Market Analysis: દિવસભરના વોલેટાલિટીના અંતે Sensex 134 પોઇન્ટ તૂટ્યો, Nifty 23655 પર બંધ
છેલ્લું અપડેટ : 21 May 2026
આજે ભારતીય શેરબજારમાં ખૂલતા સમયે સારો માહોલ હતો પરંતુ જેમ જેમ દિવસ પસાર થતો ગયો એમ એમ ગભરાટનો માહોલ પ્રસરતો ગયો પણ છેલ્લે થોડી રિકવરી આવી હતી. જો કે દિવસના અંતે ઇન્ડેક્સ ઘટાડે બંધ રહ્યા હતાં.
સવારે 9 વાગ્યાની સાથે જ દલાલ સ્ટ્રીટ પર વાતાવરણ ઉત્સાહથી ભરાઈ ગયું. બજાર ખુલતાની સાથે જ એવું લાગતું હતું કે રોકાણકારો ફરીથી ખરીદી કરવા લાગ્યા છે. બધે હરિયાળી હતી. સેન્સેક્સમાં તેજી આવી રહી હતી, નિફ્ટી પણ જોરદાર રીતે ઉપર જઈ રહ્યો હતો, અને બેંકિંગ શેરોમાં પણ શરૂઆતમાં ખરીદી જોવા મળી રહી હતી.
ગુરુવારે આઇટી અને એફએમસીજી શેરો પર દબાણને કારણે સ્થાનિક શેરબજારમાં ઘટાડો થયો હતો, જ્યારે વેપારીઓએ પશ્ચિમ એશિયાની પરિસ્થિતિ પર નજર રાખી હતી.
દિવસના અંતે નિફ્ટી50 4.30 પોઈન્ટ અથવા 0.02 ટકા ઘટીને 23,654.70 પર બંધ થયો. સેન્સેક્સ 135.03 પોઈન્ટ અથવા 0.18 ટકા ઘટીને 75,183.36 પર બંધ થયો.
નિફ્ટી 50માં બજાજ ફાઇનાન્શિયલ, ટેક મહિન્દ્રા અને હિન્દુસ્તાન યુનિલિવર સૌથી વધુ ઘટ્યા હતા.
વ્યાપક બજાર (બ્રોડર માર્કેટ)
વ્યાપક બજારમાં, નિફ્ટી મિડકેપ 0.04 ટકા ઘટીને બંધ થયો, જ્યારે નિફ્ટી સ્મોલકેપ 0.63 ટકા વધીને બંધ થયો.
બેંક નિફ્ટીએ સૌથી વધુ નિરાશ કર્યા
દિવસની શરૂઆતમાં બેંકિંગ શેરોમાં મજબૂત ખરીદી જોવા મળી, પરંતુ આ તેજી લાંબો સમય ટકી ન હતી. નિફ્ટી બેંક તેના દિવસના ઉચ્ચતમ સ્તરથી 1 ટકાથી વધુ ઘટી ગયો. અંતે, બેંક નિફ્ટી 123 પોઈન્ટ ઘટીને 53,439 પર બંધ થયો. રોકાણકારો વ્યાજ દરો અને વૈશ્વિક બોન્ડ યીલ્ડ વિશે સૌથી વધુ ચિંતિત દેખાયા, જેના કારણે બેંકિંગ શેર દબાણ હેઠળ આવ્યા.
રૂપિયામાં મજબૂતાઈ જોવા મળી
શેરબજાર નબળું રહ્યું હોવા છતાં, આજે ભારતીય રૂપિયામાં મજબૂત વાપસી થઈ છે. અમેરિકન ડોલર સામે રૂપિયામાં 40 પૈસાથી વધુનો મજબૂતી જોવા મળી છે. આ રૂપિયા માટે મોટી રાહત માનવામાં આવે છે, જે તાજેતરના દિવસોમાં સતત દબાણ હેઠળ છે. ચલણ બજારમાં આ મજબૂતાઈથી રોકાણકારોનો વિશ્વાસ કંઈક અંશે વધ્યો છે.
આઇટી શેરો ફરી દબાણ હેઠળ
સતત બીજા દિવસે આઇટી ક્ષેત્ર દબાણ હેઠળ રહ્યું. નિફ્ટી આઇટી ઇન્ડેક્સ નબળો પડીને બંધ રહ્યો. ખાસ કરીને કોફોર્જના શેર તેમના અગાઉના સ્તરોથી લગભગ 4% ઘટ્યા. વૈશ્વિક ટેક ક્ષેત્રમાં નબળાઈ અને ડોલરની ચાલને કારણે રોકાણકારો સાવધ દેખાયા.
ક્ષેત્રવાર પ્રદર્શન
ક્ષેત્રવાર, નિફ્ટી એફએમસીજી, નિફ્ટી આઇટી અને નિફ્ટી ફાઇનાન્શિયલ સર્વિસિસમાં સૌથી મોટો ઘટાડો જોવા મળ્યો. જ્યારે નિફ્ટી રિયલ્ટી અને નિફ્ટી સિમેન્ટે વધુ સારું પ્રદર્શન કર્યું.
ટેકનિકલ વ્યૂ
લાઇવલોંગ વેલ્થના રિસર્ચ એનાલિસ્ટ અને સ્થાપક હરિપ્રસાદના જણાવ્યા અનુસાર, નિફ્ટી 50 23,800 ના મુખ્ય પ્રતિકાર સ્તરથી ઉપર મજબૂત ગેપ-અપ સાથે ખુલ્યો, જે પ્રારંભિક તેજીનો સંકેત આપે છે. જોકે, પ્રોફિટ-બુકિંગ અને વેચવાલીના દબાણને કારણે ઇન્ડેક્સ નીચે આવતો ગયો અને સમગ્ર સત્ર દરમિયાન ઘટાડો થયો. નિફ્ટી આખરે 23,650 ની આસપાસ બંધ થયો, જે દર્શાવે છે કે ઉપલા લેવલે વેચવાલી કરનારા એકદમ સક્રિય રહ્યા.
ટેકનિકલ દ્રષ્ટિકોણથી, 23,700 અને પછી 23,800 તાત્કાલિક પ્રતિકાર ઝોન રહે છે, જ્યાં સપ્લાયનું દબાણ ચાલુ રહી શકે છે. આની ઉપર, 24,000 મુખ્ય મનોવૈજ્ઞાનિક પ્રતિકાર છે અને અગાઉના સ્વિંગ હાઇ સાથે સંકળાયેલ એક મોટી કોલ OI દિવાલ છે.
નીચેની બાજુએ, 23,500 થી 23,600ની રેન્જમાં મુખ્ય સપોર્ટ ઝોન બનેલો છે. આની નીચે, 23,300 એક મુખ્ય સપોર્ટ લેવલ છે, જે મજબૂત પુટ OI અને અગાઉની ખરીદી દ્વારા સપોર્ટેડ છે. 23,600 ની નીચે નિર્ણાયક ઘટાડો ફરીથી વેચવાલીનું દબાણ આવી શકે છે.
મોમેન્ટમ ઇન્ડીકેટર્સ હાલમાં રેન્જ બાઉન્ડ છે અને નબળો ઢાચો દર્શાવે છે. RSI (14) 44 ની આસપાસ છે, જે ટૂંકા ગાળામાં તેજીના મજબૂત મોમેન્ટમનો અભાવ સૂચવે છે.
બજાર નિષ્ણાતનો મત
જિયોજિત ઇન્વેસ્ટમેન્ટ્સના સંશોધન વડા વિનોદ નાયરના મતે, સ્થાનિક ઇક્વિટી બજારોએ તેમનો પ્રારંભિક લાભ ગુમાવ્યો. આરબીઆઇના સંભવિત દરમાં વધારા અને નબળા મેન્યુફેક્ચરિંગ પીએમઆઇ ડેટાના ભયે બજાર પર ભાર મૂક્યો, જ્યારે ક્રૂડ ઓઇલના ભાવમાં નરમાઈથી હકારાત્મક સેન્ટિમેન્ટ પણ ઓછું થઈ ગયું
તેમણે કહ્યું કે યુએસ-ઈરાન વાટાઘાટોની આસપાસની અનિશ્ચિતતા, સ્થાનિક નાણાકીય નીતિ કડક થવાના સંકેતો અને નબળા વિકાસના અંદાજને કારણે મેક્રો ચિંતાઓ વધી છે.
જોકે સ્મોલકેપ શેરોમાં મજબૂતી અને રિયલ એસ્ટેટ અને આરોગ્યસંભાળમાં પસંદગીયુક્ત ખરીદી જોવા મળી હતી, પરંતુ નફા બુકિંગને કારણે બજાર દિવસ પ્રમાણમાં સપાટ રહ્યો. ભવિષ્યની દિશા આરબીઆઈની જૂન નીતિ, યુએસ-ઈરાન વાટાઘાટોમાં પ્રગતિ, વૃદ્ધિ સૂચકાંકો (ગ્રોથ ઇન્ડિકેટર્સ) અને રૂપિયાની સ્થિરતા પર આધારિત રહેશે.
