VIDEO: Tech/ શું હેવ WhatsApp વાપરવા માટે દર મહિને ભરવા પડશે ₹273? જાણો, શું ભારતમાં થશે આ ટેસ્ટિંગ સફળ!
છેલ્લું અપડેટ : 21 Apr 2026
Metaની લોકપ્રિય ઇન્સ્ટન્ટ મેસેજિંગ એપ WhatsApp નવા સબસ્ક્રિપ્શન ટીયરનું ટેસ્ટિંગ કરી રહી છે. આ Instagram Plus અને Snapchat+ જેવું જ છે. સબસ્ક્રિપ્શન લેનારા યુઝર્સ કસ્ટમાઇઝ્ડ આઇકોન્સ, થીમ્સ, રિંગટોન અને અન્ય સુવિધાઓનો ઉપયોગ કરી શકશે. માહિતી અનુસાર, પેઇડ સબસ્ક્રિપ્શનના ફીચર્સ બહુ ખાસ કે અનોખા નથી. યુઝર્સને વધુ ફંક્શનલ ફીચર્સ મળી રહ્યા નથી. અત્યારે આ ટેસ્ટિંગ ફેઝમાં છે અને યુઝર્સના ફીડબેક લીધા બાદ તેને તમામ માટે જાહેર કરવાની યોજના છે.
WhatsApp Plusનું ટેસ્ટિંગ શરૂ
TechCrunchના રિપોર્ટ અનુસાર, ઘણા યુઝર્સ દ્વારા 'Plus' વર્ઝન સ્પોટ કરવામાં આવ્યું છે, જેમાં સોશિયલ મીડિયા કન્સલ્ટન્ટ મેટ નવારા પણ સામેલ છે. Metaના પ્રવક્તાએ જણાવ્યું કે, WhatsApp એક નવા સબસ્ક્રિપ્શનનું ટેસ્ટિંગ કરી રહ્યું છે જેનું નામ WhatsApp Plus છે. આ વૈકલ્પિક (Optional) હશે, એટલે કે યુઝર્સ પોતાની સુવિધા અને જરૂરિયાત મુજબ તેને પસંદ કરી શકે છે. તે એવા યુઝર્સ માટે ડિઝાઇન કરવામાં આવ્યું છે જેઓ તેમના અનુભવને વધુ પર્સનલાઇઝ કરવા માંગે છે.
સબસ્ક્રિપ્શનમાં મળી રહી છે આ સુવિધાઓ
પ્રીમિયમ ફીચર્સ હેઠળ યુઝર્સને નીચે મુજબની સુવિધાઓ મળી શકે છે:
વધુ ચેટ પિન કરવાની સુવિધા (20 ચેટ સુધી).
કસ્ટમ લિસ્ટ અને નવી ચેટ થીમ્સ.
ચેટ લિસ્ટ માટે ખાસ થીમ અને નોટિફિકેશન ટોન.
કસ્ટમ રિંગટોન સેટ કરવાની સુવિધા.
કેટલી છે કિંમત?
કિંમત અંગે અત્યારે કોઈ સત્તાવાર જાહેરાત થઈ નથી, પરંતુ WABetaInfo મુજબ:
યુરોપમાં: અંદાજે 2.49 યુરો (લગભગ ₹273) પ્રતિ માસ.
પાકિસ્તાનમાં: 229 PKR (અંદાજે $0.82).
રિપોર્ટમાં એવું પણ જણાવાયું છે કે કંપની યુઝર્સને એક મહિનાનું ફ્રી ટ્રાયલ પણ આપી રહી છે.
શું સબસ્ક્રિપ્શન ઉપયોગી છે?
અત્યાર સુધીની વિગતો મુજબ, આ પ્લાનમાં માત્ર દેખાવ અને પર્સનલાઇઝેશન પર ધ્યાન આપવામાં આવ્યું છે. ખાસ વાત એ છે કે, સબસ્ક્રિપ્શન પ્લાનમાં સ્ટેટસમાં દેખાતી જાહેરાતો હટાવવાનો કોઈ ઉલ્લેખ નથી. સામાન્ય યુઝર્સ માટે આ ફીચર્સ બહુ જરૂરી લાગતા નથી, કારણ કે તેમાં કોઈ એવું ફીચર નથી જે રોજિંદા કામમાં મોટો ફેરફાર લાવે.
ભારતમાં કેટલી સફળતા મળશે?
જો ભારતીય યુઝર્સની વાત કરીએ તો, આ પ્લાનમાં કોઈ ખાસ પ્રાઇવસી કે સિક્યોરિટી ફીચર નથી. સ્ટેટસમાંથી જાહેરાતો પણ હટાવવામાં આવતી નથી. ભારતીય યુઝર્સ સામાન્ય રીતે ચેટ થીમ કે રિંગટોન જેવા ફીચર્સ માટે પૈસા ખર્ચવાનું પસંદ કરતા નથી. આથી, એવી શક્યતા ઓછી છે કે ભારતમાં મોટી સંખ્યામાં લોકો WhatsApp Plus અપનાવશે. જે સુવિધાઓ અત્યારે ફ્રીમાં ઉપલબ્ધ છે, તેનો પણ મર્યાદિત ઉપયોગ થાય છે, તો પેઇડ સર્વિસ માટે લોકો કેટલો ઉત્સાહ બતાવશે તે જોવું રહ્યું.
