Inflation: ઑક્ટોબરમાં જથ્થાબંધ ફુગાવો 27 મહિનાના નીચલા સ્તરે (-) 1.21%, જાણો કોના લીધે મળી રાહત
છેલ્લું અપડેટ : 14 Nov 2025
Inflation: ઑક્ટોબર 2025માં જથ્થાબંધ ભાવ ઈન્ડેક્સ (WPI) આધારિત ફુગાવો 27 મહિનાના નીચલા સ્તરે (-)1.21 ટકા પર પહોંચી ગયો. શુક્રવારે સરકાર દ્વારા જાહેર કરાયેલા આંકડા મુજબ, આ મુખ્યત્વે કઠોળ અને શાકભાજી જેવી ખાદ્ય ચીજોમાં તીવ્ર ઘટાડો અને ઇંધણ અને ઉત્પાદિત ઉત્પાદનોના ભાવમાં ઘટાડો થવાને કારણે હતું. પીટીઆઈના સમાચાર અનુસાર, સપ્ટેમ્બરમાં WPI ફુગાવાનો દર 0.13 ટકા હતો, જ્યારે ઓક્ટોબર 2024 માં તે 2.75 ટકા હતો.
મોંઘવારીથી કેમ મળી રાહત
ઉદ્યોગ મંત્રાલયના જણાવ્યા પ્રમાણે ઑકટોબર 2025માં નેગેટિવ ફુગાવા રીતે ખાદ્ય પદાર્થો, ક્રૂડ પેટ્રોલિય અને કુદરતી ગૅસ, વીજળી, મિનરલ ઓઈલ અને બેસિક મેટલ્સના ભાવમાં ઘટાડાને લીધે નોંધાઈ છે. ડબલ્યુપીઆઈ આંકડા અનુસાર ઑક્ટોબરમાં ખાદ્ય વસ્તુઓમાં 8.31નો તેજ ઘટાડો નોંધાયો છે. જે સપ્ટેમ્બરના 5.22થી વધુ છે.
સૌથી વધુ ઘટાડો આ વસ્તુઓમાં જોવા મળી
શાકભાજી: 34.97 ટકા
દાળ: 15.50 ટકા
બટાકા: 39.88 ટકા
ડુંગળી: 65.43 ટકા
ઉત્પાદિત ઉત્પાદનો અને ઈંધણના ભાવમાં પણ ઘટાડો
ઉત્પાદિત ઉત્પાદનોમાં મોંઘવારી ઘટી ઑક્ટોબરમાં 1.54 ટકા રહી. ઈંધણ અને વીજળીમાં 2.55 ટકાનો ઘટાડો રહ્યો. આ સતત સાતમા મહિને નબળાઈનો સંકેત છે. મળતી માહિતી મુજબ નાણાકીય વર્ષ-2026ના બાદી મહિનાઓમાં અનુકૂળ બેસ ઈફેક્ટને લીધે ડબલ્યુપીઆઈમાં વધુ ઘટાડો બની રહી શકે છે. નવેમ્બર 2025માં જથ્થાબંધ મોંઘવારી એક ટકાથી નીચે રહેવાની આશા છે.
GSTમાં કાપ મૂકવાની અસર
ગત 22 સપ્ટેમ્બરથી લાગૂ GST દરમાં કાપ પછી ઘણી દૈનિક વસ્તુઓ સસ્તી થઈ છે. ચાર સ્તરીય જીએસટી સ્લેબને ઘટાડીને માત્ર બે સ્લેબ 5 અને 18 ટકા કરી દેવાથી વસ્તુઓના ભાવ ઓછા થયા અને જથ્થાબંધ અને રિટેલ મોંઘવારીમાં ઘટાડો થયો છે.
છૂટક મોંઘવારી પણ ઐતિહાસિક નીચલા સ્તરે
ગત સપ્તાહે જાહેર આંકડાઓમાં ઑક્ટોબરમાં રિટેલ મોંઘવારી 0.25 ટકાના અત્યાર સુધીની સૌથી નીચે સ્તરે હતી. સપ્ટેમ્બરમાં રિટેલ મોંઘવારી દર 1.44 ટકા હતી. આરબીઆઈ, જે છૂટક મોંઘવારીની નીતિ નક્કી કરવામાં આધાર માને છે, તેને ગત મહિને રેપો રેટમાં 5.5 ટકા પર સ્થિર રાખ્યો હતો. જથ્થાબંધ મોઁઘવારી અને છૂટક મોંઘવારી બંનેમાં તેજીથી ઘટાડાથી ડિસેમ્બરમાં યોજાનારી આરબીઆઈની પોલિસી બેઠકમાં વ્યાજ દરમાં કાપની આશા વધી છે.
