Business: પ્રોફીટ બૂકિંગના કારણે સેન્સેક્સ ઘટ્યો, કયા કારણથી બજાર પડ્યું
છેલ્લું અપડેટ : 25 Nov 2025
વૈશ્વિક બજારોમાં પોઝિટિવ રૂખ છતાં ભારતીય શેર બજારો સપાટ સ્તરે ખૂલ્યા હતાં. આઇટી શેરોમાં વેચવાલીનું દબાણ બજાર પર અસર કરી રહ્યું હતું. જોકે, જાહેર ક્ષેત્રના બેંક શેરમાં તેજીને ટેકો મળ્યો હતો. જોકે, અંતિમ કલાકમાં નફો લેવાથી બજારમાં ઘટાડો જોવા મળ્યો.
૩૦ શેરો ધરાવતો બીએસઈ સેન્સેક્સ ૧૦૦ પોઈન્ટ વધીને ૮૫,૦૦૮ પર ખુલ્યો. દિવસ દરમિયાન, તે ૮૫,૧૧૦ ના ઉચ્ચતમ સ્તર અને ૮૪,૫૩૬.૭૩ ના નીચલા સ્તરને સ્પર્શ્યો. અંતે તે ૩૧૩.૭૦ પોઈન્ટ અથવા ૦.૩૭ ટકા ઘટીને ૮૪,૫૮૭.૦૧ પર બંધ થયો.
તેવી જ રીતે, નેશનલ સ્ટોક એક્સચેન્જ (એનએસઇ) પર નિફ્ટી 50 25,998 પર ખુલ્યો. દિવસ દરમિયાન, તે 26,032.60 ની ઇન્ટ્રા-ડે હાઇ અને 25,857.50 ની ઇન્ટ્રા-ડે નીચી સપાટીએ પહોંચ્યો.
જિયોજિત ઇન્વેસ્ટમેન્ટ્સના રિસર્ચ હેડ વિનોદ નાયરે જણાવ્યું હતું કે, "માસિક સમાપ્તિના દિવસે સ્થાનિક બજારમાં તીવ્ર અસ્થિરતા જોવા મળી હતી. આનું કારણ રૂપિયામાં નબળાઈ અને એફઆઇઆઇ દ્વારા સતત વેચાણ હતું.
આગામી ફેડરલ રિઝર્વ બેઠકમાં સંભવિત વ્યાજ દર ઘટાડા અંગે સ્પષ્ટતા અને ભારત-અમેરિકા વેપાર સોદા પર પ્રગતિની રાહ જોઈ રહેલા રોકાણકારો સાવધ રહ્યા. જોકે, સુધારાના કેટલાક સંકેતો પણ દેખાઈ રહ્યા હતા. 26,000 ના સ્તરની નજીક વેચવાલીનું દબાણ દેખાઈ રહ્યું હતું.
પરંતુ મજબૂત ઘરેલુ માહોલમાં ખાસ કરીને છમાસિક કોર્પોરેટ પરિણામોમાં આવક સારી રહેવાની સંભાવનાઓ વચ્ચે આ ઘટાડો મર્યાદિત રહેવાની ધારણા છે. હોમ લોનની મજબૂત માંગ અને PSU બેંકોના વધતા બજાર હિસ્સાને કારણે પીએસયુ બેંક અને રિયલ એસ્ટેટ શેરોએ સારો દેખાવ કર્યો.
લૂઝર્સ અને ગેનર્સ
સેન્સેક્સ પેકમાં ટ્રેન્ટ, ટાટા મોટર્સ પીવી, એચસીએલ ટેક, ઇન્ફોસિસ અને પાવર ગ્રીડ સૌથી વધુ ઘટ્યા હતા. ભારત ઇલેક્ટ્રોનિક્સ, એસબીઆઈ, ટાટા સ્ટીલ અને એટરનલ સૌથી વધુ ઘટ્યા હતા.
ક્ષેત્રીય મોરચે, નિફ્ટી રિયલ્ટી અને નિફ્ટી પીએસયુ બેંકના શેર સૌથી વધુ વધ્યા હતા, જે અનુક્રમે ૧.૬૨ ટકા અને ૧.૪૪ ટકા વધ્યા હતા. આ દરમિયાન, નિફ્ટી આઈટી ૦.૫૭ ટકા અને નિફ્ટી મીડિયા ૦.૮ ટકા ઘટ્યા હતા.
વ્યાપક બજારે બેન્ચમાર્ક કરતાં વધુ સારો દેખાવ કર્યો. નિફ્ટી મિડકેપ 100 અને નિફ્ટી સ્મોલકેપ 100 સૂચકાંકો અનુક્રમે 0.36 ટકા અને 0.19 ટકા વધ્યા.
નિફ્ટી ૫૦ કંપનીઓમાં, હિન્દાલ્કોમાં સૌથી વધુ ૧.૯૦ ટકાનો વધારો જોવા મળ્યો. આ પછી, ભારત ઇલેક્ટ્રોનિક્સમાં 1.60 ટકા, એસબીઆઇમાં 1.34 ટકા, શ્રીરામ ફાઇનાન્સમાં 1.22 ટકા, એસબીઆઇ લાઇફમાં 0.81 ટકાનો વધારો જોવા મળ્યો. નિફ્ટી ૫૦ કંપનીઓમાં, અદાણી એન્ટરપ્રાઇઝિસને સૌથી વધુ નુકસાન થયું, જેમાં ૨.૭૭ ટકાનો ઘટાડો થયો. આ પછી, ટાટા મોટર્સ પીવી ૧.૬૪ ટકા, ટ્રેન્ટ ૧.૫૬ ટકા, ઇન્ફોસિસ ૧.૧૩ ટકા, એચડીએફસી બેંક ૦.૯૪ ટકા ઘટ્યા.
વૈશ્વિક બજારો
મંગળવારે એશિયાઇ બજારો સુધારા સાથે ખૂલ્યા હતાં. વોલ સ્ટ્રીટના ટેકનોલોજી શેરોમાં આવેલી રિકવરી અને અમેરિકી ફેડરલ રિઝર્વ દરોમાં ઘટાડાની વધી રહેલી આશાઓ વચ્ચે રોકાણકારોનું સેન્ટિમેન્ટ મજબુત બન્યું હતું. મંગળવારે જાપાનનો નિક્કી 225 0.65% વધ્યો. દક્ષિણ કોરિયાનો કોસ્પી 0.75% વધ્યો. મુખ્ય એશિયન સૂચકાંકો પણ લીલા નિશાનમાં હતા.
વોલ સ્ટ્રીટ પર એસએન્ડપી 500 ઇન્ડેક્સે છ સપ્તાહનું સૌથી સારુ દ્રદર્શન નોંધાવ્યું હતું. જ્યારે દર ઘટાડાની અપેક્ષાઓએ બજારોને વેગ આપ્યો. બ્લૂમબર્ગના મતે, ડિસેમ્બરમાં ફેડ દ્વારા દરોમાં ઘટાડાની શક્યતા 70 ટકાથી વધુ હોવાનો અંદાજ મની માર્કેટ લગાવી રહ્યા છે. એસ& પી 500 અને નાસ્ડેક અનુક્રમે 1.55 ટકા અને 2.69 ટકા વધીને બંધ થયા હતાં.