દર મહિને તમારા PF એકાઉન્ટમાં આટલું યોગદાન આપો, જમા થશે 3થી 5 કરોડ રૂપિયા, જાણો ગણતરી

એમ્પ્લોઈઝ પ્રોવિડન્ટ ફંડ ઓર્ગેનાઈઝેશન (EPFO) એ એક સંસ્થા છે જે ખાનગી ક્ષેત્રના કર્મચારીઓ માટે રિટાયરમેન્ટ ફંડ જમા કરે છે. તે પેન્શન યોજનાઓના લાભો પણ પ્રદાન કરે છે. એમ્પ્લોય પ્રોવિડન્ટ ફંડ ખાતા હેઠળ, કર્મચારી અને એમ્પ્લોયર બંને દ્વારા સમાન યોગદાન આપવામાં આવે છે. સરકાર તેના પર વાર્ષિક વ્યાજ ચૂકવે છે. જેના કારણે કર્મચારીઓ પાસે રિટાયરમેન્ટ સુધી મોટી રકમ જમા થાય છે. આવી સ્થિતિમાં, જો તમે EPFO ​​હેઠળ કરોડો રૂપિયા જમા કરાવવા માગો છો, તો ચાલો જાણીએ કે તમારે કેટલું યોગદાન આપવું પડશે?

કેટલું વ્યાજ આપે છે સરકાર?

કેન્દ્ર સરકાર વાર્ષિક ધોરણે કર્મચારી ભવિષ્ય નિધિ ખાતા પર વ્યાજ નક્કી કરે છે. હાલમાં સરકાર પીએફ ખાતા હેઠળ 8.25 ટકા વ્યાજ આપી રહી છે. આ વ્યાજ દર વર્ષે કર્મચારીઓના ખાતામાં જમા થાય છે. પીએફમાં જમા વ્યાજ પર કોઈ ટેક્સ નથી, કારણ કે તે ટેક્સ ફ્રી સ્કીમ છે.

ઉપાડી શકાય છે ઈમરજન્સીમાં ફંડ

EPFO કર્મચારીઓને ઈમરજન્સીમાં પૈસા ઉપાડવાની સુવિધા પણ આપે છે. આગળના શિક્ષણ, લગ્ન, ઘરનું બાંધકામ અને માંદગી જેવા ચોક્કસ ખર્ચને પહોંચી વળવા કર્મચારીઓ તેમના EPFમાંથી ઈમરજન્સી ફંડ ઉપાડી શકે છે.

3થી 5 કરોડ માટે કેટલો ફાળો?

• રિટાયરમેન્ટ પર 3 કરોડ રૂપિયા મેળવવા માટે, કર્મચારીએ 40 વર્ષ સુધી દર મહિને 8,400 રૂપિયાનું યોગદાન આપવું પડશે. મેચ્યોરિટી પર, તમને 8.25 ટકાના વર્તમાન વ્યાજ દરે કુલ રૂ. 3,01,94,804 મળશે.
• જો તમે રિટાયરમેન્ટ પર 4 કરોડ રૂપિયા મેળવવા માગતા હો, તો તમારે 40 વર્ષ સુધી દર મહિને 11,200 રૂપિયાનું યોગદાન આપવું પડશે. પછી મેચ્યોરિટી પર તમને 8.25 ટકાના વર્તમાન વ્યાજ દરે કુલ 4,02,59,738 રૂપિયા મળશે.
• જો તમે રિટાયરમેન્ટ પર રૂ. 5 કરોડ જમા કરાવવા માગતા હો, તો તમારે 40 વર્ષ સુધી દર મહિને રૂ. 12,000નું યોગદાન આપવું પડશે. રિટાયરમેન્ટ પછી, તમને 8.25 ટકા વ્યાજ દરે 5,08,70,991 રૂપિયા મળશે.

EPF બેલેન્સ કેવી રીતે ચેક કરવું?

જો તમારો મોબાઈલ નંબર EPF એકાઉન્ટ સાથે લિંક છે, તો 9966044425 પર મિસ્ડ કોલ કરીને બેલેન્સ ચેક કરી શકાય છે. 7738299899 પર SMS 'EPFOHO UAN ENG' મોકલીને બેલેન્સ ચેક કરી શકાય છે. EPF પાસબુક પેજમાં લોગ ઇન કરીને બેલેન્સ ચેક કરી શકાય છે. તમે ઉમંગ એપ દ્વારા પણ બેલેન્સ ચેક કરી શકો છો.