Alert: આ લોન એપથી દૂર રહો, છેતરપિંડીનો બની શકો છો શિકાર, સરકારની ચેતવણી

ભારતમાં નકલી ઇન્સ્ટન્ટ લોન એપ્સનું માર્કેટ પૂરૂ જ નથી થઈ રહ્યું. નકલી લોન એપ્સને લઈને દરરોજ ફરિયાદો મળી રહી છે, પરંતુ તેના પર સંપૂર્ણ નિયંત્રણ નથી આવી રહ્યું. દરરોજ લોકો આવી લોન એપ્સનો શિકાર બની રહ્યા છે પરંતુ તેમ છતાં તેને રોકવું મુશ્કેલ બની રહ્યું છે.

સરકાર પણ આવી એપ્સને લઈને સતત એલર્ટ જારી કરી રહી છે, પરંતુ લોકો પણ ઓછા બેદરકાર નથી. હવે સરકારી સાયબર એજન્સી સાયબરડોસ્ટે એક નવી એપ વિશે ચેતવણી આપી છે.   https://twitter.com/Cyberdost/status/1787469630522511553   સાયબરડોસ્ટે X (અગાઉ ટ્વિટર) પર પોસ્ટ કરીને કહ્યું છે કે Fin Score Credit Score Manager એપથી દૂર રહો. આ એક નકલી એપ છે અને તેમાં વિદેશી રોકાણની શક્યતા છે. આ એપથી કોઈપણ પ્રકારની લોન ન લો અને ન તો ક્રેડિટ સ્કોર ચેક કરો.   Fin Score Credit Score Managerને લઈને સરકારે એલર્ટ જાહેર કર્યું હોવા છતાં પણ આ એપ ગૂગલ પ્લે સ્ટોર પર ઉપલબ્ધ છે. આ એપ છેલ્લે 29 એપ્રિલે અપડેટ કરવામાં આવી હતી. તેને 1,00,000થી વધુ લોકો દ્વારા ડાઉનલોડ કરવામાં આવ્યું છે અને તેને 2.3 નું રેટિંગ પણ મળ્યું છે.