VIDEO: નાયરા એનર્જીએ પેટ્રોલ અને ડીઝલના ભાવ ઘટાડ્યા, તો આજે સરકારી કંપનીઓએ પણ જાહેર કર્યા નવા દર
છેલ્લું અપડેટ : 02 Jul 2026
નવી દિલ્હી: આંતરરાષ્ટ્રીય બજારમાં ક્રૂડ ઓઈલ (Crude Oil) ની કિંમતોમાં સતત થઈ રહેલા ઘટાડા વચ્ચે દેશના ઈંધણ બજાર (Fuel Market) માં મોટા સમાચાર સામે આવ્યા છે. ખાનગી ક્ષેત્રની અગ્રણી ઓઇલ માર્કેટિંગ કંપની (Private Oil Marketing Company) 'નાયરા એનર્જી' (Nayara Energy) એ ૧ જુલાઈથી પોતાના પેટ્રોલ પંપ પર કિંમતોમાં મોટો ઘટાડો કર્યો છે. આ ઘટાડા બાદ આજે, ૨ જુલાઈએ સરકારી ઓઇલ કંપનીઓએ પણ પેટ્રોલ-ડીઝલના નવા રેટ (New Rates) જાહેર કર્યા છે. જોકે, સરકારી કંપનીઓના ગ્રાહકોને આજે પણ કોઈ રાહત મળી નથી.
નાયરા એનર્જીએ આપી મોટી રાહત!
નાયરા એનર્જીએ દેશભરમાં આવેલા તેના આશરે 7000 પેટ્રોલ પંપ પર પેટ્રોલની કિંમતમાં રૂ. 5 પ્રતિ લીટર અને ડીઝલની કિંમતમાં રૂ. 3 પ્રતિ લીટર નો ઘટાડો કર્યો છે.
પરંતુ અહીં રસપ્રદ વાત એ છે કે, ભૂતકાળમાં જ્યારે ઈરાન યુદ્ધ (Iran War) ના કારણે વૈશ્વિક બજારમાં તેલના ભાવ વધ્યા હતા, ત્યારે નાયરાએ જ સૌથી પહેલા ભાવમાં આટલો જ વધારો કર્યો હતો. ત્યારબાદ મે મહિનામાં સરકારી કંપનીઓએ પણ પેટ્રોલ-ડીઝલમાં રૂ. 7.50 નો તોતિંગ વધારો (Price Hike) ઝીંક્યો હતો. એટલે કે, નાયરાએ માત્ર પોતાના અગાઉ વધારેલા ભાવ પાછા ખેંચ્યા (Rolled Back) છે, જ્યારે સરકારી કંપનીઓએ હજુ સુધી કોઈ ઘટાડો કર્યો નથી.
સરકારી અને પ્રાઇવેટ પંપના ભાવમાં શું તફાવત છે?
કિંમતોમાં ઘટાડા પછી પણ નાયરા અને સરકારી કંપનીઓ (IOCL, HPCL, BPCL) ના ભાવમાં બહુ મોટો તફાવત (Price Difference) જોવા મળી રહ્યો નથી:
-
બેંગલુરુ (Bengaluru): નાયરાના પંપ પર ઘટાડા બાદ પણ પેટ્રોલ રૂ. 111.20 અને ડીઝલ રૂ. 98.80 છે. જ્યારે ઇન્ડિયન ઓઇલ (Indian Oil) ના પંપ પર કોઈ પણ ઘટાડા વગર પણ પેટ્રોલ રૂ. 110.91 અને ડીઝલ રૂ. 98.80 જ છે.
-
ફરીદાબાદ અને મહારાષ્ટ્ર: આ વિસ્તારોમાં નાયરાના પંપ પર પેટ્રોલ અનુક્રમે રૂ. 103 અને રૂ. 111.66 પ્રતિ લીટર વેચાઈ રહ્યું છે, જે સરકારી કંપનીઓના રેટની આસપાસ જ છે.
આંતરરાષ્ટ્રીય બજારમાં ક્રૂડ ઓઇલ $71ની નીચે
બ્લૂમબર્ગ (Bloomberg) ના રિપોર્ટ અનુસાર, વૈશ્વિક સ્તરે કાચા તેલની કિંમતોમાં ભારે ઘટાડો (Sharp Decline) જોવા મળ્યો છે. અમેરિકન WTI ક્રૂડ $0.76 તૂટીને $67.82 પ્રતિ બેરલ પર પહોંચી ગયું છે, જ્યારે બ્રેન્ટ ક્રૂડ (Brent Crude) પણ સસ્તું થઈને $70.95 પ્રતિ બેરલ પર ટ્રેડ (Trade) કરી રહ્યું છે. આમ છતાં સરકારી ઓઇલ માર્કેટિંગ કંપનીઓએ (Oil Marketing Companies) આજે સામાન્ય જનતાને કોઈ રાહત આપી નથી.
દેશના મુખ્ય શહેરોમાં આજના સરકારી પેટ્રોલ-ડીઝલના ભાવ (Rates):
GSTVની એપ્લિકેશન ડાઉનલોડ કરો
