VIDEO: Tech/ સિલિન્ડર બુક કરાવતા પહેલા આ વાત ચોક્કસથી જાણી લો, નહિંતર ડિલિવર કરવામાં આવશે નહીં!
છેલ્લું અપડેટ : 24 Apr 2026
સોર્સ : GSTV
LPG ગેસની અછતના સમાચારો વચ્ચે ગેસ કંપનીઓએ સિલિન્ડરનું કાળાબજાર રોકવા માટે DAC (Delivery Authentication Code) સિસ્ટમ લાગુ કરી છે. આ એક પ્રકારના OTP જેવું કામ કરશે અને આ કોડ વગર ગેસ સિલિન્ડર ડિલિવર કરવામાં આવશે નહીં. જો તમે તાજેતરમાં મોબાઈલ નંબર બદલ્યો હોય અથવા ગેસ કનેક્શન સાથે લિંક કરેલો નંબર બંધ હોય, તો તેને તાત્કાલિક અપડેટ કરવો જરૂરી છે. નંબર અપડેટ કર્યા વગર અથવા DAC કોડ વગર તમે સિલિન્ડર મેળવી શકશો નહીં.
તમે ઘરે બેઠા જ ફોન દ્વારા ગેસ કનેક્શન સાથે લિંક કરેલો નંબર અપડેટ કરી શકો છો. આ માટે તમે વેબસાઇટ, WhatsApp અથવા ગેસ કંપનીની એપનો ઉપયોગ કરી શકો છો.
એપ (App) દ્વારા નંબર કેવી રીતે અપડેટ કરવો?
તમારી ગેસ કંપનીની સત્તાવાર એપ ડાઉનલોડ કરીને લોગ-ઈન કરો અને આ સ્ટેપ્સ ફોલો કરો:
હોમ પેજ પર નીચે સ્ક્રોલ કરીને 'Other Services'ના વિકલ્પ પર જાઓ. (કેટલીક એપમાં આ 'One Touch Solution' ના નામે હોઈ શકે છે.)
અહીં તમને 'Change Mobile Number' નો વિકલ્પ મળશે.
હવે તમારો નવો નંબર દાખલ કરો અને OTP દ્વારા તેને વેરિફાય કરો.
આટલું કરતા જ તમારો નવો નંબર અપડેટ થઈ જશે.
વેબસાઇટ દ્વારા નંબર કેવી રીતે અપડેટ કરવો?
જો તમે વેબસાઇટ દ્વારા નંબર બદલવા માંગતા હોવ, તો MyLPG.in પર જઈને આ સ્ટેપ્સ અનુસરો:
MyLPG.in પર ગયા પછી, ડાબી બાજુ દેખાતા ત્રણ સિલિન્ડરોમાંથી તમારી કંપનીના સિલિન્ડર પર ક્લિક કરો.
હવે તમે તમારી કંપનીના ઓફિશિયલ પોર્ટલ પર પહોંચી જશો, ત્યાં તમારા એકાઉન્ટમાં લોગ-ઈન કરો.
ત્યારબાદ 'Profile' માં જઈને 'Change Mobile Number' પર ક્લિક કરો.
નવો મોબાઈલ નંબર નાખો અને OTP દ્વારા વેરિફાય કરો.
WhatsApp દ્વારા નંબર કેવી રીતે અપડેટ કરવો?
તમે WhatsApp દ્વારા પણ ખૂબ જ સરળતાથી નંબર અપડેટ કરી શકો છો:
તમારી ગેસ એજન્સીના અધિકૃત WhatsApp નંબર પર 'Hi' લખીને મોકલો.
ત્યારબાદ મેનૂમાંથી 'Other Services' પસંદ કરો.
હવે 'Change Mobile Number' નો વિકલ્પ પસંદ કરો.
પૂછવામાં આવે ત્યારે નવો મોબાઈલ નંબર આપો.
OTP દ્વારા નવો નંબર વેરિફાય કરતા જ તમારા ગેસ કનેક્શન સાથે લિંક થયેલો નંબર અપડેટ થઈ જશે.
