Auto News: ભારતની આ પોપ્યુલર કારની વિદેશમાં ભારે માંગ, જાણો તેની લોકપ્રિયતાના 5 મોટા કારણો
છેલ્લું અપડેટ : 26 Jul 2025
મારુતિ સુઝુકી ફ્રોંક્સ લોન્ચ થયા પછીથી ભારતીય ગ્રાહકોમાં સૌથી વધુ વેચાતી SUV પૈકીની એક રહી છે. હવે મારુતિ ફ્રોંક્સને વિદેશી બજારમાં પણ જબરદસ્ત પ્રતિસાદ મળી રહ્યો છે. તમને જણાવી દઈએ કે મારુતિ ફ્રોંક્સ ભારતમાં બનેલી પહેલી SUV બની છે જેણે 1 લાખથી વધુ યુનિટ નિકાસ કર્યા છે. આ ઉપરાંત ફેબ્રુઆરી 2025માં મારુતિ ફ્રોંક્સ દેશમાં સૌથી વધુ વેચાતી કાર પણ હતી. તમને જણાવી દઈએ કે મારુતિ ફ્રોંક્સ ભારતમાંથી 80થી વધુ દેશોમાં નિકાસ કરવામાં આવે છે. અહીં જાણો 5 પોઈન્ટમાં મારુતિ ફ્રોંક્સની લોકપ્રિયતાનું કારણ વિગતવાર...
સર્વિસ નેટવર્ક ઉત્તમ છે
મારુતિ સુઝુકી ફ્રોંન્સની લોકપ્રિયતાનું સૌથી મોટું કારણ તેનું સર્વિસ નેટવર્ક છે. તમને જણાવી દઈએ કે મારુતિ સુઝુકીના સમગ્ર ભારતમાં 4,000 થી વધુ સર્વિસ ટચ પોઈન્ટ છે. આમાં ટિયર-2 થી ટિયર-3 શહેરોનો સમાવેશ થાય છે.
કિંમત પણ પોસાય તેવી છે
મારુતિ સુઝુકી ફ્રોંન્સ ની કિંમત ગ્રાહકોના ખિસ્સા પર વધારે અસર કરતી નથી. તમને જણાવી દઈએ કે સબ-4 મીટર SUV સેગમેન્ટમાં મારુતિ ફ્રોંન્સની કિંમત ગ્રાહકોને ઘણી આકર્ષિત કરે છે. ભારતીય બજારમાં મારુતિ ફ્રોંન્સની શરૂઆતની એક્સ-શોરૂમ કિંમત ટોચના મોડેલમાં 7.52 લાખ રૂપિયાથી 13.04 લાખ રૂપિયા સુધીની છે.
SUVનો બાહ્ય ભાગ શાનદાર છે
બીજી બાજુ મારુતિ સુઝુકી ફ્રોંન્સ બાહ્ય ભાગને પણ ગ્રાહકો દ્વારા પસંદ કરવામાં આવ્યો છે. જો આપણે ડિઝાઇન વિશે વાત કરીએ તો, મારુતિ સુઝુકી ફ્રોંન્સમાં ઉંચુ બોનેટ, પ્રોમિનેન્ટ ગ્રિલ, LED ડેટાઇમ રનિંગ લાઇટ અને આક્રમક બમ્પર ડિઝાઇન છે જે મજબૂત રોડ પ્રસેન્સને બતાવે છે.
SUVના ફીચર્સ અદ્ભુત છે
ફીચર્સની વાત કરીએ મારુતિ સુઝુકી ફ્રોંક્સમાં 9-ઇંચ ફ્લોટિંગ ટચસ્ક્રીન, 360-ડિગ્રી કેમેરા, વાયરલેસ એન્ડ્રોઇડ ઓટો અને એપલ કારપ્લે કનેક્ટિવિટી અને ઓટોમેટિક ક્લાઇમેટ કંટ્રોલ આપવામાં આવ્યું છે. આ ઉપરાંત સલામતી માટે કારમાં 6-એરબેગ્સ, ઇલેક્ટ્રોનિક સ્ટેબિલિટી પ્રોગ્રામ અને રીઅર પાર્કિંગ સેન્સર પણ છે.
SUVની પાવરટ્રેન કંઈક આ પ્રકારની છે
જો આપણે પાવરટ્રેન વિશે વાત કરીએ, તો SUVમાં 1.0-લિટર 3-સિલિન્ડર બૂસ્ટર જેટ પેટ્રોલ એન્જિન છે જે 100bhpનો મહત્તમ પાવર અને 147.6Nmનો પીક ટોર્ક જનરેટ કરવામાં સક્ષમ છે. SUVનું એન્જિન 5-સ્પીડ મેન્યુઅલ અને 6-સ્પીડ ટોર્ક કન્વર્ટર ઓટોમેટિક ગિયરબોક્સ સાથે જોડાયેલું છે.
