ઓલટાઈમ હાઈ થયા બાદ શેરબજારમાં પ્રોફિટ બુકિંગ પાછું ફર્યું, મિડ-સ્મોલ કેપ શેરોમાં ઘટાડાએ બગાડ્યો મૂડ

યુએસ ફેડરલ રિઝર્વે ચાર વર્ષમાં પહેલી વખત વ્યાજદરમાં ઘટાડો કરવાની એનાઉન્સમેન્ટ કરી હતી, જે બાદ ભારતીય શેરબજારમાં ઉછાળો જોવા મળ્યો હતો. આજના કારોબારમાં નિફ્ટી બેંકે પહેલી વખત 53,000નો આંકડો પાર કર્યો. જ્યારે સેન્સેક્સ 236.57 પોઈન્ટ અથવા 0.28%ના વધારા સાથે 83,185ના સ્તર પર બંધ થયો, જ્યારે નિફ્ટી 38.25 પોઈન્ટ અથવા 0.15%ના વધારા સાથે 25,416ના સ્તર પર બંધ થયો. આજે સવારે કારોબારની શરૂઆત નિફ્ટી 110 અંક વધીને 25488 પર જ્યારે સેન્સેક્સ 411 અંક વધીને 83360 પર ખુલ્યો હતો. આજના વેપારમાં એનટીપીસી, નેસ્લે ઈન્ડિયા અને કોટક બેંકમાં નિફ્ટી 50 પેકમાં સારી ખરીદી જોવા મળી છે, જ્યારે બીપીસીએલ, કોલ ઈન્ડિયા લિમિટેડ અને શ્રીરામ ફાઈનાન્સમાં ભારે ઘટાડો નોંધવામાં આવ્યો છે.

સેક્ટરલ ઇન્ડેક્સની સ્થિતિ

ગુરૂવારે નિફ્ટી એફએમસીજીમાં સારી વૃદ્ધિ જોવા મળી છે. આ ઇન્ડેક્સ 0.56ટકાની વૃદ્ધિ બાદ 64,976ના લેવલે બંધ થયો હતો. જ્યારે નિફ્ટી પ્રાઈવેટ બેન્ક 0.56%ના ઉછાળા સાથે 26,651ના સ્તર પર બંધ થયા છે. આ પછી, નિફ્ટી બેંકે પહેલી વખત 53,353ના સ્તરે તેની સર્વકાલીન ઊંચી સપાટી બનાવી, પરંતુ 0.54%ના વધારા સાથે 53,038ના સ્તર પર બંધ થયો. નિફ્ટી ઑટો 0.40%ની મજબૂતીની સાથે 25,908ના સ્તર પર બંધ થયા છે. નિફ્ટી ઓઇલ એન્ડ ગેસ 1.34% ઘટીને 12,415 ના સ્તર પર બંધ થયો, જ્યારે નિફ્ટી ફાર્મા 0.41% ઘટીને 22,930 ના સ્તર પર બંધ થયો. યુએસ ફેડરલ રિઝર્વના નિર્ણયની આઈટી સેક્ટરના શેર પર મોટી અસર થઈ છે, તેથી નિફ્ટી આઈટી 0.34% નબળો પડ્યો અને 41,946 ના સ્તરે બંધ થયો. તે જ સમયે, નિફ્ટી એનર્જી મામૂલી ઘટાડા પછી 42,327 ના સ્તરે બંધ થયો હતો.

આજના ટોપ ગેઇનર્સ

ગુરુવારે, સરકારી માલિકીની કંપની એનટીપીસી એ સૌથી વધુ 2.37%નો ફાયદો હાંસલ કર્યો છે, જે રૂ. 423.95 પર બંધ થયો છે. આ પછી કોટક બેંક 1.76% વધીને 1,872ના સ્તર પર બંધ થયો. તે જ સમયે, ટાઇટન કંપની 1.50% ના ઉછાળા સાથે 3,781 ના સ્તરે બંધ રહ્યો હતો. આ સિવાય નેસ્લે ઈન્ડિયા 1.43%ના ઉછાળા પછી રૂ. 2,634 પર બંધ થયો, જ્યારે એચયુએલનો શેર 1.25%ના ઉછાળા પછી રૂ. 2,912 પર બંધ થયો.

આજના લૂઝર્સ

અદાણી પોર્ટ 1.45% ગગડીને રૂ. 1,408 પર બંધ રહ્યો હતો, જ્યારે એલ&ટીનો શેર 1.26% ઘટીને રૂ. 3,684 પર બંધ થયો હતો. ટીસીએસનો શેર 1.16% ઘટીને રૂ. 4,296ના સ્તરે બંધ રહ્યો હતો. આ સિવાય એચસીએલ ટેકનો શેર 1.14% ઘટીને રૂ.1,736ના સ્તરે બંધ થયો હતો. તે જ સમયે, જેએસડબલ્યુ સ્ટીલ 0.87% ના ઘટાડા સાથે 948.40 ના સ્તર પર બંધ થયો, જ્યારે ટાટા સ્ટીલ 0.71% ના ઘટાડા સાથે 149.54 ના સ્તર પર બંધ થયો.