ડિસેમ્બરમાં 10 દિવસ બંધ રહેશે શેરબજાર, જાણો ક્યારે નહીં થાય ટ્રેડિંગ

રવિવાર એટલે કે 1લી ડિસેમ્બરથી નવો મહિનો શરૂ થઈ ગયો છે. આ નવા મહિનામાં સાપ્તાહિક રજા સિવાય એક દિવસ એવો પણ છે જ્યારે શેરબજારમાં કોઈ કામકાજ નહીં થાય. ચાલો જાણીએ કે એવો કયો દિવસ છે જ્યારે રોકાણકારો વેપાર કરી શકશે નહીં.

આ પણ વાંચો: ડિસેમ્બરમાં બેંકો 17 દિવસ માટે બંધ રહેશે, રજાની તારીખો જાણી તમારું કામ અગાઉથી પતાવી દો

ક્યારે રજા પર હશે

જો આપણે શેરબજારની રજાઓના કેલેન્ડર પર નજર કરીએ તો, 25 ડિસેમ્બર 2024ના રોજ નાતાલના અવસર પર શેરબજારમાં કોઈ વેપાર થશે નહીં. આ તારીખ બુધવાર છે. આ સિવાય ડિસેમ્બર મહિનામાં શનિવાર અને રવિવારે ભારતીય શેરબજાર બંધ રહેશે. ડિસેમ્બર 2024ના કેલેન્ડર પર નજર કરીએ તો, મહિનાની 7મી, 14મી, 21મી અને 28મી તારીખે આવતા ચાર શનિવાર હશે અને મહિનાની 1લી, 8મી, 15મી, 22મી અને 29મી તારીખે આવતા પાંચ રવિવાર હશે. જો આપણે ડિસેમ્બર 2024માં આવતી શેરબજારની રજાનો સમાવેશ કરીએ, તો BSE અને NSE પરની ટ્રેડિંગ પ્રવૃત્તિ ડિસેમ્બર 2024માં 31 માંથી 10 દિવસ માટે સ્થગિત કરવામાં આવશે. આનો અર્થ એ છે કે 2024માં ફક્ત 21 ટ્રેડિંગ દિવસો બચ્યા છે.

વર્ષ 2024માં કેટલી રજાઓ

તમને જણાવી દઈએ કે વર્ષ 2024ના કેલેન્ડર મુજબ, BSE અને NSE એ કુલ 14 શેરબજાર રજાઓની જાહેરાત કરી હતી. જો કે, અયોધ્યા રામ મંદિરમાં 'પ્રાણ પ્રતિષ્ઠા'ના કારણે 22 જાન્યુઆરી 2024 ના રોજ જાહેર રજા જાહેર કરવામાં આવી હતી. આ ઉપરાંત 20 મે 2024ના રોજ મુંબઈમાં લોકસભા ચૂંટણી અને 20 નવેમ્બર, 2024ના રોજ મહારાષ્ટ્ર વિધાનસભાની ચૂંટણીની જાહેરાત પછી, બીએસઈ અને એનએસઈએ સંબંધિત દિવસોમાં શેરબજારમાં રજા જાહેર કરી હતી. આવી સ્થિતિમાં વર્ષ 2024માં શેરબજારમાં કુલ 17 રજાઓ છે.

ગયા સપ્તાહે બજારની સ્થિતિ

સાપ્તાહિક ધોરણે સેન્સેક્સ 685.68 પોઈન્ટ એટલે કે 0.86 ટકા જ્યારે નિફ્ટી 223.85 પોઈન્ટ એટલે કે 0.93 ટકા ઉછળ્યો હતો. ગયા શુક્રવારે બીએસઈનો 30 શેરો ધરાવતો ઈન્ડેક્સ સેન્સેક્સ 759.05 પોઈન્ટ એટલ કે 0.96 ટકાના ઉછાળા સાથે 79,802.79 પર બંધ થયો હતો. નેશનલ સ્ટોક એક્સચેન્જ (NSE)નો ઈન્ડેક્સ નિફ્ટી પણ 216.95 પોઈન્ટ એટલે કે 0.91 ટકા વધીને 24,131.10 પર બંધ થયો હતો.