ઇન્સ્ટાગ્રામ, ફેસબુક અને વોટ્સએપના યુઝર્સ ધ્યાન આપે, મેટા રજૂ કરશે સબસ્ક્રિપ્શન પ્લાન

મેટાની એપ્સમાં માનુષનું ઓટોનોમસ AI એજન્ટ્સ

માનુષ દ્વારા ઓટોનોમસ AI એજન્ટ્સ બનાવવામાં એક્સપર્ટ છે. આ એજન્ટ્સ સ્વતંત્ર રીતે તમામ કોમ્પ્લેક્સ કામ કરવા માટે સક્ષમ છે. ટ્રિપ પ્લાનિંગથી લઈને પ્રેઝન્ટેશન બનાવવા જેવા દરેક કામ આ એજન્ટ કરી લે છે. આ કંપનીને કારણે મેટાનું AI ઇન્ફ્રાસ્ટ્રક્ચર વધુ મજબૂત બની રહ્યું છે. મેટા હવે તેમની એપ્સ દ્વારા આ AI એજન્ટ્સને લોકો સામે લાવી રહી છે. માનુષના ઇન્ટિગ્રેશનની સાથે યુઝર્સને વાઇબ્સનું પણ ફુલ એક્સેસ મળશે. આ મેટાનું AI શોર્ટ વીડિયો જનરેશન ટૂલ છે જેને 2025માં લોન્ચ કરવામાં આવ્યું હતું.

સબસ્ક્રાઇબર્સને મળશે એડવાન્સ વાઇબ્સ ટૂલ

વાઇબ્સ ટૂલના બેસિક ફ્રી વર્ઝન દરેક યુઝર્સને મળશે, પરંતુ એના એડવાન્સ ક્રિએટિવ અને એડિટિંગ ફીચર્સ સબસ્ક્રાઇબર્સ માટે જ છે. મેટા દ્વારા હવે AIમાં ખૂબ જ ઇન્વેસ્ટમેન્ટ કરવામાં આવી રહ્યું છે અને હવે તેઓ એના દ્વારા પણ ઇન્કમ જનરેટ કરવા માગે છે. આ નવા સબસ્ક્રિપ્શન સ્ટ્રક્ચરને કારણે કંપનીને AI રિસર્ચ માટે પૈસા ભેગા કરવામાં મદદ મળશે. તેમજ તેઓ OpenAI, ગૂગલ અને એન્થ્રોપિક જેવી કંપનીઓને પણ ટક્કર આપી શકશે.

મેટા વેરિફાઇડથી અલગ હશે આ નવા પ્લાન

મેટા દ્વારા 2023માં ક્રિએટર્સ અને બિઝનેસ માટે વેરિફાઇડ સબસ્ક્રિપ્શન શરૂ કરવામાં આવ્યું હતું. જોકે, આ નવા સબસ્ક્રિપ્શન પ્લાન એના કરતાં એકદમ અલગ હશે. વેરિફિકેશન પ્લાનમાં બેજ, 24/7 સપોર્ટ અને વધુ વિઝિબિલિટી મળે છે, પરંતુ આ નવા ફીચર્સમાં યુઝર્સને ક્રિએટિવિટી મળશે. એમાં AI ટૂલ અને પ્રોડક્ટિવિટી ફીચર્સ પર ધ્યાન આપવામાં આવશે.