Tech News: Android ફોનમાં આવશે Appleનું આ જોરદાર ફીચર, Googleએ કરી જાહેરાત
છેલ્લું અપડેટ : 06 Feb 2026
અત્યાર સુધી માત્ર એપલ ડિવાઈસમાં જ મળતું એરડ્રોપ ફીચર હવે એન્ડ્રોઈડ ફોન પર પણ આવવાનું છે. ગયા વર્ષે એપલ અને ગૂગલે જાહેરાત કરી હતી કે એરડ્રોપ સિસ્ટમ હવે પિક્સેલના Quick Share સાથે કામ કરશે. શરૂઆતમાં આ ફીચર માત્ર પિક્સેલ 10 સીરીઝના ડિવાઈસ સુધી જ મર્યાદિત હતું. એટલે કે માત્ર પિક્સેલ 10 ડિવાઈસ દ્વારા જ ફાઈલોને આઈફોનમાં એરડ્રોપ કરી શકાતી હતી, પરંતુ હવે આ ફીચર તમામ એન્ડ્રોઈડ યુઝર્સ માટે આવવાનું છે.
ગૂગલે કરી પુષ્ટિ
નવેમ્બર 2025માં ગૂગલે એન્ડ્રોઈડ ડિવાઈસ પર એરડ્રોપ ફીચરની જાહેરાત કરી હતી. હવે કંપનીએ કન્ફર્મ કર્યું છે કે આ ફીચર તમામ એન્ડ્રોઈડ ડિવાઈસ માટે ઉપલબ્ધ થઈ જશે. એન્ડ્રોઈડના વાઈસ પ્રેસિડેન્ટ એરિક કે. એ જણાવ્યું હતું કે, આ વર્ષે જ યુઝર્સ આ ફીચરનો લાભ લઈ શકશે. તેમણે કહ્યું, "અમે આને તૈયાર કરવામાં ઘણો સમય અને મહેનત લગાવી છે. તે માત્ર આઈફોન સાથે જ નહીં, પરંતુ આઈપેડ અને મેકબુક સાથે પણ કામ કરશે." હવે કંપની તેના પાર્ટનર્સ સાથે મળીને તેનો વ્યાપ વધારવા જઈ રહી છે અને ટૂંક સમયમાં આ અંગે સત્તાવાર જાહેરાત કરવામાં આવશે.
ગૂગલ લાવી શકે છે નવી એપ
નોંધનીય છે કે ઘણા સમયથી આ ફીચરની રાહ જોવાઈ રહી હતી. ગૂગલે ગયા વર્ષે પણ એવા સંકેતો આપ્યા હતા કે આ ફીચર માત્ર પિક્સેલ ડિવાઈસ પૂરતું સીમિત રહેશે નહીં. એવું કહેવામાં આવી રહ્યું છે કે ગૂગલ આ માટે એક નવી એપ લાવશે, જેને ગૂગલ પ્લે સ્ટોર પરથી ડાઉનલોડ કરી શકાશે. તેની મદદથી આઈફોન પર વાયરલેસ ડેટા ટ્રાન્સફર કરવાનું એકદમ સરળ બની જશે. ગૂગલ સિવાય અન્ય કંપનીઓ પણ તેમના ડિવાઈસને એરડ્રોપ સાથે સુસંગત બનાવવા માટે તૈયારી કરી રહી છે. ક્વાલકોમ અને નથિંગ (Nothing) જેવી કંપનીઓએ પણ કહ્યું છે કે તેમના ડિવાઈસ પર પણ આ ફંક્શન કામ કરશે.
