Stock Market Update: વૈશ્વિક અનિશ્ચિતતા છતાં ભારતીય બજાર મજબૂત, રિલાયન્સ અને L&Tએ તેજીને આપ્યો ટેકો
છેલ્લું અપડેટ : 20 Feb 2026
Stock Market Update: એશિયન બજારોના મિશ્ર વલણો વચ્ચે, શુક્રવારે (20 ફેબ્રુઆરી) ભારતીય શેરબજારો સપ્તાહના છેલ્લા ટ્રેડિંગ સત્રમાં ઊંચા સ્તરે બંધ થયા. પાછલા દિવસે તીવ્ર ઘટાડા બાદ, બજારમાં નીચા સ્તરે ખરીદી જોવા મળી. પીએસયુ બેંક અને મેટલ શેરોમાં તેજીએ બજારને ઉંચુ ખેંચ્યું. ઈન્ડેક્સ હેવીવેઇટ એલ એન્ડ ટી અને રિલાયન્સ ઈન્ડસ્ટ્રીઝમાં તેજીએ પણ ટેકો પૂરો પાડ્યો, જ્યારે આઇટી શેરોમાં દબાણે તેજીને મર્યાદિત કરી.
શરૂઆતમાં બજારમાં લગભગ 0.8%નો વધારો થયો હતો, પરંતુ રોકાણકારોએ ઊંચા સ્તરે નફો બુક કરવાનું શરૂ કર્યું. જેમ જેમ દિવસ આગળ વધતો ગયો તેમ તેમ વેચાણ વધુ તીવ્ર બન્યું અને સેન્સેક્સ તેના ઈન્ટ્રાડે ઉચ્ચતમ સ્તરથી લગભગ 400 પોઈન્ટ નીચે ગયો. આનો અર્થ એ થયો કે બજારની તેજી પછી પ્રોફિટ બુકિંગ સ્પષ્ટ હતું. બપોરે 1:16 વાગ્યાની આસપાસ, સેન્સેક્સ 238 પોઈન્ટ વધીને 82,736 પર ટ્રેડ કરી રહ્યો હતો, અને નિફ્ટી 94 પોઈન્ટ વધીને 25,548 પર ટ્રેડ કરી રહ્યો હતો. સેન્સેક્સ દિવસ માટે 83,132ની ઊંચી સપાટીએ પહોંચ્યો હતો, જ્યારે નિફ્ટી 25,663 પર ચઢી ગયો હતો. માર્કેટ બ્રેડ્થ પણ નબળી હતી - લગભગ 1,800 શેર વધ્યા હતા જ્યારે લગભગ 1,900 શેર ઘટ્યા હતા. પરંતુ દિવસભરની અસ્થિરતા કે વોલેટાલિટી બાદ શેરબજાર વધારા સાથે બંધ થયું.
30 શેરો ધરાવતો બીએસઈ સેન્સેક્સ 82,272 પર ખુલ્યો. ફ્લેટ ઓપનિંગ પછી, બપોરે 600 પોઈન્ટ વધ્યો અને અંતે 316.57 પોઈન્ટ અથવા 0.38 ટકાના વધારા સાથે 82,814.71 પર બંધ થયો.
એ જ રીતે, નેશનલ સ્ટોક એક્સચેન્જનો નિફ્ટી 50 25,406 પર નીચા સ્તરે ખુલ્યો. જોકે, ખુલ્યા પછી ઈન્ડેક્સ થોડો વધ્યો અને ટ્રેડિંગ દરમિયાન 25,663 પર પહોંચ્યો. તે અંતે 116.90 પોઈન્ટ અથવા 0.46 ટકાના વધારા સાથે 25,571 પર બંધ થયો.
એનરિચ મનીના સીઈઓ પોનમુડી આરએ જણાવ્યું હતું કે, "દિવસની અસ્થિર શરૂઆત પછી, ભારતીય શેરબજારમાં મજબૂત વાપસી જોવા મળી. પાવર, મેટલ, જાહેર ક્ષેત્રની બેંક, મૂડી માલ, એફએમસીજી અને નાણાકીય શેરોમાં ખરીદી વધવાથી બજારના સેન્ટિમેન્ટમાં સુધારો થયો છે.
દિવસભર, રોકાણકારોએ સારી કંપનીઓના શેર ઓછા ભાવે ખરીદ્યા, જેનાથી શરૂઆતની નરમાઈ સરભર થઈ ગઈ. તેમણે કહ્યું, "જોકે, અમેરિકા અને ઈરાન વચ્ચે ચાલી રહેલા તણાવ અને વૈશ્વિક બજારોમાંથી મિશ્ર સંકેતો નજીકના ભવિષ્ય માટે સાવચેતીભર્યું ભવિષ્ય બનાવી રહ્યા છે. જ્યારે દિવસ દરમિયાન બજાર સુધર્યું, નીચા સ્તરે ખરીદી અને કેટલાક ક્ષેત્રીય લાભોને કારણે,જોકે, ટ્રેડિંગ શ્રેણીબદ્ધ અને અસ્થિર રહે છે. બજાર વધુ પ્રગતિ માટે સ્પષ્ટ હકારાત્મક સંકેતોની રાહ જોઈ રહ્યું છે."
ટોપ ગેનર્સ અને લૂઝર્સ
સેન્સેક્સના ટોચના શેરોમાં, એનટીપીસી, એલ&ટી, એચયુએલ, પાવર ગ્રીડ અને ટાટા સ્ટીલ સૌથી વધુ 2.6 ટકા સુધી વધ્યા હતા. દરમિયાન, ટેક મહિન્દ્રા, એટરનલ, ઇન્ફોસિસ, એચસીએલ ટેક અને ભારતી એરટેલ 1.7 ટકા સુધી ઘટ્યા હતા.બ્રોડર માર્કેટમાં એટલે કે વ્યાપક બજારમાં, નિફ્ટી મિડકેપ 100 0.48% વધીને બંધ થયો, જ્યારે નિફ્ટી સ્મોલકેપ ઈન્ડેક્સ 0.11% ઘટ્યો. ક્ષેત્રીય રીતે, નિફ્ટી પીએસયુ બેંક અને મેટલ ઇન્ડેક્સ 1% થી વધુ વધ્યા. એફએમસીજી, ખાનગી બેંકો, તેલ અને ગેસ અને ઓટો ક્ષેત્રોમાં પણ વધારો જોવા મળ્યો. જોકે, નિફ્ટી આઈટી ઈન્ડેક્સમાં લગભગ 1% ઘટાડો થયો.
વૈશ્વિક બજારો જાપાનનો નિક્કી 225 1%થી વધુ ઘટ્યો, જ્યારે દક્ષિણ કોરિયાનો કોસ્પી 1% થી વધુ વધ્યો. શુક્રવારે ચંદ્ર નવા વર્ષની રજાઓ માટે મુખ્ય ભૂમિ ચીનના બજારો બંધ હતા. શુક્રવારે સવારે એશિયા-પેસિફિક ક્ષેત્રના બજારોમાં મિશ્ર વલણ જોવા મળ્યું કારણ કે વેપારીઓએ યુનાઇટેડ સ્ટેટ્સ અને ઈરાન વચ્ચે વધતા ભૂ-રાજકીય તણાવનું મૂલ્યાંકન કર્યું હતું.
મધ્ય પૂર્વમાં વધતા તણાવને કારણે વેચવાલી વધી હોવાથી યુએસ સ્ટોક ઈન્ડેક્સ નીચા સ્તરે બંધ થયા. રોકાણકારો જોખમી સંપત્તિઓથી દૂર રહ્યા. બજારનો ભય વધ્યો કે યુએસ આ પ્રદેશમાં લશ્કરી કાર્યવાહી કરી શકે છે, જેના કારણે ખાનગી ક્રેડિટ-સંબંધિત શેરોમાં નોંધપાત્ર ઘટાડો થયો.
અમેરિકાના રાષ્ટ્રપતિ ડોનાલ્ડ ટ્રમ્પે કહ્યું કે ઈરાન પાસે તેના પરમાણુ કાર્યક્રમ પર સમાધાન કરવા માટે 10-15 દિવસનો સમય છે. અહેવાલો અનુસાર, તેઓ આ સમયગાળામાં નિર્ણય લેશે કે ઈરાન સામે લશ્કરી કાર્યવાહી કરવી કે નહીં. S&P 500 અને ડાઉ જોન્સ ઈન્ડસ્ટ્રિયલ એવરેજ અનુક્રમે 0.28 ટકા અને 0.54 ટકા ઘટીને બંધ થયા. ગુરુવારે નાસ્ડેક કમ્પોઝિટ પણ 0.31 ટકા ઘટીને બંધ થયો
