BSFમાં 10 પાસ ઉમેદવારો માટે નીકળી નોકરી, 15 હજારથી વધુ જગ્યાઓ પર થશે ભરતી

જો તમે સેન્ટ્રલ પોલીસ ફોર્સમાં નોકરી શોધી રહ્યા છો, તો તમારા માટે એક સુવર્ણ તક છે. SSC GD કોન્સ્ટેબલ ભરતી હેઠળ, BSFમાં 15,654 જગ્યાઓ માટે ભરતી કરવામાં આવી છે. તેમાંથી 13,306 પદ પુરૂષો માટે અને 2,348 પદ મહિલાઓ માટે અનામત છે. અરજી કરવાની છેલ્લી તારીખ 14 ઓક્ટોબર 2024 છે, તેથી શક્ય તેટલી વહેલી તકે અરજી કરો. આ પરીક્ષા જાન્યુઆરી-ફેબ્રુઆરી 2025માં લેવામાં આવશે.

પોસ્ટની વિગતો

BSFમાં વિવિધ કેટેગરીઓ માટે ખાલી જગ્યાઓની સંખ્યા અલગ-અલગ છે. જનરલ કેટેગરીના પુરૂષો માટે 5,563 જગ્યાઓ, OBC માટે 2,906 જગ્યાઓ, SC માટે 2,018 જગ્યાઓ અને ST માટે 1,489 જગ્યાઓ અનામત છે. EWS માટે 1,330 પોસ્ટ જગ્યાઓ છે. મહિલાઓ માટે જનરલ કેટેગરીમાં 986 જગ્યાઓ, OBCમાં 510 જગ્યાઓ, SCમાં 356 જગ્યાઓઅને STમાં 262 જગ્યાઓ છે. EWS મહિલા ઉમેદવારો માટે 234 જગ્યાઓ અનામત છે.

લાયકાત

કોઈપણ 10 પાસ ઉમેદવાર અરજી કરી શકે છે. ઉંમરની વાત કરીએ તો ઉમેદવારની ઉંમર 18થી 23 વર્ષની વચ્ચે હોવી જોઈએ. જો તમારી ઉંમર આ શ્રેણીમાં આવે છે અને તમારી પાસે યોગ્ય શૈક્ષણિક લાયકાત છે તો તમે અરજી કરી શકો છો.

અરજી પ્રક્રિયા

જો તમે આ ભરતી માટે અરજી કરવા માંગો છો, તો પહેલા SSCની સત્તાવાર વેબસાઈટ ssc.gov.in પર જાઓ. ત્યાં રજીસ્ટ્રેશન કરો. જો પહેલેથી જ રજીસ્ટ્રેશન કરેલું હોય, તો તમારા પાસવર્ડથી લોગિન કરો. આ પછી, બધી જરૂરી માહિતી ભરો અને તમારી અરજી સબમિટ કરો. અરજી પ્રક્રિયા પૂર્ણ થયા પછી, અરજી ફોર્મ ડાઉનલોડ કરો અને તેને તમારી પાસે રાખો.

પસંદગી પ્રક્રિયા

BSF ભરતી માટે પ્રથમ તબક્કામાં ઉમેદવારોએ કોમ્પ્યુટર આધારિત ટેસ્ટ આપવી પડશે. આ પછી, ફિઝિકલ એફિસિયન્સી ટેસ્ટ લેવામાં આવશે. આ સિવાય ફિઝિકલ સ્ટાન્ડર્ડ ટેસ્ટ અને છેલ્લે મેડિકલ ટેસ્ટ પણ થશે. આ ભરતી માટેની પરીક્ષા 13 ભાષાઓમાં લેવામાં આવશે, જેમાં હિન્દી, અંગ્રેજી અને અન્ય પ્રાદેશિક ભાષાઓનો સમાવેશ થાય છે.