HDFC બેંક અને મહિન્દ્રામાં તેજીને લીધે બજાર ઉંચકાયું, સેન્સેક્સ 295 પોઈન્ટ વધ્યો; નિફ્ટી 24,461 પર બંધ

સોમવારે (૫ મે) ના રોજ વૈશ્વિક બજારોના મિશ્ર વલણ વચ્ચે સ્થાનિક શેરબજાર ઊંચા સ્તરે બંધ થયું. એચડીએફસી બેંક, મહિન્દ્રા એન્ડ મહિન્દ્રા અને અદાણી પોર્ટ્સના શેરોમાં થયેલા વધારાથી બજાર ઊંચું ગયું. વૈશ્વિક ટેરિફ તણાવમાં ઘટાડો, સ્થિર વિદેશી રોકાણ અને ક્રૂડ ઓઇલના ભાવમાં ઘટાડો થવાથી રોકાણકારોનો વિશ્વાસ વધ્યો અને બજારમાં ખરીદી વધી. એચડીએફસી  બેંક અને રિલાયન્સ ઇન્ડસ્ટ્રીઝ લિમિટેડ  જેવા મુખ્ય ઇન્ડેક્સ હેવીવેઇટ શેરોએ બજારને તેજીમાં રાખ્યું.

૩૦ શેરોવાળો બીએસઈ સેન્સેક્સ આજે ૮૦,૬૬૧.૬૨ પોઈન્ટ પર મજબૂતાઈથી ખુલ્યો. દિવસ દરમિયાન તે ૮૧,૦૪૯.૦૩ પોઈન્ટ પર પહોંચી ગયો હતો. તે અંતે 294.85 પોઈન્ટ અથવા 0.37 ટકા વધીને 80,796.84 પર બંધ થયો. બીએસઈ પર લિસ્ટેડ બધી કંપનીઓનું બજાર મૂડીકરણ રૂ. ૩.૯૭ લાખ કરોડ વધીને રૂ. ૪૨૭.૫૪ લાખ કરોડ થયું.

નેશનલ સ્ટોક એક્સચેન્જ (એનએસઇ) નો નિફ્ટી-50 આજે 24,419.50 પોઈન્ટ પર મજબૂત રીતે ખુલ્યો. ટ્રેડિંગ દરમિયાન તે 24,526.40 ની ઇન્ટ્રા-ડે ઊંચી સપાટીએ પહોંચ્યો. નિફ્ટી 114.45 પોઈન્ટ અથવા 0.47% ના વધારા સાથે 24,461.15 પર બંધ થયો. બ્રોડર માર્કેટ્સમાં પણ મજબૂત ગતિ જોવા મળી હતી, જેમાં નિફ્ટી સ્મોલકેપ અને મિડકેપ સૂચકાંકો અનુક્રમે 1% અને 1.8% વધ્યા હતા.

ટોપ ગેનર્સ 

અદાણી ગ્રુપના શેરમાં તીવ્ર વધારો જોવા મળ્યો અને તે 14% સુધી વધ્યો. અદાણી એન્ટરપ્રાઇઝના શેરમાં 7%નો ઉછાળો આવ્યો, જ્યારે અદાણી ટોટલ ગેસના શેરમાં 11%નો ઉછાળો આવ્યો. અન્ય ગ્રુપ કંપનીઓ - અદાણી પોર્ટ્સ, અદાણી પાવર, અદાણી એનર્જી સોલ્યુશન્સ અને અદાણી ગ્રીન એનર્જી ઓટોમેકરે વાર્ષિક ધોરણે સ્ટેન્ડઅલોન નફામાં 22% નો વધારો અને આવકમાં 24% નો વધારો નોંધાવ્યો છે, જે સ્ટ્રીટની અપેક્ષાઓ કરતાં ઘણો આગળ છે. આ પછી બજાજ ફિનસર્વ, મહિન્દ્રા એન્ડ મહિન્દ્રા, એટરનલ, આઇટીસી, પાવર ગ્રીડ કોર્પોરેશન અને ટાટા મોટર્સનો સમાવેશ થાય છે. 

બીજી તરફ, કોટક મહિન્દ્રા બેંકમાં 4.5 ટકાનો ઘટાડો થયો હતો. એસબીઆઇ, એક્સિસ બેંક, ટાઇટન અને આઇસીઆઇસીઆઇ બેંક અન્ય મોટા ઘટાડામાં હતા.

બ્રોડર ઇન્ડેક્સ બેન્ચમાર્ક ઇન્ડેક્સ કરતાં વધુ સારું પ્રદર્શન

જોકે સોમવારે બ્રોડર ઇન્ડેક્સે બેન્ચમાર્ક ઇન્ડેક્સ કરતાં વધારે સારું પ્રદર્શન કર્યું હતું.  બીએસઈ મિડકેપ ઇન્ડેક્સ ૧.૫ ટકા વધ્યો, જ્યારે સ્મોલકેપ ઇન્ડેક્સ ૧.૨ ટકા વધ્યો. એકંદરે, બજારની સ્થિતિ પણ ઘણી હકારાત્મક રહી. બીએસઈ પર લગભગ 2,600 શેર વધ્યા જ્યારે 1,450 શેર ઘટ્યા.