શેરબજારમાં વેચવાલીનું દબાણ અને વૈશ્વિક બજારના મિશ્ર સંકેતોની વચ્ચે સેન્સેક્સ અને નિફ્ટીમાં મોટો ઘટાડો

ભારતીય શેરબજારમાં બુધવારે ઉતાર-ચઢાવ જોવા મળ્યો હતો અને મુખ્ય સૂચકાંકો બીએસઇ સેન્સેક્સ અને એનએસઇ નિફ્ટી બે દિવસના ઉછાળા પછી નુકસાન સાથે બંધ થયા હતા. મિશ્ર વૈશ્વિક સંકેતો વચ્ચે બીએસઇ સેન્સેક્સ 426.85 પોઈન્ટ્સ અથવા 0.53 ટકા ઘટીને 79,942.18 પર બંધ થયો હતો, જ્યારે નિફ્ટી 125.99 પોઈન્ટ્સ અથવા 0.51 ટકા ઘટીને 24,340.85 પર બંધ થયો હતો.

નિફ્ટીના 50 શેરોમાંથી 31 શેરો લાલ નિશાનમાં એટલે કે ઘટાડે બંધ રહ્યા હતાં, જેમાં શ્રીરામ ફાઇનાન્સ, ઇન્ફોસિસ, એચડીએફસી લાઇફ અને ટ્રેન્ટમાં સૌથી વધારે ઘટાડો નોંધાયો હતો. આ શેર્સમાં ઘટાડો 4.03 ટકા સુધી હતો. બીજી તરફ અદાણી એન્ટરપ્રાઈઝ, ટાટા કન્ઝ્યુમર પ્રોડક્ટ્સ, હીરો મોટોકોર્પ, બ્રિટાનિયા ઈન્ડસ્ટ્રીઝ અને મારુતિ સુઝુકી ઈન્ડિયા જેવા 19 શેરો 3.74 ટકા સુધીના વધારા સાથે લીલા નિશાનમાં બંધ થયા હતા.

નિફ્ટી સ્મોલકેપ 200 ઇન્ડેક્સ 1.05 ટકાના વધારા સાથે સ્મોલ-કેપ શેરોએ પ્રમાણમાં સારું પ્રદર્શન કર્યું હતું, જ્યારે નિફ્ટી મિડકેપ 100 ઇન્ડેક્સ 0.16 ટકાથી નજીવો નીચો બંધ રહ્યો હતો. ક્ષેત્રીય સૂચકાંકોની વાત કરીએ તો, એફએમસીજી, મીડિયા, મેટલ અને કેટલાક હેલ્થકેર સૂચકાંકો સિવાય, અન્ય તમામ ક્ષેત્રોમાં ઘટાડો જોવા મળ્યો હતો.

આજના ટોપ ગેઇનર્સ 

બુધવારે મારુતિ સુઝુકીના શેરોમાં સૌથી વધાે એટલે કે બે ટકાનો ઉછાળો આવ્યો છે.  જે બાદ તે રૂ.11,256 પર બંધ થયો હતો. આ પછી ઇન્ડસઇન્ડ બેન્કના શેર 1.76% વધીને રૂ.1,056ના સ્તરે બંધ થયા છે. તે જ સમયે, અદાણી પોર્ટ્સ સેઝમાં 1.72%નો ઉછાળો આવ્યો છે, જે પછી તે રૂ. 1,396ના સ્તરે બંધ થયો છે. આ સિવાય અલ્ટ્રાટેક સિમેન્ટ અનુક્રમે 0.84% ​​અને એલ એન્ડ ટી 0.82%ના ઉછાળા સાથે રૂ.11,205 અને રૂ.3,408 પર બંધ રહ્યો હતો.

આજના ટોપ લૂઝર્સ

આઈટી સેક્ટરમાં ભારે ઘટાડાથી આઈટી શેરોમાં સૌથી વધુ ઘટાડો થયો છે. ઇન્ફોસિસનો શેર 2.03% ઘટીને રૂ. 1,802 પર બંધ થયો હતો, જ્યારે એચસીએલ ટેકનો શેર 1.77% ઘટીને રૂ. 1,839 પર બંધ થયો હતો. આ પછી, આઇસીઆઇસીઆઇ  બેન્ક 1.48% ઘટીને 1,312ના સ્તરે બંધ થયો, જ્યારે કોટક બેન્કનો શેર 1.46% નબળો પડીને 1,735 પર બંધ થયો.

સેક્ટરલ ઇન્ડેક્સની સ્થિતિ

આજે સેક્ટોરલ ઈન્ડેક્સમાં સૌથી ઉપર  નિફ્ટી મીડિયા 2.34 ટકાના વધારા સાથે 1,983ના સ્તરે બંધ રહ્યો હતો. નિફ્ટી ઑટો 0.02%ના વધારાની સાથે 23,594ના સ્તર પર બંધ થયા છે. તે જ સમયે, નિફ્ટી IT 0.86% ઘટીને 41,669ના સ્તર પર બંધ થયો. નિફ્ટી બેન્ક 0.98% ઘટીને 51,808ના સ્તર પર બંધ થયો. નિફ્ટી ફાર્મા 1 ટકાના ઘટાડા બાદ 22,375 ના સ્તર પર બંધ થયો હતો.

એલકેપી સિક્યોરિટીઝના સિનિયર ટેકનિકલ એનાલિસ્ટ રૂપક ડેના જણાવ્યા અનુસાર, “નિફ્ટી બુધવારે આખો દિવસ અસ્થિર રહ્યો હતો અને 24,300 થી 24,500ની રેન્જમાં ટ્રેડ થયો હતો. કલાક દીઠ ચાર્ટ પર, નિફ્ટીને 50 ઇએમએ નજીક પ્રતિકારનો સામનો કરવો પડ્યો, જેના કારણે તે 24,300 સુધી ગબડી ગયો. જ્યાં સુધી નિફ્ટી 24,250 થી 24,500ની રેન્જમાં રહેશે ત્યાં સુધી બજારનું સેન્ટિમેન્ટ તટસ્થ રહી શકે છે. આ રેન્જમાંથી નિર્ણાયક બ્રેકઆઉટ નિફ્ટીને નવી દિશા આપશે.”

રેલિગેર બ્રોકિંગના એસવીપી રિસર્ચ અજિત મિશ્રાએ જણાવ્યું હતું કે, “બજાર આજે અસ્થિર રહ્યું હતું અને મિશ્ર સંકેતો વચ્ચે લગભગ અડધા ટકા નીચામાં બંધ થયું હતું. શરૂઆતના ઘટાડા પછી નિફ્ટી સાંકડી રેન્જમાં રહીને નીચલા સ્તરની નજીક બંધ રહ્યો હતો. એફએમસીજી સિવાય, અન્ય ક્ષેત્રોમાં ઘટાડો જોવા મળ્યો હતો, જેમાં બેન્કિંગ, ફાર્મા અને આઈટીને સૌથી વધુ નુકસાન થયું હતું. "જો કે, સ્મોલ-કેપ ઇન્ડેક્સ એક ટકાથી વધુ વધ્યો છે."

તેમણે વધુમાં જણાવ્યું હતું કે, “નિફ્ટી છેલ્લા ત્રણ સત્રોથી 24,500ના પ્રતિકારને પાર કરવામાં અસમર્થ છે. મોટી કંપનીઓમાં મિશ્ર વલણને કારણે આ સ્તર તોડી શકાયું નથી. અમે રોકાણકારોને ભલામણ કરીએ છીએ કે તેઓ આ સ્તરથી ઉપર બ્રેકઆઉટ મેળવવા બેન્કિંગ અને આઇટી ક્ષેત્રના અગ્રણી શેરો પર ધ્યાન કેન્દ્રિત કરે. નહિંતર, બજાર સ્થિર રહેશે. "તે દરમિયાન, વેપારીઓએ હેજ્ડ વ્યૂહરચના અપનાવવી જોઈએ અને કાળજીપૂર્વક પસંદ કરેલા શેરોમાં રોકાણ કરવાનું પસંદ કરવું જોઈએ."