શેર બજારમાં રોકાણ કરતા રોકાણકારો માટે ચેતવણી, આ નંબરથી ફોન આવે તો રહેજો સાવધાન
શેર બજારમાં રોકાણ કરતા રોકાણકારો માટે ચેતવણી જાહેર કરવામાં આવી છે. એક્સચેન્જના ધ્યાનમાં આવ્યું છે કે &ld
શેર બજારમાં રોકાણ કરતા રોકાણકારો માટે ચેતવણી જાહેર કરવામાં આવી છે. એક્સચેન્જના ધ્યાનમાં આવ્યું છે કે “Bullseye Market” એકમ સાથે સંકળાયેલ હોવાનો દાવો કરતા “માનવ અવસ્થી” અને “આદિત્ય” નામના વ્યક્તિઓ મોબાઇલ નંબર “8451993810” અને “8108404425” દ્વારા કામ કરે છે. આ ઉપરાંત “9926362937” મોબાઇલ નંબર દ્વારા “Money Magnet Research” નામની સંસ્થા સાથે સંકળાઈને કામ કરતી “પ્રિયા” નામની વ્યક્તિ સિક્યોરિટીઝ માર્કેટ ટિપ્સ, શેર બજારમાં રોકાણ પર ખાતરીપૂર્વકના/બાંયધરીકૃત વળતર આપી રહી છે અને તેમના લોગિન આઈડી/પાસવર્ડ શેર કરવાનું કહીને રોકાણકારોના ટ્રેડિંગ એકાઉન્ટ હેન્ડલ કરવાની ઓફર આપી રહી છે.
રોકાણકારોને ચેતવણી આપવામાં આવે છે અને સલાહ આપવામાં આવે છે કે શેરબજારમાં સંકેતાત્મક/ખાતરીપૂર્વકના/બાંયધરીકૃત વળતરની ઓફર કરતી કોઈપણ વ્યક્તિ/એકમ દ્વારા ઓફર કરવામાં આવતી કોઈપણ સ્કીમ/પ્રોડક્ટમાં સબ્સ્ક્રાઇબ ન કરવું કારણ કે કાયદા દ્વારા તે પ્રતિબંધિત છે. આ ઉપરાંત, રોકાણકારોને તેમના યુઝર આઈડી કે પાસવર્ડ જેવી ટ્રેડિંગની મહત્વની વિગતો કોઈની સાથે શેર ન કરવા સલાહ આપવામાં આવે છે. અત્રે એ પણ નોંધનીય છે કે ઉપરોક્ત વ્યક્તિઓ/એકમ નેશનલ સ્ટોક એક્સચેન્જ ઓફ ઇન્ડિયા લિમિટેડના કોઈપણ રજિસ્ટર્ડ મેમ્બરના સભ્ય તરીકે અથવા અધિકૃત વ્યક્તિ તરીકે નોંધાયેલ નથી.
એક્સચેન્જે રજિસ્ટર્ડ મેમ્બર અને તેમના દ્વારા અધિકૃત કરાયેલા વ્યક્તિઓની વિગતો તપાસવા માટે તેની વેબસાઈટ પર “https://www.nseindia.com/invest/find-a-stock-broker” લિંક હેઠળ “Know/Locate your Stock Broker”ની સુવિધા પૂરી પાડી છે. આ ઉપરાંત, ટ્રેડિંગ મેમ્બર્સ દ્વારા એક્સચેન્જ સમક્ષ રજૂ કરવામાં આવ્યા મુજબ રોકાણકારો પાસેથી કે તેમને નાણાં મોકલવા કે મેળવવા માટે ક્લાયન્ટ બેંક ખાતા તરીકે નિયુક્ત બેંક ખાતાની વિગતો પણ આ લિંક હેઠળ આપવામાં આવી છે. રોકાણકારોને કોઈપણ વ્યક્તિ કે એકમ સાથે કામ કરતી વખતે વિગતો ચકાસવાની સલાહ આપવામાં આવે છે.
