સપ્તાહના છેલ્લા દિવસે બજારમાં તેજી, સેન્સેક્સ-નિફ્ટી લગભગ 1% ના વધારા સાથે બંધ થયા

એશિયન બજારોમાંથી મજબૂત સંકેતો મળતા ભારતીય શેરબજારના મુખ્ય બેન્ચમાર્ક સૂચકાંકો નિફ્ટી-50 અને સેન્સેક્સ શુક્રવારે (23 મે) ફ્લેટ સ્તરે ખુલ્યા પછી લગભગ 1% વધીને બંધ થયા. રિલાયન્સ, એચડીએફસી અને ઇન્ફોર્મેશન ટેકનોલોજી અને કન્ઝ્યુમર શેરોમાં થયેલા વધારાથી બજારને વેગ મળ્યો. ૩૦ શેરોવાળો બીએસઈ સેન્સેક્સ આજે ૮૦,૮૯૭ પોઈન્ટના ઘટાડા સાથે ખુલ્યો. ટ્રેડિંગ દરમિયાન તે ૮૧,૯૦૫.૧૭ પોઈન્ટ પર પહોંચી ગયો હતો. તે અંતે ૭૬૯.૦૯ પોઈન્ટ અથવા ૦.૯૫% વધીને ૮૧,૭૨૧.૦૮ પર બંધ થયો. સન ફાર્મા સિવાય, સેન્સેક્સની બધી 29 કંપનીઓ લીલા નિશાનમાં જળવાઇ  રહી.

બજાર ખૂલતા વેંત આજે તેજીનું સેન્ટિમેન્ટ જોવા મળ્યું હતું. એશિયન બજારોમાં વ્યાપક મજબૂતાઈ વચ્ચે ભારતીય બેન્ચમાર્ક સૂચકાંકોમાં વધારો થયો. શુક્રવારના બજારમાં તેજીમાં, બીએસઇ  પર લિસ્ટેડ બધી કંપનીઓનું બજાર મૂડીકરણ 3 લાખ કરોડ રૂપિયા વધીને 442.46 લાખ કરોડ રૂપિયા થયું.

તેવી જ રીતે, નેશનલ સ્ટોક એક્સચેન્જ (એનએસઇ) નો નિફ્ટી-50 પણ 24,639.50 પોઈન્ટના સ્તરે ફ્લેટ ખુલ્યો. પાછળથી, તેમાં વધારો જોવા મળ્યો. ટ્રેડિંગ દરમિયાન તે 24,909.05 પોઈન્ટ સુધી વધી ગયો હતો. તે અંતે 243.45 પોઈન્ટ અથવા 0.99% વધીને 24,853.15 પર બંધ થયો.

નિફ્ટી એફએમસીજી સૌથી વધારે વધ્યો
વ્યાપક બજારમાં, નિફ્ટી મિડકેપ 100 અને નિફ્ટી સ્મોલકેપ 100 ઇન્ડેક્સ અનુક્રમે 0.64 ટકા અને 0.80 ટકાના વધારા સાથે બંધ થયા. ક્ષેત્રીય મોરચે, નિફ્ટી એફએમસીજી  અને ખાનગી બેંક સૂચકાંકોએ અન્ય સૂચકાંકો કરતાં વધુ સારો દેખાવ કર્યો. તેઓ અનુક્રમે ૧.૬૩ ટકા અને ૧.૦૮ ટકાથી વધુના વધારા સાથે બંધ થયા.

આઇટી, નાણાકીય સેવાઓ, ધાતુઓ, પીએસયુ બેંકો, તેલ અને ગેસ અને રિયલ્ટીમાં પણ વધારો થયો. ૦.૯૫ ટકા સુધીનો વધારો થયો હતો.

ટોપ ગેઇનર્સ શેરો
સન ફાર્મા (૧.૮૪ ટકા ઘટ્યો) સિવાય, સેન્સેક્સના અન્ય ૨૯ શેરોમાં ઉછાળો જોવા મળ્યો. આમાં, ઇટરનલ, પાવર ગ્રીડ, આઇટીસી, બજાજ ફિનસર્વ અને નેસ્લે ઇન્ડિયાના શેરમાં 3.51 ટકાથી 1.83 ટકા સુધીનો વધારો નોંધાયો હતો.

નિફ્ટી ૫૦ ઇન્ડેક્સ સ્ટોક્સ
આજના બજારમાં, નિફ્ટી ૫૦ પેકમાંથી ઇટરનલ, એચડીએફસી લાઇફ, જિયો ફાઇનાન્શિયલ સર્વિસ, પાવર ગ્રીડ, આઇટીસી, એસબીઆઇ લાઇફ, એક્સિસ બેંકના શેર ટોપ ગેનર્સની યાદીમાં હતા. નિફ્ટી ૫૦ માં સન ફાર્મા અને ગ્રાસિમ ઇન્ડસ્ટ્રીઝના શેર સૌથી વધુ ઘટ્યા હતા. નબળા નાણાકીય પરિણામોને કારણે સન ફાર્મામાં વેચવાલી જોવા મળી અને શેર ૨.૫૦% ઘટીને બંધ થયો.

આજની તેજીનું કારણ
બજાર માટે કોઈ સ્થાનિક ટ્રિગર નથી, તેમ છતાં વિશ્લેષકો માને છે કે સકારાત્મક વૈશ્વિક સેન્ટિમેન્ટ વચ્ચે "બાય-ઓન-ડિપ્સ"  એટલે કે ઘટાડે ખરીદોની વ્યૂહરચના દ્વારા તેજી ચલાવવામાં આવી હતી. વેચવાલી બાદ ડીલના કારણે  યુએસ ટ્રેઝરી યીલ્ડમાં ઘટાડો થયો, જેના કારણે ઉભરતા બજારો પર દબાણ ઓછું થયું.

શુક્રવારે બજારમાં સુધારો થવા  છતાં, સેન્સેક્સ અને નિફ્ટી બંને અઠવાડિયા દરમિયાન લગભગ 1% ઘટ્યા હતા. તેનો અર્થ એ કે બજારમાં સાપ્તાહિક ઘટાડો થયો હતો.

ગુરુવારે શેરબજારની ચાલ કેવી રહી?

વૈશ્વિક બજારોમાં નબળા વલણ વચ્ચે ગુરુવારે (22 મે) ભારતીય શેરબજાર લાલ નિશાનમાં બંધ થયા હતાં. ૩૦ શેરો વાળા બીએસઈ સેન્સેક્સ ૬૪૪.૬૪ પોઈન્ટ અથવા ૦.૭૯% ઘટીને ૮૦,૯૫૧.૯૯ પર બંધ થયા. એ જ રીતે, નેશનલ સ્ટોક એક્સચેન્જ (એનએસઇ) નિફ્ટી-50 પણ 203.75 પોઈન્ટ અથવા 0.82 ટકા ઘટીને 24,609.70 પર બંધ થયો.

એશિયાઇ બજારોમાં આજે  શું સ્થિતિ હતી?
શુક્રવારે એશિયન બજારો ઊંચા મથાળે ખુલ્યા. રોકાણકારોએ સમગ્ર પ્રદેશના આર્થિક ડેટાની સમીક્ષા કરી. જાપાનના નિક્કી ઇન્ડેક્સમાં 0.80 ટકાનો વધારો નોંધાયો. જ્યારે વ્યાપક ટોપિક્સ ઇન્ડેક્સ 0.71 ટકા વધ્યો હતો. કોસ્પી 0.12 ટકા વધ્યો અને ASX 200 0.36 ટકા વધ્યો.

એપ્રિલ મહિનામાં જાપાનમાં મુખ્ય ફુગાવો વધીને 3.5 ટકા થયો. આનું એક મુખ્ય કારણ ચોખાના ભાવમાં વધારો હતો. આ આંકડો શુક્રવારે સરકારે જાહેર કર્યો હતો. આ ડેટા બેંક ઓફ જાપાનની નાણાકીય નીતિને વધુ જટિલ બનાવી શકે છે. હાલના યુએસ ટેરિફની અસર વચ્ચે તેઓ દરોમાં સંભવિત વિરામ પર વિચાર કરી રહ્યા છે.

યુએસ બજારોમાંથી કયા સંકેતો મળી રહ્યા છે?
ગુરુવારે યુએસ શેરબજાર મિશ્ર વલણ સાથે બંધ થયા. વધતા વ્યાજ દરો અને ફેડરલ ખાધમાં વધારો થવાની ચિંતા રોકાણકારોના સેન્ટિમેન્ટ પર અસર કરે છે.  ૩૦ વર્ષની ટ્રેઝરી યીલ્ડ ૨૦૨૩ પછીના સર્વોચ્ચ સ્તરે પહોંચી ગઈ. જ્યારે એક બિલ પસાર થયું જે બજારોમાં એવી આશંકા હતી કે તે અમેરિકાની રાજકોષીય ખાધમાં વધુ વધારો કરી શકે છે.

ડાઉ જોન્સ ૧.૩૫ પોઈન્ટ ઘટીને ૪૧,૮૫૯.૦૯ પર બંધ થયો. S&P 500 0.04 ટકા ઘટીને 5,842.01 પર બંધ રહ્યો, જ્યારે નાસ્ડેક કોમ્પોઝિટ 0.28 ટકા વધીને 18,925.73 પર બંધ રહ્યો.