નેટ ડાયરેક્ટ કલેક્શનમાં મજબૂત વધારો, 19.54 ટકા વધીને થયો 5.74 લાખ કરોડ

ચાલુ નાણાકીય વર્ષમાં અત્યાર સુધીમાં નેટ ડાયરેક્ટ કલેક્શન 19.54 ટકા વધીને રૂ. 5.74 લાખ કરોડથી વધુ થયું છે. કોર્પોરેટ કંપનીઓ દ્વારા વધુ એડવાન્સ ટેક્સ ભરવાના કારણે આ વધારો થયો છે.

એડવાન્સ ટેક્સનો પ્રથમ હપ્તો (15 જૂન સુધી) 27.34 ટકા વધીને રૂ. 1.48 લાખ કરોડ થયો છે. તેમાં રૂ. 1.14 લાખ કરોડનો કોર્પોરેશન ઈન્કમ ટેક્સ (સીઆઇટી) અને રૂ. 34,470 કરોડનો પર્સનલ ઈન્કમ ટેક્સ (પીઆઇએલ) સામેલ છે.

સેન્ટ્રલ બોર્ડ ઓફ ડાયરેક્ટ ટેક્સિસ (સીબીડીટી) દ્વારા શનિવારે જારી કરાયેલા ડેટા અનુસાર, 11 જુલાઈ, 2024 સુધીમાં રૂ. 5,74,357 કરોડના નેટ ડાયરેક્ટ ટેક્સ કલેક્શનમાં રૂ. 2,10,274 કરોડની સીઆઇટી  અને રૂ. 3,46,036 કરોડની પીઆઇટી  સામેલ છે. . તે જ સમયે, સિક્યોરિટીઝ ટ્રાન્ઝેક્શન ટેક્સ (એસટીટી) એ ડાયરેક્ટ ટેક્સ કલેક્શનમાં રૂ. 16,634 કરોડનું યોગદાન આપ્યું હતું.

તમને જણાવી દઈએ કે ગયા વર્ષના સમાન સમયગાળામાં નેટ ડાયરેક્ટ ટેક્સ કલેક્શન 4,80,458 કરોડ રૂપિયા હતું. નાણાકીય વર્ષ 2024-25માં 11 જુલાઈ સુધી રૂ. 70,902 કરોડના રિફંડ પણ જારી કરવામાં આવ્યા છે, જે ગયા વર્ષના સમાન સમયગાળા દરમિયાન જારી કરાયેલા રિફંડ કરતાં 64.4 ટકા વધુ છે.

એપ્રિલ-જુલાઈ 11 દરમિયાન ડાયરેક્ટ ટેક્સની કુલ વસૂલાત (રિફંડ માટે એડજસ્ટમેન્ટ પહેલાં) 23.24 ટકાની વૃદ્ધિ દર્શાવે છે, જે અગાઉના વર્ષના સમાન ગાળામાં રૂ. 5.23 લાખ કરોડની સરખામણીએ રૂ. 6.45 લાખ કરોડ હતી.