "CRP Clerks-XIV માટે ઓનલાઈન પ્રિલિમિનરી એક્ઝામ કોલ લેટર" પર ક્લિક કરવાનું રહેશે.
• નવા પેજ પર, તમારો રજીસ્ટ્રેશન નંબર/રોલ નંબર અને પાસવર્ડ/જન્મ તારીખ દાખલ કરો.
• તમારું IBPS ક્લાર્કની પ્રિલિમ્સનું એડમિટ કાર્ડ સ્ક્રીન પર દેખાશે.
• હવે તમે તેને ડાઉનલોડ કરી શકો છો અને તેની પ્રિન્ટ આઉટ પણ લઈ શકો છો.

IBPS ક્લાર્કની પ્રિલિમ્સ પરીક્ષા ક્યારે છે?

IBPS ક્લાર્કની પ્રિલિમ્સ 2024 ત્રણ દિવસમાં યોજાશે: 24, 25 અને 31 ઓગસ્ટ. આ પરીક્ષા દ્વારા 6128 ક્લાર્કની નોકરીઓ આપવામાં આવશે. પરીક્ષા ચાર શિફ્ટમાં લેવામાં આવશે. પ્રથમ પરીક્ષા સવારે 9થી 10, બીજી સવારે 11:30થી 12:30, ત્રીજી બપોરે 2થી 3 અને ચોથી સાંજે 4:30થી 5:30 દરમિયાન લેવામાં આવશે.