માત્ર 8 જ મહિનામાં બિટકોઈન 50% તૂટ્યો, આ 4 કારણોથી ક્રિપ્ટો માર્કેટમાં હાહાકાર

BitCoin Crash: માર્કેટ કેપની દ્રષ્ટિએ વિશ્વનો સૌથી મોટો ક્રિપ્ટો બિટકોઈન તેના રેકોર્ડ હાઈથી લગભગ 50% નીચે આવી ગયો છે. બાકીના ક્રિપ્ટોકરન્સીની હાલત પણ સારી નથી અને મોટાભાગના ક્રિપ્ટો પોતાના હાઈથી ઘણા નીચે આવી ગયા છે. બિટકોઈનની વાત કરીએ તો, 7 ઓક્ટોબર 2025ના રોજ $1.26 લાખની રેકોર્ડ હાઈ પર પહોંચ્યા બાદ, તેના આશરે આઠ મહિનામાં તે લગભગ 50% તૂટીને $64 હજારની નીચે આવી ગયો છે. એટલું જ નહીં, આ મહિને તો તેણે $60 હજારનાસ્તરને પણ નીચેની તરફ તોડી દીધું હતું, જે તેના માટે છેલ્લા દોઢ વર્ષની સૌથી નીચલી સપાટી છે.

આ પણ વાંચો :

ક્રૂડ તેલ સસ્તું થતાં જ Sensex-Niftyમાં ભારે ઉથલપાથલ, જાણો આજના લેટેસ્ટ રેટ્સ

Market Analysis: દિવસભરના વોલેટાલિટીના અંતે Sensex 134 પોઇન્ટ તૂટ્યો, Nifty 23655 પર બંધ

આ 4 કારણોથી મચ્યો હાહાકાર

આ પણ વાંચો :

રોકાણકારોના જીવ અધ્ધર; Sensex 400થી વધુ પોઇન્ટ તૂટ્યો, ચાંદીમાં ₹5,000નું ગાબડું

Sensexમાં 1200 પોઈન્ટની તોફાની તેજી બાદ 76,264 પર બંધ, ડૉલર સામે રૂપિયો પણ થયો મજબૂત

1. અમેરિકન નીતિઓ સપોર્ટમાંથી બદલાઈને ઝટકો આપનારી બની

અમેરિકી રાષ્ટ્રપતિ ટ્રમ્પની ક્રિપ્ટો-સમર્થક નીતિઓએ બિટકોઈન સહિત અન્ય ક્રિપ્ટોકરન્સીની ચમક વધારી દીધી હતી અને સંસ્થાકીય રોકાણકારોએ  તેમાં જોરદાર નાણાં રોક્યા હતા. જો કે, ટેરિફ વોર (ટેક્સ યુદ્ધ) અને અમેરિકાની ઈરાન સાથેની લડાઈએ રોકાણકારોને ડરાવી દીધા અને તેઓ ક્રિપ્ટો જેવા જોખમી એસેટ્સમાંથી નાણાં કાઢીને સુરક્ષિત એસેટ્સમાં રોકાણ કરવા લાગ્યા.

2. બિટકોઈનના સૌથી મોટા રોકાણકારોમાં સામેલ માઈકલનું બેરિશ (મંદીનું) વલણ

માઈકલ સાયલરે (Michael Saylor) વર્ષ 2020માં પોતાની કંપની 'સ્ટ્રેટેજી'ની રોકડનો મોટો હિસ્સો બિટકોઈનમાં રોકવાનું શરૂ કર્યું હતું. ત્યારપછી સ્ટ્રેટેજીએ સતત બિટકોઈન ખરીદવાનું ચાલુ રાખ્યું અને તે વિશ્વની સૌથી મોટી કોર્પોરેટ બિટકોઈન હોલ્ડર કંપનીઓમાં સામેલ થઈ ગઈ. જો કે, 'સ્ટ્રેટેજી'એ વર્ષ 2022 પછી પહેલીવાર પોતાની હોલ્ડિંગનો કેટલોક હિસ્સો વેચ્યો ત્યારે બજારમાં ગભરાટ ફેલાઈ ગયો. થોડા અઠવાડિયા પહેલા જ્યારે તેમણે $25 લાખની કિંમતના 32 બિટકોઈન વેચ્યા, ત્યારે બિટકોઈન તૂટીને $72 હજારની નીચે આવી ગયો હતો. આ પહેલા સ્ટ્રેટેજીએ વર્ષ 2022માં 704 બિટકોઈન $18 હજારના ભાવે વેચ્યા હતા.

3. SpaceX નો જાદુ

તાજેતરમાં જ સ્પેસએક્સ કંપનીએ વિશ્વનો સૌથી મોટો IPO રજૂ કર્યો હતો. AI પરની તેની આક્રમક વ્યૂહરચનાએ રોકાણકારોને આકર્ષ્યા અને તેના કારણે એવું અનુમાન લગાવવામાં આવી રહ્યું છે કે ક્રિપ્ટો માર્કેટના પણ કેટલાક નાણાં આમાં ડાયવર્ટ થયા છે. સ્પેસએક્સે વિશ્વના સૌથી અમીર વ્યક્તિ એલન મસ્કને વધુ અમીર બનાવ્યા અને તેઓ વિશ્વના પ્રથમ અને એકમાત્ર ટ્રિલિયોનેર બની ગયા.

4. BitCoin ETF માંથી આડેધડ ઉપાડ

ગયા મહિને બિટકોઈન ETFમાંથી $200 કરોડથી વધુનો ઉપાડ થવાને કારણે ક્રિપ્ટો માર્કેટ પર ભારે દબાણ આવ્યું છે.