અમિતાભ બચ્ચનના દોહિત્ર અગસ્ત્ય નંદાએ કર્યો બિઝનેસની દુનિયામાં પ્રવેશ, આ કંપનીમાં કર્યું રોકાણ

બોલિવૂડ સ્ટાર અમિતાભ બચ્ચનની દોહિત્રી નવ્યા નવેલી નંદા બાદ હવે અમિતાભના દોહિત્રી અગસ્ત્ય નંદાએ પણ બિઝનેસની દુનિયામાં એન્ટ્રી કરી છે. અગસ્ત્યએ હેલ્ધી ફૂડ સંબંધિત કંપનીમાં રોકાણ કર્યું છે. નવ્યા અને અગસ્ત્ય અમિતાભ બચ્ચનની દીકરી શ્વેતા નંદાના સંતાનો છે. નવ્યા બિઝનેસની દુનિયામાં પ્રવેશી ચૂકી છે. 26 વર્ષની નવ્યા તાજેતરમાં જ ચર્ચામાં આવી હતી જ્યારે તેણે ઇન્ડિયન ઇન્સ્ટિટ્યૂટ ઑફ મેનેજમેન્ટ (IIM), અમદાવાદમાં MBA માટે એડમિશન લીધું હતું. નવ્યા કરોડો રૂપિયાની માલિક છે. આ ઉપરાંત તે તેના પિતાની કંપનીમાં ભાગીદાર પણ છે. આ સિવાય તે અન્ય ઘણા વ્યવસાયો સાથે પણ જોડાયેલી છે.

ક્યાં રોકાણ કર્યું?

23 વર્ષના અગસ્ત્યએ એક કંપનીમાં રોકાણ કરીને પોતાની બિઝનેસ ઇનિંગની શરૂઆત કરી છે. તેણે મુંબઈમાં ફૂડ વેન્ચરમાં રોકાણ કર્યું છે. અગસ્ત્યએ આ સાહસના 'હમ' નામના પ્રોજેક્ટમાં રોકાણ કર્યું છે. આ એક ઝડપી-કેઝ્યુઅલ રેસ્ટોરન્ટ પ્રોજેક્ટ છે જે હેલ્ધી ફૂડ આઈટમ્સ સાથે સંબંધિત છે અને તે ખૂબ જ ફેમસ છે. અગસ્ત્યએ આ સાહસમાં કેટલી રકમનું રોકાણ કર્યું છે તે અંગે હજુ સુધી કોઈ માહિતી બહાર આવી નથી.

અગસ્ત્યએ કહ્યું- હું ખૂબ જ ખુશ છું

અગસ્ત્ય આ પ્રોજેક્ટનો ભાગ બનીને ખુશ છે. તેણે કહ્યું, 'હમ પ્રોજેક્ટ પરિવાર સાથે જોડાઈને હું ખૂબ જ ખુશ છું. અમારો ઉદ્દેશ્ય લોકોને સ્વસ્થ જીવનશૈલી રજૂ કરવાનો છે. તેમજ 'હમ' પણ આ પ્રોજેક્ટમાં જોડાવા માટે ખૂબ જ ઉત્સુક છીએ. એક પોસ્ટમાં 'હમ'એ કહ્યું છે કે, 'અમે અગસ્ત્ય નંદાને પ્રોજેક્ટમાં નવા ભાગીદાર બનાવવા માટે ખૂબ જ ઉત્સુક છીએ. આ ભાગીદારી એક નવો અધ્યાય લખશે.

ફિલ્મોમાં પણ અજમાવી રહ્યો છે નસીબ

અગસ્ત્યએ પણ ફિલ્મી દુનિયામાં પોતાની ઇનિંગ શરૂ કરી છે. તેણે પોતાના ફિલ્મી કરિયરની શરૂઆત 'ધ આર્ચીઝ'થી કરી હતી. અગસ્ત્ય હાલમાં તેની આગામી ફિલ્મ 'ઇક્કીસ'ની તૈયારીમાં વ્યસ્ત છે. ઉલ્લેખનીય છે કે, બચ્ચન પરિવાર હાલ બિઝનેસ પર ઘણું ફોકસ કરી રહ્યું છે. તેમાં ખાસ કરીને રોકાણનો સમાવેશ થાય છે. અમિતાભે ઘણી પ્રોપર્ટીમાં રોકાણ પણ કર્યું છે.