TCSના રોકાણકારોની લોટરી: નફામાં ઘટાડો છતાં કંપનીએ જાહેર કર્યું રૂપિયા 57નું બમ્પર ડિવિડન્ડ, જાણો વિગતો
છેલ્લું અપડેટ : 12 Jan 2026
TCS: દેશની સૌથી મોટી આઈટી કંપની, ટાટા કન્સલ્ટન્સી સર્વિસીસ (ટીસીએસ) એ ડિસેમ્બર 2025ના અંતે પૂરા થયેલા ત્રીજા ક્વાર્ટર માટે તેના પરિણામો જાહેર કર્યા છે. ગયા વર્ષના સમાન ક્વાર્ટરની સરખામણીમાં ચોખ્ખો નફો આશરે 14% ઘટીને ₹10,657 કરોડ થયો છે.
ગયા વર્ષે ઓક્ટોબરથી ડિસેમ્બરમાં કંપનીએ રૂ. 12380 કરોડ રૂપિયાનો નફો કર્યો હતો. તો સપ્ટેમ્બરના અંતે પૂરા થયેલા ત્રિમાસિક ગાળામાં આ આંકડો રૂ. 12075 કરોડ હતો. આ ઉપરાંત, ટીસીએસએ તેના શેરધારકોને એક મહત્વપૂર્ણ ભેટ પણ આપી છે. કંપનીએ પ્રતિ શેર ₹11ના વચગાળાના ડિવિડન્ડ અને પ્રતિ શેર ₹46ના ખાસ ડિવિડન્ડને મંજૂરી આપી છે, જેનો અર્થ છે કે રોકાણકારોને પ્રતિ શેર કુલ ₹57ની ચુકવણી મળશે.
આવકમાં સારી વૃદ્ધિ, મજબૂત ઓપરેટિંગ માર્જિન
ઉજ્જવળ બાજુએ, કંપનીની કામગીરીમાંથી આવક વધીને ₹67,087 કરોડ થઈ છે, જે ગયા વર્ષના સમાન ક્વાર્ટરમાં ₹63,973 કરોડથી આશરે 5% વધુ છે.
ઓપરેટિગ પ્રોફીટ માર્જિન, અથવા ટકાવારી તરીકે કાર્યકારી નફો, 25.2 ટકા પર સ્થિર રહ્યો, જે સપ્ટેમ્બર ક્વાર્ટરમાં સમાન હતો અને એક વર્ષ પહેલાના ક્વાર્ટરમાં 24.5 ટકા કરતા વધુ સારો હતો.
એઆઈ બિઝનેસમાં વૃદ્ધિ મજબૂત રહી છે, નવા સોદા પણ મજબૂત રહ્યા છે. કંપનીના સીઈઓ અને એમડી કે. કૃતિવાસને જણાવ્યું હતું કે સપ્ટેમ્બર ક્વાર્ટરમાં જોવા મળેલી વૃદ્ધિની ગતિ ડિસેમ્બરમાં પણ ચાલુ રહી. કંપનીએ તેના આર્ટિફિશિયલ ઇન્ટેલિજન્સ વ્યવસાયમાં ખાસ કરીને સારું પ્રદર્શન કર્યું. એઆઇથી થનારી આવક 17 ટકા વધીને 1.8 અબજ ડોલર એટલે કે લગભગ રૂ. 15000 કરોડે પહોંચી ગઇ છે. આ ઉપરાંત કંપનીએ આ ત્રિમાસિક ગાળામાં 9.3 અબજ ડોલરના નવા કોન્ટ્રાક્ટ્સ મેળવ્યા છે.
પરિણામો પછી, સોમવારે બીએસઇપર ટીસીએસના શેર 0.86 ટકા વધીને રૂ. 3,235.70 પર બંધ થયા.
