Tech News: શું છે Korean Love Game? ‘ગેમ માસ્ટર’ બાળકોને આપી રહ્યો છે ડેથ ટાસ્ક!

'કોરિયન લવ ગેમ' (Korean Love Game) જેવા ઓનલાઈન મોબાઈલ ગેમ્સ નાના બાળકોને પોતાની જાળમાં ફસાવી રહ્યા છે. અજાણ્યા લોકોની જાળમાં ફસાઈને બાળકો એવા પડકારો સ્વીકારી રહ્યા છે, જે તેમનો જીવ લઈ શકે છે. ગાઝિયાબાદની ઘટનાએ ફરી એકવાર ઓનલાઈન ગેમિંગના ગેરફાયદા વિશે ચર્ચા જગાવી છે. આ ગેમ્સમાં સામેલ 'ગેમ માસ્ટર' બાળકોને પોતાની વાતોમાં ઉલઝાવે છે અને તેમનો વિશ્વાસ જીતીને તેમના પર હાવી થઈ જાય છે.

‘કોરિયન લવ ગેમ’ જેવી મોબાઈલ ગેમ્સમાં બાળકો અજાણ્યા લોકો સાથે વાતો કરે છે. મિત્રતા અને પ્રેમની વાતોથી શરૂ થતી આ રમત, અંતે ‘ગેમ માસ્ટર’ની ખૌફનાક રમતમાં ફેરવાઈ જાય છે.

શું કોરિયન લવ ગેમ જેવી ગેમ્સ બાળકોનું બ્રેઈનવોશ કરી રહી છે?

ગાઝિયાબાદની ત્રણ સગી બહેનોના મોતે સૌને હચમચાવી દીધા છે. કથિત રીતે ઓનલાઈન ગેમિંગની દુનિયા તેમને મોતના મુખમાં લઈ ગઈ. રિપોર્ટ્સ અનુસાર, આ ગેમ્સમાં બાળકોને અલગ-અલગ ટાસ્ક આપવામાં આવે છે. એક અહેવાલ મુજબ, આ ગેમના છેલ્લા એટલે કે 50મા દિવસે આત્મહત્યાનો ચેલેન્જ આપવામાં આવે છે. આ દરમિયાન બાળકોને ધમકાવવામાં પણ આવે છે.

કોરિયન લવ ગેમ ક્યાં રમાય છે?

આ ગેમ ચોક્કસ ક્યાં રમાય છે તેનો કોઈ સચોટ જવાબ નથી. પોલીસ સૂત્રોના હવાલેથી મળતી માહિતી મુજબ, આ પ્રકારની ગેમ કાં તો સોશિયલ મીડિયા પર અથવા કેટલીક ખાસ મોબાઈલ એપ્સ દ્વારા રમવામાં આવે છે. તપાસ કરતા ગૂગલ પ્લે સ્ટોર કે એપલ એપ સ્ટોર પર આ નામની કોઈ સત્તાવાર ડેડિકેટેડ ગેમ મળી નથી.

બાળકોના મગજ પર કેવી રીતે કબજો કરવામાં આવે છે? 

1. રિપોર્ટ મુજબ, ગેમ રમતા બાળકો અજાણ્યા લોકોના સંપર્કમાં રહે છે.
2. અજાણી વ્યક્તિ બાળકો સાથે મિત્રતા અને પ્રેમની વાતો કરે છે અને પોતાની ઓળખ કોરિયન અથવા વિદેશી નાગરિક તરીકે આપે છે.
3. જ્યારે બાળકો વિશ્વાસ કરવા લાગે છે, ત્યારે તેમને નાના કામો આપવામાં આવે છે, જેમ કે મોડી રાત સુધી જાગતા રહેવું.
4. સમયની સાથે આ પડકારો મુશ્કેલ બનતા જાય છે અને તેનું સ્તર વધારવામાં આવે છે.
5. આ ચેલેન્જ પૂરા 50 દિવસ સુધી ચાલે છે, જેમાં 50મા દિવસે આત્મહત્યા કરવાનું કહેવામાં આવે છે.

‘ગેમ માસ્ટર’ની ભૂમિકા શું છે?

ગેમ માસ્ટર એ જ અજાણી વ્યક્તિ હોય છે જે બાળકો સાથે સંપર્કમાં રહે છે. શરૂઆતમાં તે બાળકો સાથે નમ્રતાથી વર્તે છે અને પછી કડકાઈ બતાવવાનું શરૂ કરે છે. એકવાર બાળકોને ગેમની લત લાગી જાય પછી ‘ગેમ માસ્ટર’ તેમને ધમકી આપે છે અને પોતાનો હુકમ ચલાવે છે. રિપોર્ટ અનુસાર, ગાઝિયાબાદના કેસમાં બહેનોના મોતને સીધી રીતે કોરિયન લવ ગેમ સાથે જોડવામાં આવ્યું નથી, પરંતુ તપાસમાં બહાર આવ્યું છે કે તેઓ આ ગેમની લતનો શિકાર બની હતી.