OYOએ પોતાના નિયમોમાં કર્યા મોટા ફેરફાર, હોટેલમાં અપરિણીત યુગલોના પ્રવેશ પર પ્રતિબંધ

OYO ની મદદથી, ભારતના કોઈપણ શહેરમાં સસ્તી હોટેલ શોધવી અને ત્યાં રોકાવું સરળ બની ગયું છે. પરંતુ કંપનીએ નવા વર્ષ 2025માં પોતાના નિયમોમાં મોટો ફેરફાર કર્યો છે અને અપરિણીત યુગલોના પ્રવેશ પર પ્રતિબંધ લગાવવાનો નિર્ણય કર્યો છે. અત્યાર સુધી ઓયોમાં કપલ્સ સરળતાથી રૂમ મેળવી શકતા હતા, પરંતુ કંપનીએ હવે તેના પર પ્રતિબંધ લગાવી દીધો છે. આ નવીનતમ ફેરફાર ઉત્તર પ્રદેશના મેરઠ શહેરમાંથી લાગુ કરવામાં આવી રહ્યો છે.

આ પણ વાંચો: બેંકના બચત ખાતા પર 7% થી 9% વ્યાજ મળશે, જુઓ સંપૂર્ણ માહિતી

નવા નિયમો મેરઠથી શરૂ થશે

બિઝનેસ ટુડે પર પ્રકાશિત પીટીઆઈના અહેવાલમાં જણાવાયું છે કે OYOએ એક મોટી જાહેરાત કરી છે અને હવે તેની સાથે સંકળાયેલી હોટલોમાં અપરિણીત યુગલોના પ્રવેશ પર પ્રતિબંધ મૂકવાનો નિર્ણય લીધો છે. મતલબ, જો કોઈ કપલ ઓયો હોટેલમાં રૂમ બુક કરાવવા માંગે છે, તો તેમણે તેમના લગ્નનો પુરાવો અથવા સંબંધનો પુરાવો રજૂ કરવો પડશે. ટ્રાવેલ એન્ડ હોસ્પિટાલિટી પ્લેટફોર્મ ઓયો દ્વારા લાવવામાં આવેલા અપરિણીત યુગલોના ચેક-ઈન પર પ્રતિબંધનો નવો નિયમ આ વર્ષે લાગુ કરવામાં આવશે અને તેની શરૂઆત મેરઠથી થઈ રહી છે અને શહેરમાં ઓયો સાથે જોડાયેલ હોટેલોને આ નિયમનો તાત્કાલિક અમલ કરવાની સૂચના આપવામાં આવી છે.

આ પણ વાંચો: શું તમે દીકરીના ઉચ્ચ શિક્ષણ અને લગ્નના ખર્ચાને લઈ ચિંતિત છો? SSYની મદદથી આ રીતે બનાવો 70 લાખ રૂપિયાનું ફંડ

યુગલે સંબંધનો પુરાવો આપવો પડશે

OYO ની અપડેટ કરેલી માર્ગદર્શિકા સ્પષ્ટપણે જણાવે છે કે ઓનલાઈન બુકિંગ કરનારા સહિત તમામ યુગલોએ હવે ચેક-ઈન સમયે તેમના સંબંધનો માન્ય પુરાવો રજૂ કરવો પડશે. આ સાથે રિપોર્ટમાં સૂત્રોને ટાંકીને એમ પણ કહેવામાં આવ્યું છે કે કંપની મેરઠમાં આ નિયમ લાગુ કર્યા બાદ તેના ફીડબેક અને અસરકારકતાના આધારે અન્ય શહેરોમાં પણ તેનો વિસ્તાર કરી શકાય છે.